लूका 3:11 - जिरेल

¹¹ थेकी “ख्‍योकोनगी दोक खि। च्‍यि सासीन सुइँदाताङ फेङगाक ङि ओत्‍सीन दोक्‍पोई ज्‍येन मेत्‍कानला बिन। थोकराङ खाला ओत्‍कान्‍तेबेकी छ्याःङ मेतातेबाताङ गोला सो,” सिन सिदुक।

लूका 3:11 Iomraidhean Croise

मत्ती 25:40

थोक सिरजीन थे गेल्‍बोकी थेबाला ‘ङा ख्‍योकोनला च्‍यि सिते सासीन ज्‍येनगी दिङ सु ईन्‍देरो सिराच्‍योक ठाने खाबाते मिओनला ख्‍योकोनगी लेमु खाबाते ङालाराङ लेमु खाबाते ईन। होथोक्‍तेबा दोक्‍पोईलाकामा ईन्‍सीनोङ ख्‍योकोनगी लेमु खाबाते ङे लाईदुराङ खाबा ओतान,’ सिन सिओ।

लूका 11:41

दि बात खोला बरू ख्‍योकोनगी खेराङताङ ओताते साच्‍या थुङच्‍येतेबा छ्याःङ मेताते मिओनलाङ गोला बिन। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

यूहन्‍ना 13:29

थेबा गाङे पैसा यहूदेकीराङ ज्‍य्‌वाकीन ओतान। थोगी चेलातेबा कोईकीचेन थेकी यहूदाला थोक साबाते चाड माने खिताला च्‍यि च्‍यि गोकीते ङ्यो साबाते ईन्‍दा, ना दुक्‍पा ङेताते मिओनला खइँदा बिन साबाते ईन्‍दा सिन विचार खासुङ।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 10:31

थेकी वाकीन ङाला ‘कर्नेलियस, खुई परमेश्‍वरला प्रार्थना खिन ओताते थेमे दुक्‍पा ङेतातेबाला ताबाते बात गाङे परमेश्‍वरगी छ्या स्‍येबा ओत।

शक्ति काम 10:4

परमेश्‍वर दूतकी कातोङजीन ज्‍यीबेकी थुरथुर गाल्‍गीन थेला ऊरीकामा ताकीन देत्‍कीन थेकी “च्‍यि साबे प्रभु,” सिदुक। थेमे थे दूतकी थेला “खुई प्रार्थना खाबाते थेमे दुक्‍पा ङेताते मिओनला दुक्‍पाला ताबाते परमेश्‍वरगी थोङगीन खोल्‍ला मन परे खाबा ओत।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

१ तिमोथी 6:17

थेमे थरिङोला छ्युक्‍पु ओताते मिओनला दोक सिन कोत। थेबाला छ्ये माकेत सि, सम्‍पत्ति ओत्‍कीन ओत सिन ढुक्‍क खाला मादेत सि। थोक्‍ते सम्‍पत्तिनी नामसाक दाक्‍पोन लाःक्‍तु देत्‍कीते सिन छ्याःङ छ्या मेङगो। बरू थेबाला परमेश्‍वरला भर परे खिता लोप सिन सि। थेकीराङ ङुरूङला गोच्‍येतेबरी दाङच्‍या ख्‍योप्‍च्‍या खाला बिन्‍ला गा खिन देत ज्‍युत्‍क्‍यो।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।

याकूब 2:14

आज्‍यो न्‍वावे, सुइँदा मिकी ङा येशू ख्रीष्‍टला विश्‍वास खित्‍कान्‍ते मि ईन खिदुक तर थेकी खि साबाते काम मिक्‍किदुक सासीन थे मिला च्‍यि लेमु ओङगीतेरो? च्‍यि थोक्‍ते मि पापकी सजायदुकी थारा थुप्‍क्‍योतरो?

१ यूहन्‍ना 3:17

दोक सिइना, सुइँदा मित्ताङ जेसुकै वालछ्येल दुक थेमे थेकी थे खोरोङ आज्‍यो न्‍वातेबा सुइँदा दुक्‍पा ङेत्‍कीन फेटेक फेटेक परे खाबा थोङजीनोङ थेला मिक कार्बोकीङ ग्‍युरला मातादुक सासीन च्‍यि थेकी परमेश्‍वरगी ज्‍येनला ङिङज्‍ये खि साबाच्‍योक खाईन ङिङज्‍ये खाबाते ईनरो?

१ यूहन्‍ना 4:20

सुइँदेकी “ङा परमेश्‍वरला ङिङज्‍ये खिओ,” सिन खिदुक तर आज्‍यो न्‍वाला मिगी थोङसार्मु खिदुक सासीन थेचेन ढाँर खित्‍कान्‍ते ईन। थे खोरोङ मिगी दोन्‍दु ओताते आज्‍यो न्‍वालानी ङिङज्‍ये मिक्‍किदुक सासीन थेकी नोमुङ थोङाराङ मेताते परमेश्‍वरला ङिङज्‍ये खिताराङ मुथुबो।