लूका 23:13 - जिरेल

¹³ येशूला थे खोरोङ ओत्‍सादु क्‍याल्‍नामेकी पिलातसकी छ्ये छ्ये पूजारी, यहूदीओन छ्ये छ्ये मि थेमे ज्‍येन ज्‍येनोङ यहूदीला रूसुङ।

लूका 23:13 Iomraidhean Croise

मर्कूस 15:14

थोक खित्‍जीन पिलातसकी “ख्‍योकोन च्‍यिला दोक खाला छेरा खिते? दि मिकी च्‍यि मेलेबा काम खाला दुकारो?” सिन ल्‍वा चाल्‍सुङ। ईन्‍सीनोङ थे बातला नामज्‍योकराङ मेसेता खाईन थेबाबरी “दिला तोङा मेङगो। दिला स्‍यिङगी थामला टाँए खाला सेत,” सिनकामा झन मिता खाच्‍या खाला छेरा खिन फिराला स्‍यूसुङ।

लूका 23:35

थेरू ताप्‍ला वाबाते मिओनचेन थोक थोक ओङाते गाङे तेइनराङ ओतान। यहूदीओन छ्ये छ्ये मिकीचेन खोल्‍ला ठोकस्‍यिङ सिराच्‍योक खिन “दिला तोना, दिकी ज्‍येन ज्‍येनलानी सोन्‍दा खासुङ। लो था दि परमेश्‍वरगी छाने खाईन तोङगो साबाते ख्रीष्‍टराङ दुका सासीन थे खोरोङला चुक खाला सोन ज्‍युत्‍च्‍या ईन्‍दाका, तेइना ओना,” सिन सासुङ।

लूका 24:20

तर छ्ये छ्ये पूजारीताङ ज्‍येनोङ छ्ये छ्ये मिकीचेन थेला सेता फाप्‍क्‍यो सिन स्‍यिङगी थामला टाँए खाईन सेत च्‍युत्‍सुङ।

यूहन्‍ना 12:42

ईन्‍दाका येशूकी खाबाते अचम्‍बते कामतेबा थोङनामेई यहूदीओनते छ्ये छ्ये मि नाङ काल्‍बेईकी थेला विश्‍वास खासुङ। ईन्‍सीनोङ फरिसी पाटी मिओनगी खोपरोङला मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगीता सिन ज्‍यीबेकी खोपरोङगी थेला विश्‍वास खिताला स्‍यूबाते बात सुङलाङ मालाःप्‍सुङ।

यूहन्‍ना 18:38

थेमे पिलातसकी “सत्‍यते बात च्‍यि ईन्‍दे ओना?” सिन ठिसुङ। थेरूई लोईनराङ फिनामा थेन्‍गीन पिलातसकी यहूदीओनला “दिला च्‍यि सजाय तेरच्‍ये? ङेनी दिकी छ्याःङ गल्‍ती खाबा माथोङसुङ।

यूहन्‍ना 19:4

पिलातसकी फिनामा वाकीन लोईन थेरू जम्‍मा ओङा ओताते यहूदीओनला “लो थे मिला ङा फिनामा ख्‍योकोन दोन्‍दुराङ खुलाङगो। थेला सजाय तेराला ङे थेते छ्याःङ गल्‍ती माथेप्‍तुक सिन ख्‍योकोनगी छ्या स्‍येबा खि,” सिन सिदुक।

यूहन्‍ना 3:1

थेजीन निकोदेमस सिराज्‍यीक फरिसी पाटी मि ओतान। यहूदीओनते छ्ये छ्ये मि नाङ थेङ दोक्‍पोई ओतान।

यूहन्‍ना 7:26

दि दुरू मि गाङे दोन्‍दु देत्‍ला बात लोप्‍कीन ओत्‍सीनोङ थेबा सुङगीङ छ्याःङ मिसिरदुक ओना। ना थेबेकी दिला परमेश्‍वरगी तोङगो साबाते ख्रीष्‍टराङ दुका सिन साबा ईन्‍ताका?

यूहन्‍ना 7:48

च्‍यि ङुरूङ छ्ये छ्ये मि थेमे फरिसी पाटी मि ङ्योकोन सुइँदेकी थेला विश्‍वास खाबाते थोङा ओत?

शक्ति काम 13:27

यरूशलेम मिओनताङ थेबे छ्ये छ्ये मिकी येशूला परमेश्‍वरगी ताङाते ईन सिरच्‍येते बात छ्या मास्‍येसुङ। थेमे परमेश्‍वर बात खित्‍कान्‍तेबेकी येशू विषयला टिबाते बाततेबा सन्‍चारी सन्‍चारीला पढे खासीनोङ थेबेकी थेङ छ्याःङ माखोसुङ। थेबेकीचेन येशूला सजाय तेरा फाप्‍क्‍यो साकीन थेला चुक ओङगीते सिन गोमाका परमेश्‍वर बात खित्‍कान्‍तेबेकी टिबाते बाततेबा साबा च्‍योकराङ ओङ च्‍युत्‍सुङ।

शक्ति काम 3:17

आज्‍यो न्‍वावे, ख्‍योकोनताङ ख्‍योकोन छ्ये छ्ये मिकी येशूला सेत ज्‍युत्‍जीन खेराङगी चुक मेलेबाते काम खाबाते ईन्‍दे सिन छ्या मास्‍येसुङ।

शक्ति काम 4:5

थेमे ङारो च्‍योक्‍ते छ्ये छ्ये पूजारी, यहूदीओन छ्ये छ्ये मि थेमे धर्मे गुरूओन यरूशलेमदु ठाउँज्‍यीक्‍तु जम्‍मा ओङसुङ।

शक्ति काम 4:8

थोक सिरजीन पत्रुसकी परमेश्‍वर आत्‍मे छ्य्‌वापेई थेबाला “गाङे छ्येवे,