लूका 3:13 - जिरेल

¹³ थेकी “नियमगी तोके खाबा भन्‍दा ल्‍हाक्‍पा पैसा लाला मिला ठगे माकेत,” सिन सासुङ।

लूका 3:13 Iomraidhean Croise

मत्ती 7:12

थेमे ख्‍योकोन खेराङला ज्‍येनगी चुक खित्‍स्‍यीत सिन सेम खिते, थेबालाङ थोकराङ खि। मोशेकी टिबाते परमेश्‍वर नियमताङ परमेश्‍वर बात खित्‍कान्‍ते मिओनगी खि साबाते छ्येते बात दिराङ ईन।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

लूका 3:12

कर लिन्‍कान्‍ते मिओनोङ बप्‍तिस्‍मा लिन्‍दाला यूहन्‍ना ओत्‍सादु वाबा ओतान। थेमे थेबेकीङ “गुरू, था ङ्योकोनगीचेन च्‍यि खिता फाबोङा?” सिन ठिजीन

लूका 3:14

थोकराङ खाईन मिल्‍टेरीओनगीङ वाकीन थेला “ङ्योकोनगीचेन चुक खिसे याङ?” सिन ठिजीन थेकी “मिला ज्‍यीबा लाङला थाराङ पैसा माजो, पैसा ज्‍वाप लाईदु थाराङ दोष लै खाला सुङलाङ दुक्‍पा मातेर। खेराङ जागिरला सन्‍तो खाला देत,” सिन सिदुक।

१ कोरिन्‍थी 6:10

चोरओन, लोभीओन, छ्याङ रक्‍सीकी जिलाकामा देत्‍कान्‍तेबा, मिला मोत्‍कान्‍तेबा थेमे डाँकाओन होदोक्‍ते मि सुङ परमेश्‍वर राज्‍यने स्‍यूक्‍पाराङ मेङेदो।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।