लूका 5:1 - जिरेल

¹ थेमे ङीमाई येशू गनेसरेत सिराते समुन्‍द्रे छेउदु देत्‍ला परमेश्‍वर बात लोप्‍कीन ओतान। थेकी साबाते बात लेमु खाला ङेन्‍दाप सिन मिबरीचेन फुलरीङ फुलरीङ खिन थे दोन्‍दुराङ ड्वा छोल्‍गीन ओतान।

लूका 5:1 Iomraidhean Croise

मत्ती 11:12

ईन्‍दालाचेन यूहन्‍ना थे खोरोङला परमेश्‍वरगी खि साबाते काम खिताला स्‍यूबा छुरनामेई थरिङसाकराङ स्‍वर्गे राज्‍य विरोध खित्‍कान्‍ते मिओन ओत्‍कीन ओत। थेबाचेन जबरजस्‍ती खाला थे राज्‍यदु स्‍यूक्‍पा छोल्‍गीदुक।

मत्ती 14:34

थेमे येशूताङ चेलातेबा फारकेनपा गनेसरेत सिरसापा लेप्‍कीन डुङ्गादुई फाप्‍सुङ।

मर्कूस 3:9

थेरू थोक काल्‍बेई मि वाबा थोङगीन थेकी चेलातेबाला “ख्‍योकोनगी डुङ्गाज्‍यीक खोरच्‍योक। दि मिओन च्‍येपा च्‍येप खाला ङे दोन्‍दु मेङस्‍यीत सिन ङा डुङ्गादु जेला देता थुप्‍क्‍यो,” सिन सिदुक।

मर्कूस 4:1

थेमे लोईन येशू गालील समुन्‍द्रे छेउदु गाल्‍गीन मिओनला परमेश्‍वर बात लोपाला स्‍यूसुङ। थेरू बात ङेन्‍दाला जम्‍मा ओङाते मि आउदी काल्‍बेई ओङेकी थेबेकी थे बात लेमु खाला थोस्‍यीत सिन थेचेन डुङ्गाज्‍यीकला जेकीन देत्‍सुङ। थे डुङ्गा छ्युई छेउदुराङ ओतान। थेमे ज्‍येन मिओनचेन गाङेराङ समुन्‍द्रे छेउला पाङलाराङ देत्‍सुङ।

मर्कूस 5:24

थेमे येशू थेत्ताङ ख्‍याम्‍सुङ। थोक खाला थेपा डोजीन ज्‍येन मिङ आउदी काल्‍बेई थेत्ताङ च्‍येपा च्‍येप खिन ख्‍याम्‍बा ओतान।

मर्कूस 6:53

थेमे येशूताङ चेलातेबा गाङेराङ फारकेनपा गनेसरेत सिरसापा लेप्‍कीन डुङ्गा समुन्‍द्रे छेउदु ताकीन ज्‍याक्‍सुङ।

लूका 12:1

थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

लूका 5:2

थेरू थोक ओङनामेई दोक ताजीन येशूकी समुन्‍द्रे छेउदु ताकीन ज्‍याक्‍पाते डुङ्गा ङि थोङसुङ। डुङ्गा ताकीन ज्‍यागीन ङ्या सेत्‍कान्‍तेबाचेन ङ्याला देक्‍च्‍येते जालतेबा टुला सफा खिन ओतान।

लूका 8:22

थेमे ङीमाई येशू थे खोरोङ चेलातेबाताङ डुङ्गाज्‍यीकला जेसुङ। थेमे थेकी थेबाला “लो था ङुरूङ समुन्‍द्रे फारकेनपा डुइ,” सिन साकीन थेपा ड्वाप्‍ला स्‍यूसुङ।

लूका 8:23

थेपा डुइन डुइनलाराङ येशूचेन भुसुक्‍क ङिक गाल्‍सुङ। थेमे थेरू चुक ओङसुङा सासीन आउदी छ्येज्‍यीक ल्‍हाबा चले खाईन समुन्‍द्रे छालगी छ्यु डुङ्गामा स्‍यूक्‍पाला स्‍यूसुङ। दोक खाईन छ्यु स्‍यूबेकी थेबा नुप्‍ला स्‍यिइता सिराच्‍योक गाल्‍गीन सिन्‍दा ओतान।

लूका 8:33

थोक सानामेकी थे ल्‍हन्‍डीकओन थे मिला ताङगीन फाक्‍पाओनला खोबाला गाल्‍सुङ। थेमे थेरू च्‍यि ओङसुङा सासीन फाक्‍पा गाङे ङ्योबाच्‍योक गाल्‍गीन बोमगी नाङमा छ्योङगीन डोजीन ठाःकनामा रिल्‍गीन समुन्‍द्रमा स्‍यूकीन नुप्‍कीन स्‍यिसुङ।

लूका 8:45

थेमे येशूकी “ङाला सुई दोबे?” सिन थेरू ओताते मिओनला ठिसुङ। तर गाङेकी “ङेङ मेन, ङेङ मेन,” सासुङ। थेमे पत्रुस थेमे थेत्ताङ ओताते ज्‍येनतेबेकी “गुरू, मि दोक च्‍येपा च्‍येप खाईन ख्‍याम्‍सादुङ खोल्‍ला थोईकी दो, थोईकी मादो, दिकीराङ दोसुङ सिन चुक खाला सिरच्‍ये,” सिन सिदुक।

यूहन्‍ना 1:40

यूहन्‍नेकी येशू सु ईन्‍दे सिन सानामेई येशू तिङ ङ्याकीन गालाते मि ङिबो नाङ दोक्‍पोईचेन शिमोन पत्रुस आज्‍यो अन्‍द्रियास ओतान।

यूहन्‍ना 6:1

दि टिक्‍पी दिन तिरी येशूबा गालील समुन्‍द्रे फारकेनपा गाल्‍सुङ। थे समुन्‍द्रलाचेन तिबेरियास समुन्‍द्रङ सिरच्‍येते खिन ओतान।

हिब्रू 13:7

खेराङला ताकान्‍ते छ्ये छ्ये मि बात ठेम्‍बा खि। थेबेकी ख्‍योकोनला परमेश्‍वर बात लापा ओतान। दुक्‍पा किम्‍मु जस्‍तो ओङजीनोङ स्‍यि स्‍यिसाकराङ थेबेकी चुक खाईन परमेश्‍वरला विश्‍वास खाबा ओताने थे ताला ख्‍योकोनगीङ थेबेकी खाबा च्‍योकराङ खि।