लूका 3:22 - जिरेल

²² बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

लूका 3:22 Iomraidhean Croise

मत्ती 12:18

चुक सासीन “दिला ङे ङाराङ काम खिताला छाने खाबाते ईन। ङा दिला ङिङज्‍ये खिओ थेमे दित्ताङ खुशीङ ओत। ङा दिला ङाराङ आत्‍मा तेरग्‍यो। थेमे दिकीराङ ङे जात जातकी मिला काका पाका मिक्‍किता खाला न्‍याय खिओ सिन लाप्‍ला तेरग्‍यो।

मत्ती 17:5

थेकी बात खिन खिनलाराङ आउदी कार्मुज्‍यीक मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत। दिकी साबाते बात ङेन,” सिन सिरा थेबेकी थोसुङ।

मत्ती 27:43

दि परमेश्‍वरगी थे खोरोङला लेमु खाला तेइओ सिरकान्‍ते ईन। थेमे दिचेन दि खोरोङराङ परमेश्‍वर फुज्‍युङ ईन सिन ख्‍याम्‍गीन ओतान। दिकी साबा च्‍योकराङ ईन्‍सीन लोते ओना दिला परमेश्‍वरगी खजो जोए खित्‍च्‍या ईन्‍दाका तेइ,” सिन खिस्‍यी खासुङ।

मत्ती 3:13

यूहन्‍ना दोक खिन ओते बेलाला येशूकीङ गालील अञ्‍चलपेकी यर्दन चाङबोदु थे ओत्‍सादु लेप्‍कीन बप्‍तिस्‍मा नाङ सिन सासुङ।

मत्ती 3:16

थोक खाईन सिन्‍दाईताङ येशू छ्युदुई पाङला थेन्‍सुङ। थेमे चुक ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक देताते येशूकी थोङसुङ।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मर्कूस 1:11

थेमे स्‍वर्गनेईराङ “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

मर्कूस 1:9

यूहन्‍ना दोक खिन ओते बेलाला येशू गालील अञ्‍चलदु फाप्‍च्‍येते नासरतदुकी यूहन्‍ना ओत्‍सादु लेप्‍सुङ। थेमे यूहन्‍नेकी थेला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

मर्कूस 9:7

पत्रुसकी बात खिन खिनलाराङ मुक्‍पा वाकीन थेबा गाङेला उप्‍सुङ। थेमे थे मुक्‍पे नाङदुकीराङ “दि ङे फुज्‍युङ ईन। ङा दिला आउदी ङिङज्‍ये खिओ। दिकी साबाते बात ङेन,” सिन सिरा थेबेकी थोसुङ।

लूका 2:14

थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

लूका 4:21

थेमे थेकी थेबाला “यशैयेकी टिबाते दि बात थाल्‍ला ख्‍योकोनगी थोनामेई साबा च्‍योकराङ ओङसुङ,” सिनकामा थेबाताङ बात खिताला स्‍यूसुङ।

यूहन्‍ना 1:32

थोरूमोङ बात खिन थेकी “ङेचेन स्‍वर्गनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन थे लाक फाप्‍कीन थेत्ताङराङ देता थोङसुङ।

यूहन्‍ना 12:28

आबा, खो खोरोङ चुक छ्ये ईन्‍दे सिन मिओनला तेन्‍ला बिन,” सिन सिदुक। थेकी थोक सानामेकी परमेश्‍वरगी स्‍वर्गनेकी “ङे ङाराङ चुक छ्ये ईन्‍दे सिन गोमाका तेन्‍गीन बिन्‍दा ओत। थेमे था लोक्‍लाङ ङा तेन्‍ग्‍यो,” सिन सिदुक।

यूहन्‍ना 5:37

दोस्‍यिककामा मेन, ङाला दुरू तोङकान्‍ते आबेकीङ ङा सु ईन्‍दे सिन लेमु खाईन साबा ओत। ख्‍योकोनगी नोमुङ थे ङोरो थोबा मेत, थे दोकस्‍यिकराङ ओताक्‍वा सिन थोङाङ मेत।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

कलस्‍सी 1:13

थेकीराङ ङुरूङला मुन्‍दाक राज्‍य गेल्‍बो शैतान लाःक्‍तुकी टाल्‍गीन थे खोरोङ ङिङज्‍येते फुज्‍युङ राज्‍यदु खुलाबा ओत।

१ पत्रुस 2:4

ख्‍योकोन येशू ख्रीष्‍ट दोन्‍दु ग्‍युक। थेचेन कर्मीओनगी कामराङ लै मिक्‍किओ सिन क्‍युराते तर परमेश्‍वरगी आउदी काम लै खित्‍च्‍येते सिन छाने खाबाते दो ईन। थे सोम्‍बो ओत।