लूका 3:2 - जिरेल

² थेजीन हन्‍नासताङ कैयाफा गाङे भन्‍दा छ्येते पूजारी ओतान। थेमे थे बेलालाराङ परमेश्‍वरगी थे खोरोङ बात लोप सिन जकरिये फुज्‍युङ यूहन्‍नाला थे कामगी जिम्‍मा बिन्‍सुङ। थेजीनसाक यूहन्‍नाचेन रीलाराङ देता ओतान।

लूका 3:2 Iomraidhean Croise

मत्ती 11:7

यूहन्‍ने चेलाओन थेरूकी ग्‍युरगीन गाल्‍नामेई येशूकी थेरू ओताते मिओनताङ यूहन्‍ने बात खिताला स्‍यूसुङ। थेकी थेबाला “यूहन्‍ना री नाङला देता ओते बेलाला ख्‍योकोन थेपा च्‍यि तार गाले? च्‍यि ल्‍हाबा खित्‍जीन होथेङपा ओताते काँसकी सो योम्‍च्‍येते तार गालाप? ना आउदी लेमुते खोलाक खोन्‍कान्‍ते मि तार गाले? थोक्‍ते मिनी गेल्‍बो दरवार नाङलाका देत्‍क्‍यो सिन ख्‍योकोनला छ्याराङ ओत।

मत्ती 26:3

थेमे थे बेले नाङपाराङ छ्ये छ्ये पूजारीताङ यहूदीओन छ्ये छ्ये मि कैयाफा सिराते गाङे भन्‍दा छ्येते पूजारी खाम्‍बादु जम्‍मा ओङसुङ।

मर्कूस 1:2

दि गा लाङच्‍येते बातचेन परमेश्‍वर बात खित्‍कान्‍ते यशैयेकी टिबा ओता च्‍योकराङ खाईन शुरू ओङसुङ। येशू ख्रीष्‍ट ओङजीन चुक ओङगीते सिन परमेश्‍वरगी साबाते बात यशैयेकी दोक सिन टिबा ओतान। चुक सासीन “खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,” सिन टिबा ओतान।

लूका 1:80

थेमे यूहन्‍ना छारगीन गाल्‍सुङ, थेला बुद्धिङ स्‍यूसुङ। थेमे परमेश्‍वरगी इस्राएलीओन ओत्‍साला थे खोरोङ बात खित माताङथुप थे रीला गाल्‍गीन देत्‍सुङ।

यूहन्‍ना 1:23

थेमे थेकी “परमेश्‍वर बात खित्‍कान्‍ते यशैयेकी ‘रीला मिज्‍यीगी छेरा खिनकामा मिवे, था प्रभु परमेश्‍वर ओङे बेला लेप्‍सुङ सिन थे ख्‍याम्‍बाला लाम सम्‍म जो सिन सिरकान्‍ते मिज्‍यीक ओङगो,’ सिन साबा ओतानना, ङाचेन होथेराङ ईन,” सिन सासुङ।

यूहन्‍ना 18:24

थेरूई हन्‍नासकी थेला ठाबाते ठाबालाराङ गाङे भन्‍दा छ्येते पूजारी कैयाफा ओत्‍सादु ताङसुङ।

शक्ति काम 4:6

थेरू गाङे भन्‍दा छ्येते पूजारी हन्‍नास, कैयाफा, यूहन्‍नाताङ अलेक्‍जेन्‍डर थेमे हन्‍नास थे खोरोङ मि फाप्‍च्‍येते ज्‍येन ज्‍येनोङ ओतान।