लूका 2:47 - जिरेल

⁴⁷ थेरू थेकी थे धर्मे गुरूओनगी साबाते बात आउदी लेमु खाईन खोबाते थेमे थेबेकी ठिबाते बातओनोङ आउदी लेमु खाईन लाःपाते थोङजीन थेरू ओताते मिबरी दि चुक अचम्‍बज्‍यीक फिजा ईन्‍दाका सिन छक्‍क परे खासुङ।

लूका 2:47 Iomraidhean Croise

मत्ती 13:54

थेमे थेरू थे खोरोङ युलदु मिटिङ खित्‍च्‍येते खाम्‍बादु मिओनला लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

मत्ती 22:33

थेकी थोक साबा थोकीन ओहो दिकी चुक अचम्‍ब खाला बात लोप्‍च्‍या ईन्‍दाका सिन थेरू ओताते मि गाङे छकदाङ परे खासुङ।

मत्ती 7:28

येशूकी दि बाततेबा लाप्‍कीन सिन्‍नामेकी थेरू ओताते मि गाङे छक्‍क परे खासुङ।

मर्कूस 1:22

थेकी लापाते बात थोकीन थेरू मि गाङेराङ छक्‍क परे खासुङ। च्‍यिला सासीन थेकी थेबा खोपरोङ धर्मे गुरूओनगी च्‍योक खाला लोप्‍कीन मेतान। थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

मर्कूस 11:18

थेकी थोक थोक खासुङ सिन थोनामेई छ्ये छ्ये पूजारीताङ धर्मे गुरूओनला ज्‍यीबा लासुङ। च्‍यिला सासीन मि गाङेराङ येशूकी चुक लेमु खाला बात लोप्‍कीका सिन थे छ्य्‌वापा लै खिताला स्‍यूबा ओतान। थोक थोङगीन था थेकी मिबरी थे खोरोङ लाःक्‍तु लाला थोरूम चुक चुक खिताना सिन ज्‍यीबेकी छ्ये छ्ये पूजारीताङ धर्मे गुरूओनगी थेला सेत्‍च्‍येते मौका छोलाला स्‍यूसुङ।

मर्कूस 6:2

थेमे सन्‍चारी छोमु थेकी थेरू मिटिङ खित्‍च्‍येते खाम्‍बादु लोपाला स्‍यूसुङ। थेकी लापाते बाततेबा थोनामेई थे युल्‍बाओन छक्‍क परे खिनकामा “आबिई, दिकी दि बाततेबा खापेकी लाप्‍ताका? दोक छ्ये छ्ये बात दिकी चुक खाईन छ्या स्‍येताका? थेमे थोक अचम्‍बते कामओन दिकी चुक खाईन खाताका?

लूका 2:18

थेबे बात थोकान्‍ते मिबरी गाङेला आउदी अचम्‍ब लासुङ।

लूका 2:46

थेमे छोल्‍गीन छोल्‍गीन डोजीन ङीमा सुमगी छोमु थेबेकी येशूला परमेश्‍वर मन्‍दिरदु थेप्‍सुङ। थेरू थे यहूदी धर्मे गुरूओनताङ देता ओतान। थेबेकी लोप्‍कीन ओताते बात ङेन्‍गीन थेमे थेबालाङ बात ठिइनकामा येशू थेरू देता ओतान।

लूका 4:22

थेकी खाबाते बात थोजीन थे मिओन छक्‍क परे खिन दिकी लोप्‍कीन ओताते बातनी ङेन्‍गीनराङ देत्‍की सिराच्‍योक दुक सिन बात खिताला स्‍यूसुङ। बात खिन खिन याङराङ थेबेकी “दि सु ईन्‍देरो? यूसुफ फुज्‍युङराङनी ईन,” सिनोङ सासुङ।

लूका 4:32

थेकी लापाते बात थोकीन थेरू मि गाङेराङ छक्‍क परे खासुङ। च्‍यिला सासीन थेत्ताङ परमेश्‍वरगी बिन्‍दाते अधिकार ओतेकी थेकी आउदी लेमु खाला लोप्‍कीन ओतान।

यूहन्‍ना 7:15

थेकी थोक लेमु खाईन थे बात लापा थोकीन यहूदीओनते छ्ये छ्ये मि छक्‍क परे खिन “आबिई, धर्मे गुरूओनगी च्‍योक खाईन परमेश्‍वर बात नोमुङ पढे माक्‍याबाते ईन्‍सीनोङ दिकी दि बाततेबा चुक खाईन छ्या स्‍येताका?” सिन बात खिताला स्‍यूसुङ।

यूहन्‍ना 7:46

ठिजीन थेबेकी “आबिई, ङ्योकोननी थेकी बात खाबा थोङगीनराङ ख्‍यारसुङ। थेकी च्‍योक खाईननी ङ्योकोनगीनी थातासाक सुङगीङ बात खिताराङ थोबा मेत,” सिन सिदुक।