लूका 4:23 - जिरेल

²³ थेबेकी थे खोरोङला चुक खिन दुका सिन छ्या स्‍येकीन थेकी थेबाला “ज्‍येनला ठाक्‍पा खित्‍कान्‍ते डाक्‍टरगी थे खोरोङलाङ ठाक्‍पा खिता फाप्‍क्‍यो सिरच्‍येते ङुरूङते उखानज्‍यीक ओत। ख्‍योकोनचेन ङाला होथे उखानला साबा च्‍योकराङ खित ज्‍युता छोल्‍गीदुक। च्‍यि सासीन कफर्नहुमदु खाबा च्‍योक्‍ते अचम्‍बते काम खो दुरू दाक्‍पोन युलदुङ खि। थेमेकामा ङ्योकोन खुई बात पत्ते खिओ सिराच्‍योक खिदुक।

लूका 4:23 Iomraidhean Croise

मत्ती 13:54

थेमे थेरू थे खोरोङ युलदु मिटिङ खित्‍च्‍येते खाम्‍बादु मिओनला लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

मत्ती 4:13

तर थे नासरत सारदु काल्‍बा मेदेता खाईन गालील समुन्‍द्रे छेउदु फाप्‍च्‍येते कफर्नहुम सिराते सारदु देताला गाल्‍सुङ। दि सारचेन जबूलूनताङ नप्‍ताली नाङराङ फाप्‍कीन ओतान।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 6:1

थे तिरी येशू थे खोरोङ युलनापा गाल्‍सुङ। चेलातेबाङ थेत्ताङ ङ्योम्‍बुराङ गाला ओतान।

लूका 2:39

परमेश्‍वर नियमला खि साबाते कामबरी खाईन सिन्‍नामेकी यूसुफताङ मरियम फिजा खुरगीन यरूशलेमदुकी गालील अञ्‍चल नासरत सारनापा ग्‍युरगीन गाल्‍सुङ। थेबे खाम्‍बा नासरतदुराङ ओतान।

लूका 2:51

ईन्‍सीनोङ आमातेकीचेन दि बाततेबा सेमगी नाङराङ ज्‍याक्‍सुङ। थेरूई येशू थे खोरोङ आबा आमाताङ नासरतपाराङ ग्‍युरगीन गाल्‍गीन देत्‍सुङ। थेकी थेबेकी लाःपा कोताते लेमु खाला ङेन्‍गीन ओतान।

लूका 4:16

दोक खिन लोप्‍कीन लोप्‍कीन डोजीन येशू नासरतपा लेप्‍सुङ। थे थेरूराङ हुर्के खाबा ओतान। सधैँ च्‍योकराङ खाईन थे थेरूङ सन्‍चारी छोमु मिटिङ खित्‍च्‍येते खाम्‍बादु गाल्‍सुङ। थेमे थे थेरू जम्‍मा ओङाते मिओन दोन्‍दु परमेश्‍वर बात पढे खिताला लासुङ।

लूका 4:31

थेरूई येशू कफर्नहुम सारनापा गाल्‍सुङ। दि सारोङ गालील अञ्‍चलदुराङ फाप्‍कीन ओतान। थेरूङ थेकी सन्‍चारी छोमु मिटिङ खित्‍च्‍येते खाम्‍बादु गाल्‍गीन मिओनला लोपाला स्‍यूसुङ।

लूका 4:35

थोक सिरजीन येशूकी “खो काल्‍बा बात माकेत। दि मिदुकी छिटो थेन्‍ला ग्‍युक,” सिन थे ल्‍हन्‍डीकला ङारसुङ। थेमे थे ल्‍हन्‍डीककी थे मिला मि गाङे ङोन्‍दु ज्‍याङे रिल्‍गीन थेन्‍गीन गाल्‍सुङ। दोक खाईन रिल्‍गीन ताङसीनोङ थे मिला छ्याःङ मेलेबा मायाङसुङ।

लूका 6:42

दोक मेन्‍दा ईन्‍सीन ख्‍योकोनगी दाक्‍पोनगी खाबाते छ्येज्‍यीक गल्‍तीराङ माताबा खाला खेराङ आज्‍यो न्‍वाकीते टेक्‍टेस्‍यिक गल्‍ती तेन्‍च्‍या मेतान। ख्‍योकोन चुक्‍तेन्‍दे ईन्‍दाका। थोङला दाक्‍पोन गल्‍ती छ्या स्‍येबा खि। थेमेकामा खेराङ आज्‍यो न्‍वाकी खाबाते गल्‍ती बात खि।

यूहन्‍ना 4:28

थेमे थे फेम्‍मे मि छ्युई गरीङ थेरूराङ ज्‍याइन सारनापा छ्य्‌वाकीन गाल्‍गीन मिओनला

२ कोरिन्‍थी 5:16

दोक ईन्‍देकी था ङ्योकोन ज्‍येन मिकी च्‍योक खाला दाक्‍पोनला सु मि चुक्‍ते ईन सिराच्‍योक लाङगीका थे थोक्‍तेराङ ईन सिराच्‍योक खाला बात मिक्‍किओ। गोमा गोमाबा ङेङ ख्रीष्‍टला थेनी दोक्‍तेताङ थोक्‍तेका ईन सिन साबा ओतान। थाचेन ङा नोमुङ थोक मिक्‍किओ।