लूका 23:9 - जिरेल

⁹ थेमे थेकी येशूला बात काल्‍बेई ठिसुङ। तर येशूकीचेन थेला बातज्‍यीगोङ माक्‍यासुङ।

लूका 23:9 Iomraidhean Croise

मत्ती 27:12

थेमे थेरूङ छ्ये छ्ये पूजारीताङ यहूदीओन छ्ये छ्ये मिकी दिकी दोक दोक खासुङ सिन दोष लै खिन येशूकी खाराङ माक्‍याबाते कामताङ बात खासुङ सिन पिलातसला लाःप्‍सुङ। थेबेकी थोक खित्‍जीनोङ येशूकी खानामा बातज्‍यीगोङ मातेन्‍सुङ।

मत्ती 27:14

थोक सिरजीनोङ दिबेकी ङाला थाराङ दोषकामा लै खाबाते ईन सिन बातज्‍यीगोङ मिसिरा खाईन थे खाराक्‍पाराङ देता थोङजीन पिलातसला झन अचम्‍ब लासुङ।

मत्ती 7:6

थेमे परमेश्‍वरते सिराते छ्याःङ किला मातेर। थोक खासीन थेबेकी खेराङलाराङ खाप खाप्‍ला छिङछिङ खाला खाला मुरग्‍यो। थोकराङ खाला खेराङ हीरा मोती फाक्‍पाला पुला मातेर। थोक खासीन थेबेकी ठेक्‍पेकी ङेन्‍ला हिलोताङ सराबरी जोइओ।

मर्कूस 15:5

थेकी थोक सिरजीनोङ थे खाराक्‍पाराङ देता थोङजीन पिलातसला अचम्‍ब लासुङ।

लूका 13:32

थोक सिरजीन थेकी “ख्‍योकोनगी थे किप्‍च्‍याङ च्‍योकराङ च्‍याङबो खित्‍कान्‍ते हेरोदला गाल्‍ला दि बात लोप। च्‍यि सासीन ङा थोरूमोङ ङीमाई ङीमा ङि मि नाङदुकी ल्‍हन्‍डीक तेन्‍ला तोङच्‍येते थेमे नाबाते मिओनला ठाक्‍पा खित्‍च्‍येते काम खिन देत्‍क्‍यो। ङीमा सुमगी छोमुकामा ङे खिता फाप्‍च्‍येते काम सिन्‍दा खिओ।

लूका 23:10

छ्ये छ्ये पूजारीताङ धर्मे गुरूओनोङ थेरू लेपा ओतान। थेमे थेबेकी थेरूङ दिकी दोक दोक मेलेबा खासुङ सिन येशूला दोष लै खितासम्‍म खासुङ।

यूहन्‍ना 19:9

थेमे लोईन नाङने स्‍यूकीन थेकी येशूला “खो खापे मि ईन्‍दे?” सिन ठिसुङ। तर येशू खाराक्‍पा देत्‍सुङ।

शक्ति काम 8:32

थेकी पढे खिन ओताते परमेश्‍वर बातलाचेन दोक सिन टिबा ओतान। चुक सासीन “सेताला टीबाते लुक सेत्‍सापा खेरजीन सरासर गालाच्‍योक खाईन सेत खेरजीन थेङ खाराक्‍पाराङ गाल्‍सुङ। थेमे फाल ठेक्‍पाला ठाकीन रिलाते लुई रीउकी छ्याःङ खिता मुथुपा च्‍योकराङ खाईन दुक्‍पा तेरजीन गाङे दुक्‍पा भोगे खाईन थेकीङ खानामा ङोरोज्‍यीगोङ मातेन्‍सुङ।

१ पत्रुस 2:23

थे खोरोङला मनपरी सिरकानला थेकी छ्याःङ साबा मेतान, दुक्‍पा तेरजीन थोक खित्‍कान्‍तेबाला थेकी ख्‍योकोनला थाहा छ्येदोङ सिन साबा मेतान। बरू थे खोरोङ बात गाङे सुङलाङ काका पाका मिक्‍किता खाला न्‍याय खित्‍कान्‍ते परमेश्‍वरला छ्या ओत सिन थेकी थेलाराङ भर परे खाबा ओतान।