लूका 24:11 - जिरेल

¹¹ तर थे फेम्‍मे मिओनगी लाःपाते बात थेबाला ईन सिराच्‍योक मालासुङ। येशू सोम्‍बो लोक्‍पातेराङ ईन सिन थेबेकी पत्तेराङ माक्‍यासुङ।

लूका 24:11 Iomraidhean Croise

मर्कूस 16:11

मरियम मग्‍दलिनीकी थेबाला “येशू सोम्‍बो लोक्‍तुक। ङे थेला ठेत्‍सुङ,” सिन सिरजीन थेबेकी थे बात बान्‍दा पत्ते माक्‍यासुङ।

मर्कूस 16:13

थे येशू दुका सिन छ्या स्‍येनामेई थेबा यरूशलेमपा ग्‍युरगीन गाल्‍गीन येशू चेलातेबा थेमे थेबाताङ ङ्योम्‍बु ओताते मि गाङेला “येशूनी सोम्‍बो लोक्‍तुक। ङ्योकोनगी थेला ठेत्‍सुङ,” सिन लाःप्‍सुङ। तर थेबा ङिबो बादोङ थेबेकी पत्ते माक्‍यासुङ।

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

लूका 24:41

थे लाक्‍पा काम्‍बा ताकीन थे पक्‍काराङ येशूराङ दुका सिन थेबाला आउदी गा लासुङ। थे थोक खाईन थेरू वाबाते थेबालानी मिलाम खाबा च्‍योककामा लासुङ, पत्तेराङ खिता माथुप्‍सुङ। थेबेकी थोरूमोङ पत्ते खाबा माथोङगीन थेकी “ख्‍योकोनताङ खइँदा साच्‍येते ओत?” सिन ठिसुङ।

शक्ति काम 12:9

थोक खाईन सिन्‍नामेकी पत्रुस थे दूतकी तिरी तिरी गाल्‍सुङ। थोक ओङाते साँच्‍चीराङ ईन सिन थेला छ्याःङ छ्या मेतान। थेलानी मिलाम खाबा च्‍योकका लाबा ओतान।