लूका 23:7 - जिरेल

⁷ येशू हेरोदकी राज्‍य खित्‍च्‍येते अञ्‍चलदुते दुका सिन छ्या स्‍येनामेई था हेरोदकी च्‍यि सिरच्‍या ईन्‍दाका सिन पिलातसकी येशूला थे ओत्‍सापा केल ताङसुङ। थे बेलाला हेरोदोङ यरूशलेमदुराङ ओतान।

लूका 23:7 Iomraidhean Croise

मत्ती 14:1

थेमे थे बेले नाङपाराङ गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ।

मत्ती 14:3

बात च्‍यि ओङा ओताने सासीन हेरोदकी यूहन्‍नाला जुम्‍गीन नेल कोन्‍गीन जेलदु लु च्‍युता ओतान। च्‍यिला सासीन हेरोदकी थे खोरोङ न्‍वाते फिलिप फेम्‍मे हेरोदियास खुलाबा ओतान।

मत्ती 14:6

तर तिरी चुक ओङसुङा सासीन हेरोद गेल्‍बो केबाते दिनगी छोमु लै खाबाते भोज साप्‍ला वाबाते डोम्‍बो गाङे ङोन्‍दु हेरोदियास फुमुकी बाक चेसुङ। थेकी बाक चेबाते हेरोदला आउदी लेमु लासुङ।

मर्कूस 6:14

थेमे गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ। च्‍यिला सासीन गाङेपे मिकी येशू बातकामा खिन ओतान। थेबे नाङ कोईकी “थे येशू सिरातेनी बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते दुका। थेमेका थेकी थोक अचम्‍बते कामओन खित्‍च्‍येते ईन्‍दासीन,” सिन बात खिन ओतान।

लूका 13:31

थे बेलालाराङ फरिसी पाटी मि कोई कोईकी वाकीन येशूला “हेरोद गेल्‍बोकी खोल्‍ला सेता चाल्‍ला दुक। थोगी खो देङला मादेत, खइँसाला ग्‍युक,” सिन सासुङ।

लूका 23:6

येशूकी गालील अञ्‍चलदुकी थे खोरोङ बात लोपाला स्‍यूबाते ईन सिरा थोकीन पिलातसकी थेबाला “दि मि गालीलपेते ईनना?” सिन ठिजीन थेबेकी ईन सिन सिदुक।

लूका 3:1

रोमी गेल्‍बो टाइबेरियसकी राज्‍य खाबाते लो च्‍युप्‍स्‍यी छाङगीन च्‍याङाला स्‍यूबा ओतान। थेजीन पन्‍तियस पिलातस यहूदिये अञ्‍चलते रोमी गेल्‍बो हाकिम ओतान। हेरोद गालील अञ्‍चलदु थेमे थे न्‍वा फिलिप इतुरियाताङ त्राखोनितिसदु राज्‍य खिन ओतान। थोकराङ खाला लुसानियासचेन अबिलेनेदु राज्‍य खिन ओतान। दिबा गाङे रोमी गेल्‍बो चावादु देत्‍ला राज्‍य खित्‍कान ओतान।

लूका 9:7

हेरोद गेल्‍बोकीङ येशूताङ थे चेलाओनगी खाबाते अचम्‍बते कामगी बात गाङे थोसुङ। येशू सु ईन्‍ताका सिन छ्या मास्‍येकीन थे अलमल्‍ल परे खासुङ। च्‍यिला सासीन लालेकी येशूनी थोङला हेरोद खोरोङगी सेताते बप्‍तिस्‍मा तेरकान्‍ते यूहन्‍नाराङ सोम्‍बो लोगीन वाबाते ईन सिन बात खिन ओतान।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।