लूका 21:7 - जिरेल

⁷ येशूकी थोक सिरजीन थेबेकी “थाल्‍ला खुई साबाच्‍योक नाम ओङगीते गुरू? थेमे थोक ओङा खासुङ सिन चुक खाला छ्या स्‍येकीते?” सिन ठिसुङ।

लूका 21:7 Iomraidhean Croise

मत्ती 24:3

येशू जैतुन बोमदु देता ओते बेलाला चेलातेबेकी दोन्‍दु गाल्‍गीन “गुरू, खुई आनाङ साबाच्‍योक नाम ओङगीते? थेजीन चुक चुक ओङगीते? थेमे तिरी खो स्‍वर्गनेकी ग्‍युरला ओङच्‍येते थेमे दि जुग सिन्‍च्‍येते बेला लेप्‍तुक सिन चुक खाला छ्या स्‍येच्‍ये?” सिन ठिसुङ।

मर्कूस 13:14

थेमे परमेश्‍वर बातला ‘था परमेश्‍वर विरोध खिताला ङीमा लेनज्‍यीक आउदी किक्‍टो लाङच्‍याज्‍यीक खइँदा ज्‍य्‌वाबा मेङच्‍येते ठाउँला ज्‍याक्‍पा थोङगो,’ सिन साबा ओत। दि बात पढे खित्‍कान गाङेकी च्‍यि साबाते ईन्‍ताका सिन खोबा खि। परमेश्‍वर बातला साबा च्‍योकराङ होथोक ओङा थोङनामेई यहूदिये अञ्‍चलदु देत्‍कान्‍ते मि गाङेराङ दाक्‍पोन ज्‍यान जोए खिताला बोम बोमला छ्योङा फाप्‍क्‍यो।

लूका 21:32

ङा ख्‍योकोनला दि बात सिओ। च्‍यि सासीन दि पुस्‍तालाराङ ङे ओङगो साबाच्‍योक गाङे ओङगो।

लूका 21:6

“ख्‍योकोनगी दि मन्‍दिरदु जेसुकै दोक लेमु ओता थोङसुङ मेन? दि मन्‍दिरनी था तिरी ङीमाई बराङ बुरूङ रोम्‍ग्‍यो। थेजीन दिते गारो दोज्‍यीगोङ बाँकी मोज्‍योओ,” सिन सिदुक।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।