लूका 3:8 - जिरेल

⁸ ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 3:8 Iomraidhean Croise

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

मत्ती 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो।

मत्ती 3:9

ख्‍योकोनचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 13:25

परमेश्‍वर राज्‍यचेन खाम्‍बा च्‍योकराङ ईन। ङीमाई थे खाम्‍बे धनीकी खाम्‍बे गो डेप च्‍येत्‍क्‍यो। गो च्‍येत्‍नामेई च्‍यि ओङगीते छ्या ओत? ख्‍योकोनचेन फिनामा देत्‍ला ‘ए हजूर, गो फेतना, ङ्योकोनोङ ओङामीन,’ सिन छेरा खिओ। ख्‍योकोनगी थोक खित्‍जीन खाम्‍बे धनीकीचेन नाङनेकी ‘ख्‍योकोन सु ईन्‍दे, खापेकी वाबाते ईन्‍दे सिन ङाला छ्या मेत। थोगी ङे च्‍यिला गो बेत्‍च्‍ये?’ सिन सिओ।

लूका 13:26

लोक्‍ला ख्‍योकोनगी ‘थोक मासेरना हजूर। ङ्योकोनगीनी खोत्ताङराङ सोकीन थुकीन खाबाते ईन। थेमे खुई ङ्योकोन थेङलाराङ परमेश्‍वर बादोङ लापा ओतान। दोक ईन्‍सीनोङ खो ङ्योकोनला च्‍यिला छ्या मेस्‍येओ सिते?’ सिन सिओ।

लूका 14:9

थेमे होथे मिलाङ खोल्‍लाङ निम्‍तो खित्‍कान्‍ते थे खाम्‍बे धनीकी वाकीन च्‍याकीन ‘दुरू दि छ्येते मिला देत ज्‍युत्‍कीना,’ साकीन खेराङ देत्‍सादुई लाङनामेई ज्‍येननापा गाल्‍ला देता फाप्‍जीन मि ङोन्‍दु थोई ङोचा ओङगीते।

लूका 19:40

तर येशूकी “ङा थेबाला खाराक्‍पा देत मिसिरो। थेबा खाराक्‍पा देत्‍सीन थेबे साटोला देङला ओताते दोतेबेकीराङ छेरा खाला खाला दि बातओन सिओ,” सिन सिदुक।

लूका 19:9

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

लूका 5:21

थेकी थोक सिरजीन थेरू ओताते धर्मे गुरूओनताङ फरिसी पाटी मिओनगीचेन मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

यूहन्‍ना 8:33

थोक सिरजीन थेबेकी “ङ्योकोननी अब्राहाम सन्‍तान ईन। थेमे थातासाक सुङगीङ योक्‍पो योङमु ओङा मेत सासीन खो चुक खाला ङ्योकोनला योक्‍पो योङमु खिन ओत्‍सादुई डेल्‍च्‍ये बात खिते?” सिन सासुङ।

यूहन्‍ना 8:39

थेकी थोक सिरजीन लोईन थेबेकी “ङ्योकोन आबानी अब्राहामराङ ईन,” सिन सिदुक। थेमे थेकी “ख्‍योकोन अब्राहाम सन्‍तान ईन्‍दा ईन्‍सीन ख्‍योकोनगी थेकी खाबा च्‍योकराङ खित्‍च्‍या ओतान।

शक्ति काम 26:20

थोगी ङे गोमा दमस्‍कसदु थेमे यरूशलेमताङ यहूदिये अञ्‍चल नाङला गाङेपा थेमे ज्‍येन लुङबा लुङबाला गाल्‍गीन ज्‍येन ज्‍येन जातकी मिलाङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन लापाप। थोक खित्‍जीन ङे थेबा गाङेला खोपरोङ पक्‍काराङ परमेश्‍वर छ्य्‌वापा लै खाबाते ईन सिन कामगीराङ खाला तेन्‍दा फाप्‍क्‍यो सिन साबाप।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

रोमी 9:7

थोकराङ खाला अब्राहाम छ्य्‌वापेई केबाते ईन सिरजीनमेईराङ थे फिजा गाङेला अब्राहामते पक्‍काते सन्‍तान ईन सिन सिरा मुथुबो। च्‍यिला सासीन परमेश्‍वरगी अब्राहामला “खुई फुज्‍युङ इसहाक सन्‍तानलाकामा ङा खुई सन्‍तान सिन सिओ,” सिन साबा ओतान।

फिलिप्‍पी 1:11

थेमे परमेश्‍वरगी खि साबाच्‍योक खाला लेमुते कामकामा खित्‍कान्‍ते मि ओङगो। परमेश्‍वरगी मान ङेत्‍स्‍यीत थेमे थेते जय जय ओङस्‍यीत सिनराङ येशू ख्रीष्‍टकी खित्‍सादु ख्‍योकोन थोक्‍ते मि ओङच्‍येते ईन।