लूका 21:15 - जिरेल

¹⁵ च्‍यिला सासीन थेजीन ङा ङाराङराङ ख्‍योकोनला चुक सिन बात खित्‍च्‍ये सिन बुद्धि तेरग्‍यो। थोक ओङनामेकी ख्‍योकोन विरोध खित्‍कान्‍तेबा सुङगीङ ख्‍योकोन बातला मेन सिरा मुथुबो, ख्‍योकोन बात साँचो मेन सिन थेबेकी छ्याःङ कारण तेरा मुथुबो।

लूका 21:15 Iomraidhean Croise

लूका 12:12

बात ठा बेलाला च्‍यि सिरा फाप्‍कीते सिन थेजीनराङ परमेश्‍वर आत्‍मेकी ख्‍योकोनला छ्या स्‍ये ज्‍युत्‍क्‍यो,” सिन सिदुक।

लूका 21:16

ख्‍योकोनला खेराङ आबा आमेकी, आज्‍यो न्‍वाकी, दाक्‍पोन मिकी थेमे र्‍वाओनगी समेत धोका बिन्‍ला छ्ये छ्ये मि लाःक्‍तु सोम्‍पे खिओ। थोक खानामेई ख्‍योकोन कोई कोईला सेत्‍क्‍योदोङ।

लूका 24:45

थेमे थेकी थेबाला थे खोरोङ विषयला परमेश्‍वर बातला टिबा ओताते बातओन लेमु खाईन खोच्‍या खाईन लाप्‍कीन बिन्‍सुङ।

शक्ति काम 2:4

थोक खाईन थेबा गाङेकी परमेश्‍वर आत्‍मा ङेत्‍कीन थेबा गाङेराङ परमेश्‍वर आत्‍मेकी खाङाते मि ओङसुङ। थेमे थेबेकी परमेश्‍वर आत्‍मेकी खोपरोङला खित ज्‍युताच्‍योक च्‍योकराङ खाईन खोपरोङगी छ्या मास्‍येबाते खुदुक खुदुकते भाषाला बात खिताला स्‍यूसुङ।

शक्ति काम 24:25

मिओनगी परमेश्‍वरगी साबा साबा च्‍योकराङ खिता फाप्‍च्‍येते, दाक्‍पोन सेम काबूला ज्‍य्‌वाबा फाप्‍च्‍येते थेमे परमेश्‍वरगी मि गाङे न्‍याय खित्‍च्‍येते दिन ओङगो सिनोङ लाप्‍कीन बिन्‍सुङ। थेकी दि बातओन खित्‍जीन ज्‍यीबा लाबेकी फेलिक्‍सकी थेला “लो थरिङ दोस्‍यिकराङ ओङसुङ। ज्‍येन बात खिताला फुर्सत ङेत्‍नामेई ङा ङारो ना लोक्‍ला खोल्‍ला कातोङामीन,” सिन थेला थेरूकी ताङसुङ।

शक्ति काम 26:28

थोक सिरजीन थेकी “च्‍यि खो दोस्‍यिक बात खाला ङालाङ येशूला विश्‍वास खित ज्‍युताप सिओ?” सिन सिदुक।

शक्ति काम 6:10

तर परमेश्‍वर आत्‍मेकी स्‍तिफनसला आउदी बुद्धि बिन्‍दा ओतेकी थेबेकी जतिराङ टेकाटेउरी खासीनोङ थेकी खाबाते बातला मेन सिन नोमुङ थेला ग्‍याला माथुप्‍सुङ।

एफिसी 6:19

थेमे परमेश्‍वरगी गोमा सुङलाङ छ्या स्‍ये च्‍युता मेताते गा लाङच्‍येते बात ङे ज्‍येनला लोप्‍जीन छ्याःङ ज्‍यीबा मिक्‍किता खाला थेमे थेबेकी खोबा थुप्‍च्‍या खाला लोपा थुप्‍स्‍यीत सिन ङे लाईदुङ प्रार्थना खि।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।