लूका 4:41 - जिरेल

⁴¹ ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

लूका 4:41 Iomraidhean Croise

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मत्ती 8:16

थे छोमु नाम स्‍योनामेकी मिओनगी ल्‍हन्‍डीक स्‍यिन्‍डीप खोबाते मि काल्‍बेई येशू ओत्‍सादु क्‍याल्‍सुङ। थेमे थेकी मिओनला खोबाते ल्‍हन्‍डीकओनला थेन्‍ला ग्‍युक सिनकामा तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। थोकराङ खाईन थेरू खुलाबाते नाबाते ज्‍येन मिलाङ थेकी गाङेला ठाक्‍पा खासुङ।

मत्ती 8:29

थेला ठेतासात्तु थेबेकी ल्‍हन्‍डीक खानापेई “हजूर, खो परमेश्‍वर फुज्‍युङ ईन सिन ङ्योकोनला छ्या ओत। च्‍यि परमेश्‍वरगी सजाय तेरच्‍येते दिन मालेपालाराङ खो दुरू ङ्योकोनला सजाय तेराला वाबाप, ना चुक?” सिन छेरा खासुङ।

मत्ती 8:4

थेमे येशूकी थेला “खुई फार छुर गाल्‍ला दि बात सुङलाङ मासेर याङ। था खो दुरूकी सरासर पूजारी ओत्‍सादु खोरोङ ठाक्‍पाते तेन्‍दाला ग्‍युक। थेमे थे ओत्‍सादु गाल्‍ला मोशेकी टिबाते परमेश्‍वर नियमला जे खोबाते मिकी ठाक्‍नामेई च्‍यि च्‍यि चढे खिता फाप्‍क्‍यो साबा ओते थे परमेश्‍वरला चढे खि। थोक खानामेई खुई जे ठाक्‍तुक सिन ज्‍येनगी छ्या स्‍येक्‍यो,” सिन साकीन थेरूई ताङसुङ।

मर्कूस 1:25

थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ।

मर्कूस 1:32

शिमोन आबी ठाक्‍पाते बात थोनामेकी थेङले मिओनगी ङीमा गानामेकी थे छोमु ग्‍वासे नाबाते थेमे ल्‍हन्‍डीक स्‍यिन्‍डीप खोबाते मि गाङेला ठाक्‍पा खाला नाङ सिन येशू ओत्‍सादु खुला लिच्‍युङ।

मर्कूस 1:34

थेरू खुलाबाते खुदुक खुदुक रोग लै खाईन नाबाते मि काल्‍बेईला थेकी ठाक्‍पा खासुङ। थोकराङ खाईन ल्‍हन्‍डीक खोबाते मिओनदुकी ल्‍हन्‍डीक काल्‍बेई तेन्‍गीन ताङसुङ, स्‍यिन्‍डीप खोबातेबालाङ ठाक्‍पा खासुङ। ल्‍हन्‍डीकओनगी थे खोरोङ सु ईन्‍दे सिन थेला ङो स्‍येक्‍यो सिन येशूला छ्या ओतेकी थेकी थेबाला छ्याःङ बात खित माच्‍युत्‍सुङ।

मर्कूस 3:11

थे मि हूलगी नाङ ओताते ल्‍हन्‍डीक खोबाते मिओनगी येशूला थोङनामेई गुर्बु खाला से खिन “हजूर, खो परमेश्‍वर फुज्‍युङ ईन,” सिन छेरा खिन ओतान।

लूका 4:39

थेमे गाल्‍गीन थेकी “खोल्‍ला ठास्‍युम तोरस्‍यीत,” सिन सानामेकी थेते ठास्‍युम दाक छ्याक्‍सुङ। थेमे थेकी लाकीन गाङेला साप जोकीन बिन्‍सुङ।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

याकूब 2:19

परमेश्‍वर दोक्‍पोईकामा ओत सिन खुई साबाते बात पक्‍काराङ ईन। परमेश्‍वर दोक्‍पोईकामा ओत सिरच्‍येते बातनी ल्‍हन्‍डीक स्‍यिन्‍डीपकीङ ईन सिन सिओ। थेमे परमेश्‍वर ज्‍यीबेकी थेबाङ थुरथुर दारग्‍यो।