लूका 4:15 - जिरेल

¹⁵ थेमे थेकी युल युलला गाल्‍गीन थेङला ओताते यहूदीओनते मिटिङ खित्‍च्‍येते खाम्‍बे नाङला गा लाङच्‍येते बात लोपाला स्‍यूसुङ। थे बात थोकान्‍ते मिओनगी “ओहो, दिकी चुक लेमु खाला लोप्‍कीका,” सिन थेला आउदी खाईन मान खिताला स्‍यूसुङ।

लूका 4:15 Iomraidhean Croise

मत्ती 13:54

थेमे थेरू थे खोरोङ युलदु मिटिङ खित्‍च्‍येते खाम्‍बादु मिओनला लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 9:35

दोक खाला येशूचेन युल युलला, सार सारला गाङेपा युगीन थेङला ओताते मिटिङ खित्‍च्‍येते खाम्‍बे नाङला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

मर्कूस 1:27

थेकी कोताते ल्‍हन्‍डीककीङ थोक खाईन ङेन्‍दा थोङगीन मि गाङेराङ छक्‍क परे खिन “आबिई, दि च्‍यि अचम्‍बज्‍यीक मि ईन्‍दाका। दिकी चुक अचम्‍ब खाला बात खिका। दित्ताङ ल्‍हन्‍डीक स्‍यिन्‍डीपला ग्‍याल्‍च्‍येते शक्ति ओतेकी थेबाला थेन्‍ला ग्‍युक सिराईताङ थेबा होत थेन्‍ला डुइदुक,” सिन खोपरोङ नाङ बात खिताला स्‍यूसुङ।

मर्कूस 1:39

थेमे थे गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला गा लाङच्‍येते बात लोप्‍कीन ख्‍याम्‍सुङ। दोक खिन ख्‍याम्‍जीन ल्‍हन्‍डीक खोबाते मिओनदुकी ल्‍हन्‍डीकओन तेन्‍गीन ताङसुङ।

मर्कूस 1:45

थेकी थोक सिन कोत्‍कीन ताङसीनोङ थे मिकीचेन येशूकी थे खोरोङला चुक खाईन ठाक्‍पा खासुङा सिन गाङेपा गाल्‍गीन मिओनला लाःप्‍सुङ। थे बात थोक खाईन गाङेपा फैले खानामेकी येशू गोमा च्‍योक गाङेकी छ्या स्‍येच्‍या खाला सारगी नाङपा जहाँसुकै ड्वा माथुप्‍सुङ। थे सारताङ युलगी नाङला मोन्‍डोबा खाईन पाङगी नाङला गाल्‍गीन देत्‍सुङ। थोक ईन्‍सीनोङ लोईन गाङेपेकी मिओन थे ओत्‍सादुराङ ओङाला स्‍यूसुङ।

लूका 13:10

ङीमाई सन्‍चारी छोमु येशू मिटिङ खित्‍च्‍येते खाम्‍बाज्‍यीक्‍तु मिओनला परमेश्‍वर बात लोप्‍कीन ओतान।

लूका 4:16

दोक खिन लोप्‍कीन लोप्‍कीन डोजीन येशू नासरतपा लेप्‍सुङ। थे थेरूराङ हुर्के खाबा ओतान। सधैँ च्‍योकराङ खाईन थे थेरूङ सन्‍चारी छोमु मिटिङ खित्‍च्‍येते खाम्‍बादु गाल्‍सुङ। थेमे थे थेरू जम्‍मा ओङाते मिओन दोन्‍दु परमेश्‍वर बात पढे खिताला लासुङ।