लूका 4:25 - जिरेल

²⁵ ङुरूङ ज्‍युज्‍यु पुर्खे पालोला ओङाते दि बातओननी ख्‍योकोनला छ्याराङ ओतासीन। च्‍यि सासीन परमेश्‍वर बात खित्‍कान्‍ते एलिये पालोला लो सुमताङ दावा ठुकसाक छ्यार्बा मेदेक्‍जीन इस्राएल लुङबा खाङ आउदी खाईन अनिकाल लाबा ओतान। ख्‍योबो स्‍याप्‍ते मिओनगी आउदी दुक्‍पा ङेता ओतान। थेजीन थेरू थोक्‍ते फेम्‍मे मि काल्‍बेई ओतान।

लूका 4:25 Iomraidhean Croise

मत्ती 20:15

च्‍यि ङाराङ सम्‍पत्ति ङे ङाराङ खुशीकी चले खिता मेङेदोतरो? ङे थे मिओनला थाराङ ख्‍योकोनला छेतराङ बिन्‍सुङ सिन ख्‍योकोन च्‍यिला स्‍येदाङ खिते?’ सादुक्‍लो,” सिन सिदुक।

लूका 10:21

थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

रोमी 9:15

थे खोरोङगी चुक खाला काम खिते सिन मोशाताङ बात खिन थेकी “ङाराङला ङिङज्‍ये खिता सेम लाबाते मिला ङा ङिङज्‍ये खिओ। थोकराङ खाला ङाराङला लेमु खिता सेम लाबातेला लेमुराङ खिओ,” सिन साबा ओतान।

रोमी 9:20

ख्‍योकोन दोक सिरकान्‍तेबाला ङा च्‍यि सिते सासीन परमेश्‍वरगी ठीक काम माक्‍यासुङ सिन थेला खा खित्‍कान्‍ते खोका सु ईन्‍देरो? च्‍यि सबी स्‍यीकी कुमालेला खुई ङाला च्‍यिला दोकस्‍यिक खाईन जोबे सिन सिओतरो?

एफिसी 1:11

परमेश्‍वरचेन गोमा थे खोरोङगी खिओ सिन टुङ्गो खाबाते गाङे काम खिता चाला च्‍योकराङ खाला खित्‍कान्‍ते ईन। थे दोक खित्‍कान्‍ते ईन्‍देकी थेकी ङ्योकोनला गोमामेईराङ ख्रीष्‍टकी छ्य्‌वापेकी छाने खिओ सिन साबा ओतेकी साबा च्‍योकराङ खाईन छाने खासुङ।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

याकूब 5:17

परमेश्‍वर बात खित्‍कान्‍ते एलियाङनी ङुरूङ च्‍योकराङ दुक्‍पा किम्‍मु भोगे खाईन देताते मिराङ ओतान। थेकी छ्यार्बा मेदेक्‍स्‍यीत सिन परमेश्‍वरला आउदी खाईन प्रार्थना खाबेकी लो सुमताङ दावा ठुकसाक छ्यार्बे थिबाईओङ माथिक्‍सुङ।

छ्या स्‍ये च्‍युताते बात 11:6

परमेश्‍वरगी खोपरोङला सिर च्‍युताते बात खाईन मासिनथुप थेबा ङिबोकी छ्यार्बे थोपोईओङ थिक माच्‍युत्‍ला खडेरी थेन ज्‍युता थुप्‍क्‍यो। थेमे छ्युला ठाक डोर ज्‍युता थुप्‍क्‍यो। दोस्‍यिककामा मेन, खिता चाल्‍सुङ सासीन थेबेकीनी जुन बेलालाङ दि सा लुङबा खाङ आउदी मेलेबा मेलेबा रोगताङ अनिकाल लाङ ज्‍युत्‍क्‍यो।