लूका 2:46 - जिरेल

⁴⁶ थेमे छोल्‍गीन छोल्‍गीन डोजीन ङीमा सुमगी छोमु थेबेकी येशूला परमेश्‍वर मन्‍दिरदु थेप्‍सुङ। थेरू थे यहूदी धर्मे गुरूओनताङ देता ओतान। थेबेकी लोप्‍कीन ओताते बात ङेन्‍गीन थेमे थेबालाङ बात ठिइनकामा येशू थेरू देता ओतान।

लूका 2:46 Iomraidhean Croise

मत्ती 12:40

च्‍यि सासीन योनाला समुन्‍द्रे ङ्या जोदाज्‍यीगी मीक ताङनामेई थे ङीमा सुमताङ ग्‍वामा सुमसाक ङ्ये सुबे नाङ देता फापा च्‍योकराङ परमेश्‍वर ओत्‍सादुई वाबाते मि ङाङ स्‍यिनामेई ङीमा सुमताङ ग्‍वामा सुमसाक सबी चावादु देता फाप्‍क्‍यो।

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

लूका 2:47

थेरू थेकी थे धर्मे गुरूओनगी साबाते बात आउदी लेमु खाईन खोबाते थेमे थेबेकी ठिबाते बातओनोङ आउदी लेमु खाईन लाःपाते थोङजीन थेरू ओताते मिबरी दि चुक अचम्‍बज्‍यीक फिजा ईन्‍दाका सिन छक्‍क परे खासुङ।

लूका 5:17

थेमे ङीमाई येशू ठाउँज्‍यीक्‍तु मिओनला लोप्‍कीन ओतान। थेरू बात ङेन्‍कान्‍तेबे नाङ गालीलताङ यहूदिये अञ्‍चल गाङेपेकी थेमे यरूशलेम सारदुकी वाबाते फरिसी पाटी मिओनताङ धर्मे गुरूओनोङ ओतान। प्रभु परमेश्‍वरगी येशूला नाबाते मिओनला ठाक्‍पा खित्‍च्‍येते शक्ति बिन्‍दा ओतान।

यूहन्‍ना 3:10

थोक सिरजीन येशूकी “खो इस्राएलीओनला परमेश्‍वर बात लोप्‍कान्‍ते मि ईन्‍सीनोङ दि बात मोखोदुक?

शक्ति काम 5:34

तर थे छ्ये छ्ये मि नाङ गमलिएल सिराज्‍यीक धर्मे गुरूङ ओतान। थेचेन फरिसी पाटी मि ओतान। यरूशलेम मि गाङेकी थेला आउदी मान खिन ओतान। थेमे थेकी देत्‍सादुई लाकीन येशू ख्रीष्‍टकी खटे खाबाते मिओनला “ख्‍योकोन रकस्‍यिक फिनामा ग्‍युक,” सिन फिनामा ताङसुङ।

१ तिमोथी 1:7

थेबाचेन खोपरोङ परमेश्‍वर नियम लोप्‍कान्‍ते गुरू ईन खिदुक। थेमे खोपरोङला थे नियम आउदी लेमु खाला छ्या ओताच्‍योक खाला लोप्‍कीदुक। थोक खाईन लाप्‍सीनोङ खोपरोङगी च्‍यि बात लापे सिन खोपरोङलाराङ छ्या मिन्‍दुक। थेमे खोपरोङगी लोप्‍च्‍येते बात दोक दोक ईन सिन खोपरोङगीराङ खोबा मिन्‍दुक।