लूका 22:2 - जिरेल

² थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान। मिओन ज्‍यीबेकी थेबेकी थेला थोक खाला खाराक्‍पा सेता छोल्‍गीन ओतान।

लूका 22:2 Iomraidhean Croise

मत्ती 12:14

थेकी थे मि लाक्‍पा ठाक्‍पा खानामेकी फरिसी पाटी मिओन स्‍येदाङ खिन थेरूकी गाल्‍गीन येशूला सेता फाप्‍क्‍यो सिन ठो खिताला स्‍यूसुङ।

मत्ती 21:38

धनीते फुज्‍युङला खोपरोङ ओत्‍सापा ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक, थेलाङ सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

मर्कूस 14:1

थेमे निस्‍तार चाडताङ सोडा मुलुबा खाला स्‍योबेन स्‍येला साच्‍येते चाड ओङाला ङीमा ङिकामा बाँकी ओतान। थे बेलालाराङ छ्ये छ्ये पूजारीताङ धर्मे गुरूओनचेन चुक खाला मि सुङगीङ थाहा मेङेता खाला येशूला जुम्‍ला सेता थुबोङा सिन मौका तेइन ओतान।

लूका 20:19

थेकी साबाते थे अंगूर स्‍यीङ फेम्‍माला बिन्‍दाते कथा थोनामेई धर्मे गुरूओनताङ छ्ये छ्ये पूजारीकी दिकी थोक साबातेनी ङुरूङला छ्येर ग्‍यापातेका ईन सिन थेजीनराङ थेला जिन्‍दा चाल्‍सुङ। तर थेरू ओताते ज्‍येन मि ज्‍यीबेकी थेबेकी थोक खिता माथुप्‍सुङ।

यूहन्‍ना 11:57

छ्ये छ्ये पूजारीताङ फरिसी पाटी मिओनगी सुइँदेकी येशूला खइँसाला ओता थोङसीन वाला थेबाला लोबा सिन कोता ओतान। थेबा खोपरोङगी थेला जिन्‍दा थुप्‍स्‍यीत सिन थेबेकी मिओनला थोक साबा ओतान।

शक्ति काम 4:27

परमेश्‍वर, गाङे बात गोमाका गेल्‍बो दाऊदकी साबा च्‍योकराङ ओङाते खोल्‍ला छ्याराङ ओत। च्‍यि सासीन सेमला पाप सिराते छ्याःङ मेताते खालि खुई कामकामा खित्‍कान्‍ते येशूला मेलेबा खिताला हेरोद गेल्‍बो, रोमी गेल्‍बो हाकिम पन्‍तियस पिलातस, ज्‍येन ज्‍येन जातकी मि थेमे इस्राएली गाङेराङ डिगीन दि सारदु जम्‍मा ओङसुङ। थोक खाईन थेबेकी खुई खटे खाईन ताङाते येशूला मेलेबा खासुङ।