लूका 23:5 - जिरेल

⁵ थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

लूका 23:5 Iomraidhean Croise

मत्ती 11:1

थे खोरोङ चेलातेबा च्‍युन्‍ङीला थेबेकी चुक चुक खिता फाप्‍कीते सिन साकीन थेरूई ताङनामेई येशू गालील अञ्‍चल सार सारगी मिओनला गा लाङच्‍येते बात च्‍यि ईन्‍दे सिन लोपाला गाल्‍सुङ।

मत्ती 2:1

येशू यहूदिये अञ्‍चलते बेथलेहेम सिरसादु केबा ओतान। थेजीन थे अञ्‍चलदु हेरोद गेल्‍बो राज्‍य खिन ओतान। येशू केनामेकी टिक्‍पी तिरी च्‍यि ओङसुङा सासीन पूर्वे छ्य्‌वापे लुङबे नाङपेई कोई कोई ज्‍योतिषी यहूदिये अञ्‍चल यरूशलेम सारदु लेप्‍सुङ।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 1:14

तिरी यूहन्‍नाला जेलला लुक्‍नामेई येशू गालील अञ्‍चलपा गाल्‍सुङ। थेमे थेरू मिओनला परमेश्‍वरते गा लाङच्‍येते बात लोपाला स्‍यूसुङ।

लूका 11:53

दि बाततेबा खाईन सिन्‍नामेई येशू थे खाम्‍बादुकी थेन्‍गीन गाल्‍सुङ। दि बातओन थोनामेई धर्मे गुरूओनताङ फरिसी पाटी मिओनला स्‍येदाङगी मे बारसुङ। थेमे होथेजीनमेईराङ थेबेकी येशूला च्‍यि बातला दोष लै खिताबे सिन मौका छोल्‍गीनराङ देत्‍सुङ। थेकी खइँदा गल्‍तीते बात खिता सिन थेला काल्‍बेई बात ठाप्‍ला स्‍यूसुङ।

लूका 23:23

तर थेबेकी थे बातला नामज्‍योकराङ मेसेता खाईन “दि बात ओङराङ मेङगो। दिला स्‍यिङगी थामला टाँए खाला सेत,” सिनकामा झन मिताराङ खाच्‍या खाला छेरा खिन फिराला स्‍यूसुङ। थोक खाईन पिलातसते छ्याःङ लै माक्‍यासुङ।

लूका 23:6

येशूकी गालील अञ्‍चलदुकी थे खोरोङ बात लोपाला स्‍यूबाते ईन सिरा थोकीन पिलातसकी थेबाला “दि मि गालीलपेते ईनना?” सिन ठिजीन थेबेकी ईन सिन सिदुक।

यूहन्‍ना 1:43

दि ङारो च्‍योक्‍ते येशूकी गालील अञ्‍चलपा डोच्‍ये टुङ्गो खासुङ। थेमे फिलिपला ठेत्‍कीन थेकी “ए फिलिप, खो देपा स्‍योक, ङात्ताङ ख्‍योम,” सिन सिदुक।

यूहन्‍ना 19:15

थेकी थोक सानामेई “दिला ङ्योकोन मिगी दोन्‍दु माज्‍यो, दिला खेरला स्‍यिङगी थामला टाँए खाला सेत,” सिन थेबा झन नामज्‍योक बुराङ साच्‍या खाईन छेरा खिताला स्‍यूसुङ। थेमे थेकी “च्‍यि ङे ख्‍योकोन गेल्‍बोला स्‍यिङगी थामला टाँए खाला सेत्‍च्‍या?” सिन सिदुक। थोक सिरजीन छ्ये छ्ये पूजारीकी “ङ्योकोनतेनी रोमी गेल्‍बो बाई ज्‍येन गेल्‍बो ओतराङ मेत,” सिन सासुङ।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 7:41

कोईकीचेन “दि परमेश्‍वरगी तोङगो साबाते ख्रीष्‍टराङ दुका,” सिन सिराला स्‍यूसुङ। लोक्‍ला ज्‍येन ज्‍येनगीचेन “ख्रीष्‍ट चुक खाला गालीलदुकी ओङगीतेरो?

यूहन्‍ना 7:52

थेकी थोक सिरजीन ज्‍येनतेबेकी “खुई चुक साबाप्‍लो? च्‍यि खोङ गालीलपे मि ईन? खो परमेश्‍वर बात पढे खाला तोते। थेरूनी परमेश्‍वर बात खित्‍कान्‍ते मिचेन नोमुङ गालीलदुकी मेङगो सिन साबा ओत,” सिन सिदुक।

शक्ति काम 10:37

थोकराङ खाला यूहन्‍नेकी परमेश्‍वर छ्य्‌वापा लै खि सिन मिओनला छ्युला लुक्‍ला बप्‍तिस्‍मा तेरच्‍येते काम खाईन सिन्‍नामेकी गालील अञ्‍चलदुकी शुरू ओङगीन यहूदीओन देत्‍च्‍येते ठाउँ ठाउँला ओङाते अचम्‍बते कामताङ बाततेबा ख्‍योकोनला छ्याराङ ओत।

शक्ति काम 23:10

थेबेकी थोक सानामेईनी थेबा झन जीङा जीङाराङ खिताला स्‍यूसुङ। थेरू थोक हल्‍ला खल्‍ला ओङा थोकीन थेबा जीला पावलला सेत्‍कीता सिन ज्‍यीबेकी थे मिल्‍टेरी छ्येते मिकी “मिमा गाल्‍ला थे मिला छिटो याङराङ देने लाला खोरच्‍योक,” सिन मिल्‍टेरीओनला लिन ताङसुङ।

शक्ति काम 5:33

थेबेकी दोक सिरजीन थेरू ओताते छ्ये छ्ये मि गाङेला स्‍येदाङगी मे बारसुङ। थोगी थेबेकी थेबाला सेत्‍च्‍ये ठो खासुङ।

शक्ति काम 7:54

स्‍तिफनसकी दोक दोक सानामेई थेरू ओताते छ्ये छ्ये पूजारी, धर्मे गुरूओन थेमे इस्राएल छ्ये छ्ये मि गाङेला स्‍येदाङगी मे बारसुङ। थेमे था दिला खइँदा माक्‍याबाला मायाङसुङ सिन थेबा स्‍येदाङगी सा थाक्‍पाला स्‍यूसुङ।

शक्ति काम 7:57

थोक खाईन येशू परमेश्‍वर सामे छ्य्‌वापा देत्‍ला दुक साकीन थेला परमेश्‍वर च्‍योकराङ जोसुङ, दिलानी सेताराङ फाप्‍क्‍यो सिन थे मिओन खाज्‍यीकराङ खाईन मिताराङ खाच्‍या खाईन छेरा खासुङ। थेमे थोक्‍ते बात मोथोस्‍यीत सिन थेबेकी खोपरोङ नामज्‍योक काक्‍सुङ। थेमे थेबा गाङेराङ थे लाक फुङ पुकीन