लूका 4:42 - जिरेल

⁴² थेमे ङारो च्‍योक्‍ते नाम लानामेई येशू थे सारदुकी थेन्‍गीन थे खोरोङ च्‍यिकराङ देताप सिन पाङगी नाङपा गाल्‍सुङ। थेमे थे सारगी मिओनचेन थे खापा गाल्‍ताका सिन थेला छोल्‍गीन गाल्‍सुङ। थेला ठेत्‍नामेकी थेबेकी “ओर्च्‍ये, खो ङ्योकोनताङ देत, दुरूकी मान्‍डो,” सिन थे सारदुकी थेला मोतोङा चाल्‍सुङ।

लूका 4:42 Iomraidhean Croise

मर्कूस 1:45

थेकी थोक सिन कोत्‍कीन ताङसीनोङ थे मिकीचेन येशूकी थे खोरोङला चुक खाईन ठाक्‍पा खासुङा सिन गाङेपा गाल्‍गीन मिओनला लाःप्‍सुङ। थे बात थोक खाईन गाङेपा फैले खानामेकी येशू गोमा च्‍योक गाङेकी छ्या स्‍येच्‍या खाला सारगी नाङपा जहाँसुकै ड्वा माथुप्‍सुङ। थे सारताङ युलगी नाङला मोन्‍डोबा खाईन पाङगी नाङला गाल्‍गीन देत्‍सुङ। थोक ईन्‍सीनोङ लोईन गाङेपेकी मिओन थे ओत्‍सादुराङ ओङाला स्‍यूसुङ।

लूका 24:29

“मेन हजूर, ङीमा काल्‍बेई मिन्‍दुक, नाम स्‍योबा खासुङ। थोगी थरिङ ङ्योकोनताङराङ देत्‍की,” सिन थेरूकी तोङाराङ माचाल्‍सुङ। थोगी थे थेबाताङराङ देत्‍सुङ।

लूका 6:12

थेजीनराङ बाजिई येशू परमेश्‍वरला प्रार्थना खिताला बोमज्‍यीकने गाल्‍सुङ। थेमे नुप खाङ थेनेराङ प्रार्थना खिन देत्‍सुङ।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 4:40

थोक खाईन येशू ओत्‍सादु लेप्‍कीन ङीमाई ङीमा ङि थेबाताङ देत सिन थेबेकी थेला बिन्‍ती खासुङ। थोगी थे ङीमा ङिसाक थेबाताङ देत्‍सुङ।

यूहन्‍ना 6:24

थेमे थेरू येशूताङ थे चेलाओन सुङ माथोङनामेकी थे मिओन होथे डुङ्गाओनलाराङ जेकीन लोक्‍ला येशूला छोलाला कफर्नहुमपाला गाल्‍सुङ।