लूका 2:9 - जिरेल

⁹ थेमे थे फिजा क्‍या छोमु ग्‍वाका च्‍यि ओङसुङा सासीन थे गोठालाओनगी प्रभु परमेश्‍वर दूतज्‍यीक थेबे दोन्‍दु ओङा थोङसुङ। थेमे प्रभु परमेश्‍वरते मिगी ताराङ मुथुप्‍च्‍या झिलिमिली नाम्‍दाक फोक्‍पेकी थेबे फेरोला नाम्‍दाक छ्याङे गाल्‍सुङ। थोक ओङजीन गोठालाओन च्‍यि ईन्‍ताका सिन ज्‍यीबेकी थरावरी गाल्‍सुङ।

लूका 2:9 Iomraidhean Croise

मत्ती 1:20

दोक विचार खिन खिनलाराङ ग्‍वामाई मिलामला थेकी प्रभु परमेश्‍वर दूतज्‍यीकला थे खादु वाबाते थोङसुङ। थेमे थे दूतकी थेला “ए दाऊद गेल्‍बो सन्‍तान यूसुफ, खो मरियमला खुलाङाला छ्याःङ ङोचा माकेत। मित्ताङ ङ्याल्‍गीन मेन्‍देकी परमेश्‍वर आत्‍मेकी खित्‍सादुका थेकी फुज्‍यीमा खुराते ईन।

लूका 1:28

थेमे मरियम दोन्‍दु लेप्‍कीन थे दूतकी “फुमो, प्रभु परमेश्‍वरगी खोल्‍ला लेमुज्‍यीक कामगी लाईदु छाने खाबा ओत। थेकी खोल्‍ला लेमु खाला तेइओ,” सिन सिदुक।

लूका 2:8

बेथलेहेम छेउकी नाङला लुई गोठालाओन नुपला पाङलाराङ देत्‍ला लुक स्‍युङगीन ओतान।

लूका 24:4

थोक थोङगीन थेरू च्‍यि ओङा ईन्‍ताका सिन थेबा अलमल्‍ल परे खासुङ। थेमे थेजीनराङ मिगी तापराङ मुथुप्‍च्‍या खाला टल्‍के खित्‍च्‍याज्‍यीक खोलाक खोन्‍दातेन्‍दे मेन्‍दा ङि मि थेबे दोन्‍दु लेप्‍सुङ।

यूहन्‍ना 12:41

येशूताङ चुक छ्येज्‍यीक शक्ति ओता ईन्‍दाका सिन थोङा ओतेकीराङ यशैयेकी थे विषयला थाङबोका थोक सिन साबा ओतान।

शक्ति काम 12:7

थेमे थे छोमु च्‍यि ओङसुङा सासीन पत्रुस दोन्‍दु प्रभु परमेश्‍वर दूतज्‍यीक ख्‍योल्‍सुङ। थेमे थे कोठादु आउदी नाम्‍दाक ओङसुङ। थेरूई थे परमेश्‍वर दूतकी पत्रुसला “ल्‍वा ल्‍वा,” सिन योम्‍सुङ। थेमे थेला कोन्‍दाते नेलोङ ठोल्‍गीन साला ङीम्‍सुङ।

शक्ति काम 27:23

च्‍यिला सासीन ङे माने खिन ओताते परमेश्‍वरगी दाङ ग्‍वाका ङा ओत्‍सादु थे खोरोङ दूतज्‍यीक ताङदुक।

शक्ति काम 5:19

थेबाला जेलला लुक्‍पे छोमुराङ ग्‍वाका चुक ओङसुङा सासीन थेबा ओत्‍सादु प्रभु परमेश्‍वर दूतज्‍यीक लेप्‍सुङ। थेमे थेकी जेलगी गो पेत्‍कीन थेबाला फिनामा खुलाकीन च्‍याकीन

२ कोरिन्‍थी 3:18

प्रभु ख्रीष्‍टकी ङुरूङ सेम खुदुक जोकीन बिन्‍नामेकी ङुरूङगी सुङताङ छ्याःङ बात बोङा माफाबो। ङुरूङला ताला मिओनगी ख्रीष्‍टताङ चुक छ्येज्‍यीक शक्ति ओता ईन्‍दाका सिन छ्या स्‍येक्‍यो। थेकी ङुरूङला थे खोरोङ च्‍योकराङ लेमु जोइन गाल्‍नामेई ङुरूङ झन झन प्रभु ख्रीष्‍ट च्‍योकराङ लेमु डुइन डुइओ। ङुरूङला दोक खित्‍कान्‍ते प्रभु ख्रीष्‍ट ईन। थेत्ताङ परमेश्‍वर आत्‍मा दोक्‍पोईराङ ईन।

२ कोरिन्‍थी 4:6

परमेश्‍वरगी सा नाम जोजीन “मुन्‍दाकते ठाउँदु नाम्‍दाक ओङस्‍यीत,” सिन साबा ओतान। होथोक सिरकान्‍ते परमेश्‍वरगीराङ मुन्‍दाकते ठाउँदु नाम्‍दाक ओङ च्‍युताच्‍योक खाईन थे खोरोङ सु ईन्‍दे थेमे थेत्ताङ चुक छ्येज्‍यीक शक्ति ओते सिन ङुरूङला छ्या स्‍ये च्‍युत्‍सुङ। दि बात ङुरूङगी ख्रीष्‍टला ताकीन छ्या स्‍येबाते ईन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 12:21

थे बोमदु थोक थोक ओङाते ताजीन मि गाङेला आउदी ज्‍यीबा लाबा ओतान। मोशेकी समेत “ङा ज्‍यीबेकी थुरथुर दारगीदुक,” सिन साबा ओतान।

छ्या स्‍ये च्‍युताते बात 18:1

थेमे दि तिरी ङे स्‍वर्गनेकी परमेश्‍वर दूतज्‍यीक ओङगीन ओताते थोङसुङ। थेत्ताङ छ्येज्‍यीक शक्ति ओतान। थेमे थे शक्तिकी खित्‍सादु गाङे दि पृथ्‍वीराङ नाम्‍दाक छ्याङे गाल्‍सुङ।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।