लूका 23:2 - जिरेल

² थेरू क्‍याल्‍नामेकी थेबेकी येशूला ईनराङ मेन्‍दाते दोष लै खिनकामा पिलातसला “दिकी ङ्योकोन जातकी मिला लुकीन थे खोरोङ छ्य्‌वापा लै खित च्‍युत्‍सुङ। रोमी गेल्‍बोला ज्‍येला फाप्‍च्‍येते तिरोङ ज्‍येला माफाबोत्‍लो। दोस्‍यिककामा मेन, दिकी दि खोरोङराङ परमेश्‍वरगी तोङगो साबाते ख्रीष्‍ट ईनलो। थोगी दिराङ गेल्‍बो ईनलो,” सिन सासुङ।

लूका 23:2 Iomraidhean Croise

मत्ती 17:27

ईन्‍सीनोङ ङुरूङगी मन्‍दिर तिरो माच्‍याल्‍सुङ सिन थेबा ङुरूङताङ स्‍येदाङ मिक्‍किस्‍यीत सिन खुई चुक खिसे सासीन खो दुरूकी गाल्‍ला च्‍याला समुन्‍द्रदु बर्सी थोङ। थेरू थोङला बर्सीला थेपाते ङ्या थेन्‍ला ठोल। खुई थे ङ्ये खे नाङ मन्‍दिर तिरो छ्योल्‍च्‍याज्‍यीक चाँदी डबल ङेत्‍क्‍यो। थेराङ खेरला ङुरूङ ङिबो छ्य्‌वापे मन्‍दिर तिरो छ्योल,” सिन सिदुक।

मत्ती 22:21

थोक सिरजीन थेबेकी “रोमी गेल्‍बोते,” सिन सासुङ। थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक।

मत्ती 27:11

थेमे येशूला थे खोरोङ दोन्‍दु क्‍याल्‍नामेकी रोमी गेल्‍बो हाकिम पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। ठिजीन थेकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

मर्कूस 12:17

थेमे थेकी “थोक ईन्‍देकी रोमी गेल्‍बोला तेरा फाप्‍च्‍येते थेला बिन, परमेश्‍वरला तेरा फाप्‍च्‍येतेचेन परमेश्‍वरलाराङ बिन,” सिन सिदुक। थेकी थोक सानामेई थेबाला आउदी अचम्‍ब लासुङ। थेकी थोक सितासीन सिन थेबेकी सेमगी छेउलाङ नोबा मेतान।

मर्कूस 15:2

थेरू क्‍याल्‍नामेकी पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। थोक सिरजीन येशूकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

लूका 23:14

थेमे थेकी थेबा गाङेला “ख्‍योकोनगी दि मिकी दि खोरोङ बात लाप्‍कीन खेराङ जातकी मिला उल्‍के खित च्‍युत्‍सुङ सिन ङा ओत्‍सादु खुलाबा ओतान। ख्‍योकोनगी साबाच्‍योक दिकी खाबाते ईन्‍दाकाना मेन्‍दाका सिन ख्‍योकोन दोन्‍दुराङ ङे दिला ठिबाप। ठिजीन ङेनी दिकी छ्याःङ गल्‍ती खाबा माथोङसुङ।

लूका 23:5

थेकी येशूकी छ्याःङ गल्‍ती खाबा माथोङसुङ सिन सिरजीन थेबेकी “च्‍यिला मेन्‍दे? दिकीनी ङ्योकोन जातकी मि गाङेला दि खोरोङ बात लाप्‍कीन उल्‍के खाईन सिन्‍सुङ। गालील अञ्‍चलदुकी दि खोरोङ बात लोपाला शुरू खाईन यहूदिये अञ्‍चल खाङ युगीन दि दिस्‍साक ख्‍योल्‍गीन सिन्‍सुङ,” सिनकामा छेरा खिताला स्‍यूसुङ।

यूहन्‍ना 18:29

थोगी हाकिम पिलातसकी नाङनेकी फिनामा थेन्‍गीन च्‍याकीन “दि मिकी च्‍यि मेलेबा काम खाबेकी ख्‍योकोनगी दिला दुरू खुलाबे?” सिन ठिसुङ।

यूहन्‍ना 18:30

थेमे थेबेकी “दि मेलेबा मि मेन्‍दा ईन्‍सीन ङ्योकोन दिला खो ओत्‍सादु खुलाङच्‍याराङ मेतान,” सिन सिदुक।

यूहन्‍ना 19:12

थेकी येशूला दोस्‍यिकलाराङ ताङला तोङा चाला ओतान। तर यहूदीओनगी छेरा खिनकामा “खुई दि मिला ताङगीन ताङसीन खो रोमी गेल्‍बोताङ डिक्‍कान्‍ते मि मेन। जसकी ङा गेल्‍बो ईन खिदुक, थेकी रोमी गेल्‍बो विरोध खाबाते ईन,” सिन सासुङ।

शक्ति काम 24:13

थाल्‍ला दिबा खोपरोङगी बिन्‍दाते बयान ठीक ईन सिरालाङ दिबेकी छ्याःङ प्रमाण तेन्‍दा मुथुबो।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

रोमी 13:7

थोगी खेराङगी सुला चुक खिता फाप्‍कीका थेमे च्‍यि च्‍यि तेरा फाप्‍कीका थे काम लेमु खाला खि। च्‍यि सासीन तिरो दुत्‍कान्‍तेबाला तिरो छ्योल, कर ज्‍येला फाप्‍सीन थेङ छ्योल थेमे लुङबाला राज्‍य खित्‍कान्‍ते मिओनला मान खिता लेमु ईन सिन थेबाला मान खि।