लूका 22:70 - जिरेल

⁷⁰ थोक सिरजीन थेबा गाङेकी “थोक ईन्‍सीन च्‍यि खो परमेश्‍वर फुज्‍युङ ईन ओना?” सिन सिरजीन थेकी “ङा थेराङ ईन सिन ख्‍योकोनगीराङ सिदुक,” सिन सिदुक।

लूका 22:70 Iomraidhean Croise

मत्ती 26:25

थोक सानामेई थेला धोका तेरकान्‍ते यहूदा इस्‍करियोतकीङ “गुरू, खोल्‍ला थोक खित्‍कान्‍ते ना ङा ईन्‍दे,” सिन ठिजीन थेकी “खुई खोरोङगीराङ ईन सिन लाःप्‍सुङ,” सिन सिदुक।

मत्ती 26:64

थेमे येशूकी “ईन, ङा खुई साबाच्‍योक थेराङ ईन। था ङा ख्‍योकोन गाङेला च्‍यि सिते सासीन थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मत्ती 27:11

थेमे येशूला थे खोरोङ दोन्‍दु क्‍याल्‍नामेकी रोमी गेल्‍बो हाकिम पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। ठिजीन थेकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

मत्ती 27:43

दि परमेश्‍वरगी थे खोरोङला लेमु खाला तेइओ सिरकान्‍ते ईन। थेमे दिचेन दि खोरोङराङ परमेश्‍वर फुज्‍युङ ईन सिन ख्‍याम्‍गीन ओतान। दिकी साबा च्‍योकराङ ईन्‍सीन लोते ओना दिला परमेश्‍वरगी खजो जोए खित्‍च्‍या ईन्‍दाका तेइ,” सिन खिस्‍यी खासुङ।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

मत्ती 3:17

थेमे स्‍वर्गनेईराङ “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन परमेश्‍वरगी साबाते बातज्‍यीक ज्‍येनतेबेकीङ थोसुङ।

मत्ती 4:3

थे थोक खाईन त्‍वाबेकी स्‍याप खाबा ओते बेलालाराङ पाप खित ज्‍युता छोल्‍कान्‍ते शैतानगी वाकीन थेला ल्‍वा छोल्‍गीन “खो परमेश्‍वर फुज्‍युङ ईन, मेन ओना? लो परमेश्‍वर फुज्‍युङ ईन सासीन खो उदि दोओनला साप डोर छ्युत,” सिन सिदुक।

मर्कूस 14:62

थेमे येशूकी “ईन, ङा थेराङ ईन। थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मर्कूस 15:2

थेरू क्‍याल्‍नामेकी पिलातसकी थेला “च्‍यि खो यहूदीओन गेल्‍बो ईन?” सिन ठिसुङ। थोक सिरजीन येशूकी “ङा यहूदीओन गेल्‍बो ईन सिन खुईराङ सासुङ,” सिन सिदुक।

लूका 22:71

थेकी थोक सिराईताङ थेबेकी “मि ईन्‍गीनोङ दिकी थे खोरोङला परमेश्‍वर फुज्‍युङ ईन सिन साबेकी दि दाक दोषी ओङसुङ। थोगी दि दोषीराङ ईन सिरच्‍येते ज्‍येन बयानका था च्‍यिला गोसुङारो?” सिन ज्‍येन बात माक्‍यासुङ।

लूका 23:3

थेबेकी थोक सानामेई पिलातसकी येशूला “यहूदीओन गेल्‍बो खोराङ ईनना?” सिन ठिसुङ। थोक सिरजीन येशूकी “ङा थेराङ ईन सिन खुईराङ सासुङ” सिन सिदुक।

लूका 4:41

ल्‍हन्‍डीक खोबाते मिओन नाङदुकीङ ल्‍हन्‍डीकओनला थेन्‍ला ग्‍युक सिन कोत्‍कीन सालसुल तेन्‍गीन ताङसुङ। ज्‍यीबेकी ल्‍हन्‍डीकओनचेन “खो परमेश्‍वर फुज्‍युङ ईन,” सिन छेरा खिनकामा मिदुकी थेन्‍ला डुइन ओतान। ल्‍हन्‍डीकओनगी थेला परमेश्‍वरगी तोङगो साबाते ख्रीष्‍टराङ ईन सिन छ्या स्‍येबा ओतेकी येशूकी थेबाला छ्याःङ बात खित माच्‍युत्‍सुङ।

यूहन्‍ना 1:34

थोक खाईन ङाराङला गोमाका साबाच्‍योक ओङा थोङेकी परमेश्‍वर फुज्‍युङचेन दिराङ ईन सिन ङा ख्‍योकोनला ठोके खाला सिओ,” सिन सासुङ।

यूहन्‍ना 1:49

थेमे नथानेलगी “गुरू, खोनी परमेश्‍वर फुज्‍युङराङ ईन, खो इस्राएलीओनला राज्‍य खिताला ओङगो साबाते गेल्‍बो ईन,” सिन सिदुक।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

यूहन्‍ना 19:7

थेमे थे यहूदीओनगी “दिकी दि खोरोङला परमेश्‍वर फुज्‍युङ ईन खिदुक। ङ्योकोनते नियमज्‍यीक ओत। थे नियम ताजीन थोक साबेकी खित्‍सादु दिला सेताराङ फाप्‍क्‍यो,” सिन सिदुक।