लूका 4:6 - जिरेल

⁶ थेमे थेकी “ङा खोल्‍ला ङे थाल्‍ला तेन्‍दाते लुङबा गाङेला राज्‍य खित ज्‍युत्‍क्‍यो। थेमे दि लुङबा लुङबाला ओताते सम्‍पत्ति गाङे खोल्‍ला तेरग्‍यो। दिबा गाङे ङाला बिन्‍दाते ईन। दि गाङे ङाराङला सुला तेरा सेम लाङगीका ङा थेलाराङ तेरग्‍यो।

लूका 4:6 Iomraidhean Croise

लूका 4:7

थोगी खुई ङाला माने खिओ सिन से खासीन खुई थाल्‍ला थोङाते जति गाङे खुईतेराङ ओङगो,” सिन सिदुक।

यूहन्‍ना 12:31

था परमेश्‍वरगी दि सा लुङबे मि न्‍याय खित्‍च्‍ये बेला लेप्‍सुङ। था थेकी दि सा लुङबे गेल्‍बो शैतान शक्ति ठ्वाला दुरूकी तेन्‍ला तोङगो।

यूहन्‍ना 14:30

था ङा काल्‍बासाक ख्‍योकोनताङ बात खिन देता मेङेदो। था दि सा लुङबे गेल्‍बो शैतान होत्ता ओङगीन ओत। थे ङा भन्‍दा छ्ये मेन। थेमे थेकी ङाला छ्याःङ खिता मुथुबो।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

२ कोरिन्‍थी 11:14

ईन्‍दाका दि छ्याःङ अचम्‍बते बात मेन। शैतानोङ नाम्‍दाककी झिलिमिली गालाते परमेश्‍वर दूत च्‍योकराङ ओङा थुप्‍क्‍यो।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

१ पत्रुस 1:24

परमेश्‍वर बातला “मि जुनी सिरातेनी पाङगी नाङले सो च्‍योकराङ ईन। थेमे मि जतिराङ छ्ये ईन्‍सीनोङ, थेबाताङ जे ओत्‍सीनोङ होदोक्‍ते गाङे होथे सोकी मेन्‍दोक च्‍योकराङ ईन। सो काम्‍ग्‍यो, सोकी मेन्‍दोकोङ ओइले खाला ङीम्‍ला डुइओ।

१ यूहन्‍ना 5:19

दि सा लुङबा गाङे मिला मेलेबा खित्‍कान्‍ते शैतान अधीनला ओत। ईन्‍सीनोङ ङुरूङचेन परमेश्‍वर फुज्‍युङ फुमु ईन सिन ङुरूङला लेमु खाला छ्या ओत।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:2

थे जन्‍तु दोक ताजीन चितुवा च्‍योकस्‍यिक ओतान। थेते ठेक्‍पा थोमगीते च्‍योक्‍तेन्‍दे थेमे खाचेन सिंहेते च्‍योक खाबाई ओतान। थे डुगी थे खोरोङ अधिकार जति थे जन्‍तुला बिन्‍गीन थे खोरोङ सिंहासन लाक्‍तु देत च्‍युत्‍सुङ। दोक खाईन थे डुगी थे जन्‍तुला राज्‍य खित च्‍युत्‍सुङ।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।