लूका 23:11 - जिरेल

¹¹ थेमे हेरोदताङ थे मिल्‍टेरीओनगीङ थेला खाला थेन्‍दा जति मनपरी साकीन सिन्‍नामेई गेल्‍बो सिन खिस्‍यी खिताला आउदी लेमुते लाक्‍तु खोन्‍च्‍येते खोलाक कोन्‍गीन याङराङ पिलातस ओत्‍सापाराङ ताङसुङ।

लूका 23:11 Iomraidhean Croise

मत्ती 14:1

थेमे थे बेले नाङपाराङ गेल्‍बो हेरोदकीङ येशूकी खाबाते अचम्‍बते कामगी बात गाङे थोसुङ।

मत्ती 14:3

बात च्‍यि ओङा ओताने सासीन हेरोदकी यूहन्‍नाला जुम्‍गीन नेल कोन्‍गीन जेलदु लु च्‍युता ओतान। च्‍यिला सासीन हेरोदकी थे खोरोङ न्‍वाते फिलिप फेम्‍मे हेरोदियास खुलाबा ओतान।

मत्ती 14:6

तर तिरी चुक ओङसुङा सासीन हेरोद गेल्‍बो केबाते दिनगी छोमु लै खाबाते भोज साप्‍ला वाबाते डोम्‍बो गाङे ङोन्‍दु हेरोदियास फुमुकी बाक चेसुङ। थेकी बाक चेबाते हेरोदला आउदी लेमु लासुङ।

मर्कूस 9:12

थोक सिरजीन थेकी “ईन ईन, एलिया याङराङ दुरू ओङा फाप्‍च्‍येतेराङ ईन। थेमे दुरू वाला थेकी मिओनला परमेश्‍वर छ्य्‌वापा लै खि साला ख्रीष्‍ट ओङे लाईदु जेसुकै ठीक खिओ। थेमे परमेश्‍वर ओत्‍सादुई वाबाते मि ङाला चुक चुक ओङगीते सिन परमेश्‍वर बातला च्‍यि सिन टिबा ओते सासीन ङे आउदी खाला दुक्‍पा भोगे खिता फाप्‍क्‍यो थेमे मिओनगी ङाला विरोध खाला मेलेबा खिओ सिन साबा ओत।

लूका 23:10

छ्ये छ्ये पूजारीताङ धर्मे गुरूओनोङ थेरू लेपा ओतान। थेमे थेबेकी थेरूङ दिकी दोक दोक मेलेबा खासुङ सिन येशूला दोष लै खितासम्‍म खासुङ।

यूहन्‍ना 19:5

येशू थे खोरोङला कोन्‍दाते चाङगी श्रीपेजताङ थे खोलाक खोन खोनबाराङ फिनामा वानामेई पिलातसकी “लो तो मि दिराङ ईन,” सिन सिदुक।

याकूब 2:2

था सिइना, ख्‍योकोन जम्‍मा ओङसादु सेरगी औंठीताङ लेमु लेमु खोलाक खोन्‍कान्‍ते मिज्‍यीक वाओङ। थेमे थे बेलालाराङ डिकस्‍यिकज्‍यीक खोलाक खोन्‍दाई छ्याःङ मेताते मिङ वाओङ।

याकूब 2:3

थेजीन ख्‍योकोनगी थे लेमुते खोलाक खोन्‍कान्‍ते मिलाचेन मान खिन हजूर खो देने वाला देत्‍ना स्‍योक साला ज्‍येनतेलाचेन खो उथेमा साला देत कि उदुरू ङे काम्‍बे खादुराङ देत सासीन