लूका 4:18 - जिरेल

¹⁸ थेरू चुक सिन टिबा ओताने सासीन “प्रभु परमेश्‍वरगी ङाला थे खोरोङ आत्‍मा बिन्‍दा ओत। थेकी ङाला छ्याःङ मेताते मिओनला गा लाङच्‍येते बात लोपाला खटे खाबाते ईन। दोस्‍यिककामा मेन, थेकी ङाला जेलदु देता ओत्‍कानला था थेरूकी थेन्‍दा ङेत्‍क्‍यो सिन सि, अन्‍धओनला थोङा थुप्‍च्‍या जो, ज्‍येनगी अन्‍याय खाईन दुक्‍पा ङेताते मिओनला दुक्‍पादुकी ठोल

लूका 4:18 Iomraidhean Croise

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मत्ती 12:20

दिकीचेन फ्रेगीन सिन्‍दाते काँसकी छिज्‍यीकलाङ मोच्‍योओ। थेमे स्‍याप खाईन सिन्‍दाते बत्तीङ मेसेदो। दिकी खित्‍सादुराङ गाङेपा गाङेला लेमु खाला न्‍याय खित्‍च्‍येते समय ओङगो। थे दिन मालेपथुपसाक दिकी होदोक दोक खिनराङ देत्‍क्‍यो।

मत्ती 4:16

थेबा पापताङ लोभकी खाङाते मुन्‍दाकते ठाउँदु देता ओतान। थानी थेबेकी स्‍वर्गनेई वाबाते जोदाज्‍यीक नाम्‍दाक थोङा ङेत्‍सुङ। मुन्‍दाकते ठाउँदु देत्‍कीन स्‍याप छेतराङ गाला ओताते मिओनगी नाम्‍दाक छ्याङे गाला थोङसुङ,” सिन साबा ओतान।

मत्ती 5:3

थेकी थेबाला “ङा ङाराङ ईन सिराच्‍योक मिक्‍किता खाला परमेश्‍वरला मद्धत नाङ सिरकान्‍ते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

लूका 4:17

थेमे परमेश्‍वर बात खित्‍कान्‍ते यशैयेकी टिबाते किताब बिन्‍नामेई थेकी थे किताब खोले खित्‍जीन दोक सिन टिबाते थेप्‍सुङ। थेमे गाङेकी थोच्‍या खाईन थे बात पढे खिताला स्‍यूसुङ।

लूका 6:20

थेरूई येशूकी थेरू ओताते गाङे चेलातेबा ओत्‍सापाला ताकीन दोक सिन बात खिताला स्‍यूसुङ। थेकी थेबाला “ख्‍योकोन दुक्‍पा ङेताते मिओन भाग्‍यमानी ईन। च्‍यिला सासीन ख्‍योकोन परमेश्‍वर राज्‍यदु स्‍यूला थेरू देता ङेत्‍क्‍यो।

लूका 7:22

यूहन्‍ने चेलाओनगी यूहन्‍नेकी ठिर ताङाते बात सानामेकी येशूकी थेबाला “ख्‍योकोनगी ङे खाबाते कामतेबा खेराङ मिगीराङ थोङा ओत। थेमे ङे लोप्‍कीन ओताते बात थोबा ओत। था ख्‍योकोनगी यूहन्‍ना ओत्‍सापा गाल्‍ला च्‍याला अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते खेराङगी थोङातेताङ थोबाते गाङे बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बातओनोङ थेला सि।

यूहन्‍ना 1:41

थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

यूहन्‍ना 12:46

ङाला विश्‍वास खित्‍कान सुङ मुन्‍दाकला देता माफाप्‍स्‍यीत सिन स्‍वर्गे नाम्‍दाक ङा दि सा लुङबादु वाबाते ईन।

यूहन्‍ना 3:34

परमेश्‍वरगी ताङातेकीचेन परमेश्‍वरगी सि साबाते बातराङ सिओ। परमेश्‍वरगी थेला दोस्‍यिक थोस्‍यिक सिन सिरा मुथुप्‍च्‍या खाईन तेरासम्‍म परमेश्‍वर आत्‍मा बिन्‍दा ओत।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

शक्ति काम 4:26

प्रभु परमेश्‍वर थेमे थेकी खटे खाईन ताङातेला विरोध खिताला दि सा लुङबे गेल्‍बोओनताङ छ्ये छ्ये मि गाङेराङ डिगीन ङ्योम्‍बुराङ जम्‍मा ओङला दुक,’ सिन साबा ओतान।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।