लूका 20:16 - जिरेल

¹⁶ च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?” सिन सिदुक। थेकी थोक सिरजीन थेरू ओताते मिओनगी “दोकनी मिलामलाङ मेङस्‍यीत,” सिन सिदुक।

लूका 20:16 Iomraidhean Croise

मत्ती 21:34

तिरी अंगूर छोनामेई थेकी थे खोरोङ काम खित्‍कान्‍ते मिओनला थे खोरोङ बो लिन्‍दाला ताङदुक्‍लो।

मत्ती 21:41

ठिजीन थेबेकी “थे स्‍यीङगी धनीकी थोक मेलेबा काम खित्‍कान्‍ते मिओनला छ्याःङ दया मोज्‍योबा खाला सेत्‍क्‍यो। थेमे थे स्‍यीङचेन अंगूर छोजीन छोजीन थे खोरोङ बो तेरकान्‍ते ज्‍येन मिला फेम्‍माला तेरग्‍यो,” सिन सिदुक।

मत्ती 22:7

थेबेकी थोक खानामेकी थे गेल्‍बोला आउदी स्‍येदाङ लादुक्‍लो। थेमे थेकी मिल्‍टेरीतेबा ताङगीन थे ज्‍यानमाराओनला सेत्‍कीन थेबे सारलाङ मे लै खादुक्‍लो।

मर्कूस 12:9

लो ख्‍योकोन विचार खि, था थे स्‍यीङगी धनीकी थे मिओनला च्‍यि खाओङा। च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?

लूका 19:27

थेमे ङा गेल्‍बो मेङस्‍यीत सिन ङे विरोध खित्‍कान्‍तेबा सु सु ईन्‍दाका ख्‍योकोनगी थेबाला दुरू ङे दोन्‍दु खुलाला सेत,’ सिन सादुक्‍लो,” सिन सिदुक।

लूका 20:15

थेला जुम्‍गीन स्‍यीङदुकी तेन्‍गीन खेरगीन सेत्‍कीन क्‍युरदुक्‍लो। लो ख्‍योकोन विचार खि, था थे स्‍यीङगी धनीकी थे मिओनला च्‍यि खाओङा।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।

रोमी 11:1

बात दोक दोक ईन्‍सीनोङ परमेश्‍वरगी इस्राएलीओनला नोमुङ थे खोरोङ मि ईन सिरा ताङा मेत। थेकी दोक खितराङ मिक्‍किओ। ङालाराङ ताला विचार खिना। ङाङनी बेन्‍यामीन थरगी इस्राएलीराङ ईन। थेमे ङे ज्‍युज्‍यु अब्राहाम ईन।

रोमी 11:11

इस्राएलीओन दोक खाईन परमेश्‍वरगी साबाते मेङेन्‍कान गाल्‍सीनोङ था थेबेकी नोमुङ परमेश्‍वर छ्य्‌वापा लै खित्‍च्‍येते मौका माङेत्‍ला पापकी सजाय भोगे खिता फाप्‍क्‍यो सिनचेन ङे साबाते मेन। बरू बात चुक ईन्‍दे सासीन थेबेकी थोक खाईन परमेश्‍वरगी साबाते माङेन्‍देकी खित्‍सादु ज्‍येन ज्‍येन जातकी मिकीका परमेश्‍वरगी खोपरोङला पापकी सजायदुकी डेल्‍ग्‍यो सिरच्‍येते बात छ्या स्‍येच्‍येते मौका ङेत्‍सुङ। थेकी थेबाला दि मौका बिन्‍दा थोङनामेई इस्राएलीओनला स्‍येदाङ लाला थेबा थे खोरोङ छ्य्‌वापा लै खाला आशी ङेत्‍स्‍यीत सिनराङ परमेश्‍वरगी दोक खाबाते ईन।

रोमी 3:31

येशू ख्रीष्‍टला विश्‍वास खित्‍कान्‍तेलाकामा परमेश्‍वरगी दोषी मेन सिओ सिरजीन ङुरूङगी परमेश्‍वर नियम था छ्याःङ काम लै मिक्‍किओ सिन साबाते मेन। ङुरूङनी परमेश्‍वर नियमला साबाते बात साबा च्‍योकराङ ओङा ओत सिनका सिओ।

रोमी 3:4

थोकनी थेकी खितराङ मिक्‍किओ। ओताते मिबरी गाङेकी खोपरोङगी खिओ साबाच्‍योक मिक्‍किता खाईन ढाँर खासीनोङ परमेश्‍वरगीचेन नोमुङ दोक मिक्‍किओ। थेकी जहिलेङ थे खोरोङगी साबा च्‍योकराङ खिओ। थे खिओ साबा च्‍योकराङ खित्‍कान्‍ते ईन सिन परमेश्‍वर बातलाङ दोक सिन टिबा ओत। चुक सासीन “परमेश्‍वर खोरोङगी खिओ साबाच्‍योक पक्‍काराङ खित्‍कान्‍ते ईन सिन मि गाङेकी लेमु खाला छ्या स्‍येक्‍यो। खुई साबा च्‍योकराङ माक्‍यासुङ सिन सुङगीङ खोल्‍ला दोष लै खिता मुथुबो,” सिन साबा ओत।

रोमी 3:6

सजाय तेरजीन परमेश्‍वरगी अन्‍याय सिराते खितराङ मिक्‍किओ। अन्‍याय खासुङ सासीन थेकी दि सा लुङबे मिओनला ठीक खाला न्‍याय खिताराङ मुथुबो।

रोमी 6:15

परमेश्‍वर नियम अधीनला मेन, परमेश्‍वरगी दया खाबेकी थे अधीनलाका ओतेकी था ङुरूङगी थे नियम मेङेन्‍दा खाला जे खासीनोङ ओङगीतासीन सिनोङ ङुरूङगी सिरा मेङगो। पाप सिराते ङुरूङगी खिताराङ मेङगो।

रोमी 6:2

ङुरूङगी पाप खिन देता मेङगो। था पापकी लाईदु ङुरूङ स्‍याप छेतराङ गाल्‍गीन सिन्‍दा ओत। दोक ईन्‍देकी ङुरूङगी चुक खाला थोरूमोङ पाप खिनराङ देता थुप्‍कीते? दोकनी खिताराङ मुथुबो।

रोमी 7:13

परमेश्‍वर नियम दोक लेमु ईन्‍गीन ईन्‍गीनोङ ङा थेरू तोके खाबाते सजाय भोगे खिन स्‍या फाप्‍च्‍या ओङाते थे नियमगी खित्‍सादु मेन। दोक माकेत, थोक माकेत सिरच्‍येते नियम लेमु ईन्‍सीनोङ ङे थेरू माकेत साबाते खाईन पाप खाबेकीका ङा थोक खाईन थे नियमला तोके खाबाते सजाय ङेत्‍ला स्‍या फाप्‍च्‍या ओङाते ईन। पापकी खित्‍सादु दोक ओङेकी दि पाप सिराते चुक मेलेबा ईन्‍दे थेमे दिकी खित्‍सादु मिला चुक मेलेबा ओङच्‍या ईन्‍दाका सिन ङुरूङगी लेमु खाला छ्या स्‍येकीदुक।

रोमी 7:7

ङे दि बात सिरजीन थोक ईन्‍सीनका परमेश्‍वर नियमराङ मेलेबा दुका ओना सिरच्‍येते बात थेन्‍ग्‍यो। तर थे नियमनी मेलेबा ईनराङ मेन। परमेश्‍वरगी थे खोरोङ नियम माबिन्‍दा ईन्‍सीन पाप सिराते च्‍यि ईन्‍दे सिन ङे छ्याःङ छ्या स्‍येच्‍या मेतान। चुक खाला सासीन परमेश्‍वर नियमला “ज्‍येनगीते सिराते छ्याःङगीतेङ लोभ माकेत,” साबा मेता ईन्‍सीन ङाराङगी लोभ खिन ओत सिन ङे छ्याराङ स्‍येच्‍या मेतान।

रोमी 9:14

बात दोक ईन्‍सीन च्‍यि परमेश्‍वरगीराङ कोईला काका कोईला पाका खित्‍च्‍याक्‍वा सिन सिरच्‍या ओना? मेन मेन, परमेश्‍वरगी दोक खितराङ मिक्‍किओ।

१ कोरिन्‍थी 6:15

ख्रीष्‍टकी जीउकी लाक्‍पा, काम्‍बा, मिक च्‍योक्‍तेबाचेन ख्‍योकोनराङ ईन सिन च्‍यि ख्‍योकोनला छ्या मेत? थोगी च्‍यि ङुरूङ गाल्‍ला रन्‍डीताङ ङ्याला ओङगो? थोक्‍ते काम नोमुङ खिता मेङगो।

गलाती 2:17

दोक खाला येशू ख्रीष्‍टकी खित्‍सादुकामा परमेश्‍वरगी ङुरूङलाङ दोषी मेन सिओ सिन थेकी ङुरूङ यहूदीओनला बिन्‍दाते नियम ङेन्‍दा ताङनामेई थे नियम मेङेन्‍कान्‍ते ज्‍येन ज्‍येन जातकी मि च्‍योकराङ पापी ओङच्‍या ओङसुङ। थोक ईन्‍सीन च्‍यि येशू ख्रीष्‍ट ङुरूङला पाप खित ज्‍युत्‍कान्‍तेका ईन ओना? पक्‍काराङ मेन।

गलाती 3:21

दोक ईन्‍सीन च्‍यि थे नियमचेन परमेश्‍वरगी आशी तेरग्‍यो सिन खाबाते जमान बातताङ बान्‍दा मिडिक्‍च्‍येते ईन ओना? मेन मेन, दोक पक्‍काराङ मेन। मिओनगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे नियम बिन्‍दा मेतान। थोक ईन्‍दा ईन्‍सीन थे नियमला खि साबाते ङेन्‍कान्‍तेबाला थेकी दोषी मेन सिरच्‍या ओतान।

गलाती 6:14

ङे नोमुङ होथेबेकी च्‍योक खाला दाक्‍पोनगी खाबाते खइँदा कामगी छ्य्‌वापेई छ्ये खिता माफाप्‍स्‍यीत। ङेनी स्‍यिङगी थामला टाँए खाईन सेताते ङुरूङ प्रभु येशू ख्रीष्‍टलाकामा छ्ये जोइओ सिन टुङ्गो खाईन सिन्‍दा ओत। प्रभु येशू ख्रीष्‍ट थोक खाईन स्‍याप्‍की खित्‍सादु ङाङ स्‍यिङगी थामला टाँए खाईन स्‍याप्‍ते च्‍योक ओङगीन दि सा लुङबे मिओनगी ङेन्‍दा फाप्‍क्‍यो सिरच्‍येते नियम थेमे थेबेकी माने खित्‍च्‍येते रीतिथितिओन ङे लाईदु छ्याःङ काम लै मिक्‍किच्‍या गाला ओत। थेमे ङाराङचेन होथोक्‍ते नियमताङ रीतिथिति लाईदु स्‍याप छेतराङ ओङा ओत।