लूका 4:36 - जिरेल

³⁶ थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

लूका 4:36 Iomraidhean Croise

मत्ती 9:33

येशूकी थे ल्‍हन्‍डीक तेन्‍गीन ताङनामेकी थे मिकी बात खिताला स्‍यूसुङ। थोक थोङगीन थेरू ओताते मिओन छक्‍क परे खिन “ओहो, दोक्‍ते अचम्‍बते कामनी थातासाक ङुरूङ इस्राएल लुङबादु सुङगीङ खिता थोङा मेत,” सिन सिराला स्‍यूसुङ।

मर्कूस 1:27

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दि च्‍यि अचम्‍बज्‍यीक मि ईन्‍दाका। दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

मर्कूस 7:37

थेमे थे बात थोकान गाङेराङ अचम्‍ब माने खिन “आबिई, थेकी जेसुकै काम चुक लेमु खित्‍च्‍या ईन्‍दाका। थेकीनी ओन्‍बातेबाला थोच्‍या थेमे लाटातेबाला बात खिता थुप्‍च्‍या जोच्‍याक्‍वा,” सिन सिराला स्‍यूसुङ।

लूका 2:18

थेबे बात थोकान्‍ते मिबरी गाङेला आउदी अचम्‍ब लासुङ।

लूका 4:32

थेकी लापाते बात थोकीन थेरू मि गाङेराङ छक्‍क परे खासुङ। च्‍यिला सासीन थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।