लूका 3:14 - जिरेल

¹⁴ थोकराङ खाईन मिल्‍टेरीओनगीङ वाकीन थेला “ङ्योकोनगीचेन चुक खिसे याङ?” सिन ठिजीन थेकी “मिला ज्‍यीबा लाङला थाराङ पैसा माजो, पैसा ज्‍वाप लाईदु थाराङ दोष लै खाला सुङलाङ दुक्‍पा मातेर। खेराङ जागिरला सन्‍तो खाला देत,” सिन सिदुक।

लूका 3:14 Iomraidhean Croise

मत्ती 8:5

थेमे येशू कफर्नहुमदु ख्‍योल्‍सुङ। थेरू ख्‍योल्‍नामेई मिल्‍टेरी क्‍याप्‍टेनज्‍यीक मद्धत नाङ सिराला थे ओत्‍सादु लेप्‍सुङ। थे मि यहूदी मेतान।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

लूका 3:10

थेकी थोक सानामेई थे मिओनगी “थोक ईन्‍सीन था ङ्योकोनगी च्‍यि खिता फाबोङा ओना?” सिन ठिजीन

लूका 3:13

थेकी “नियमगी तोके खाबा भन्‍दा ल्‍हाक्‍पा पैसा लाला मिला ठगे माकेत,” सिन सासुङ।

शक्ति काम 10:7

परमेश्‍वर दूतचेन थेरूकी तोरसुङ। थोक ओङगीन सिन्‍नामेकी कर्नेलियसकी थे खोरोङ खाम्‍बादु काम खित्‍कान्‍ते मेरा ङि मित्ताङ काल्‍बा च्‍योक थे खोरोङताङराङ देत्‍कान्‍ते मिल्‍टेरीज्‍यीकला काताङसुङ। थे मिल्‍टेरीङ परमेश्‍वरला माने खित्‍कान ओतान।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

फिलिप्‍पी 4:11

ङाला दुक्‍पा ओत, ख्‍योकोनगी ता फाप्‍सुङ सिन ङे दि बात खाबाते मेन। ङेनी जस्‍तो ओङजीनोङ जहिलेङ सन्‍तो खाईन देता स्‍येबा ओत।

तीतस 2:3

थोकराङ खाला गाम्‍मातेबाङ येशूला विश्‍वास खित्‍कान्‍ते फेम्‍मे मिओनगी खिता फापा च्‍योकराङ खित्‍कान ओङा फाप्‍क्‍यो सिन सि। थेबेकी मि मोत्‍कीन ख्‍याम्‍च्‍येते थेमे छ्याङ रक्‍सीकी जिला ख्‍याम्‍बा मेङगो सिन सि। बरू चुक चुक खिता लेमु ईन्‍दे सिन ज्‍येनला लोपा थुप्‍कान्‍तेन्‍दे ओङा फाप्‍क्‍यो सि।

छ्या स्‍ये च्‍युताते बात 12:10

थेमे स्‍वर्गने कस्‍स्‍ये खाला दोक दोक सिन ओता ङे थोसुङ। च्‍यि सासीन “था ईन्‍सीन ङुरूङ परमेश्‍वरगी मिओनला पूरो खाला पापदुकी टाल्‍ला स्‍वर्गने देत ज्‍युत्‍च्‍येते काम खाईन सिन्‍दा खासुङ। थेकी थे खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थेकी छाने खाबाते ख्रीष्‍टकीते था गाङेपा गाङेला अधिकार लै खिओ। च्‍यिला सासीन ङीन नुप परमेश्‍वर खादु वाला ङुरूङ आज्‍यो न्‍वाला थेबानी दोक दोक गल्‍ती खित्‍कान्‍ते मिका ईन सिन सिरकान्‍ते शैतानला स्‍वर्गनेई युकीन क्‍युरा ओत।