लूका 20:1 - जिरेल

¹ ङीमाई याङराङ येशू मन्‍दिरदु देत्‍ला मिओनला गा लाङच्‍येते बात च्‍यि ईन्‍दे सिन लोप्‍कीन ओतान। दोक खाला लोप्‍कीन ओते बेलाला छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मिकी दोन्‍दु वाकीन थेला

लूका 20:1 Iomraidhean Croise

मत्ती 26:55

थेला थोक साकीन च्‍याकीन थे खोरोङला जिन ओङकान्‍ते मिओनला “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो? ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देत्‍ला मिओनला लोप्‍कीन ओतान, मेन? थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ।

लूका 20:2

“खो दुरू मन्‍दिरदु वाला मिओनला लोप्‍च्‍येते थेमे मिओनला दुरूई तेन्‍ला तोङच्‍येते खुईते च्‍यि अधिकार ओते? खोल्‍ला दोक खि सिन सुई कोत्‍सुङा?” सिन सिराला स्‍यूसुङ।

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

यूहन्‍ना 18:20

ठिजीन थेकी “ङे लोप्‍च्‍येते बात ङे ओताते जति मि गाङेकी थोच्‍या खाईन साबा ओत। यहूदीओन रूसा रूसाला मिटिङ खित्‍च्‍येते खाम्‍बे नाङला ईन्‍स्‍यीत थेमे परमेश्‍वर मन्‍दिरदु ईन्‍स्‍यीत ङे दि बातओन लापा ओत। ङे खाराक्‍पा सुङलाङ बातज्‍यीगोङ साबा मेत।

शक्ति काम 4:1

थोक खाला पत्रुसताङ यूहन्‍ना मिओनताङ बात खिनराङ ओतान। थे बेलालाराङ पूजारीओन, मन्‍दिरदु देत्‍कान्‍ते पुलिसते छ्येते मि थेमे सदुकी पाटी मिओन थेरू गाल्‍सुङ।

शक्ति काम 6:12

थोक खाईन थेबेकी इस्राएल छ्ये छ्ये मि, धर्मे गुरूओन थेमे ज्‍येन ज्‍येनलाङ गाङेला उल्‍के खासुङ। थोगी मि गाङेकी गाल्‍गीन स्‍तिफनसला जुम्‍गीन छ्ये छ्ये पूजारीताङ ज्‍येन छ्ये छ्ये मि गाङे दोन्‍दु क्‍याल्‍सुङ।