लूका 2:34 - जिरेल

³⁴ थेमे थेकी आबातेताङ आमातेलाङ आशी बिन्‍गीन च्‍याकीन थे फिजे आमा मरियमला “परमेश्‍वरगी खटे खाबाते दि फिजाला ङुरूङ इस्राएली नाङ कोईकी दिला परमेश्‍वरगी ताङाते ईनराङ मेन सिन विरोध खिओ। थोक खित्‍कान्‍तेबाला परमेश्‍वरगी सजाय तेरग्‍यो। कोईकीचेन दिला परमेश्‍वरगी ताङाते ईन सिन पत्ते खिओ। थोक खित्‍कानलाचेन परमेश्‍वरगी आशी बिन्‍ला लेमु खिओ।

लूका 2:34 Iomraidhean Croise

मत्ती 11:19

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक। जे ईन्‍सीनोङ परमेश्‍वरगी खाबाते काम थोङकान्‍ते मिओनगीचेन दि काम थेकी आउदी बुद्धि पुरे खाईन खाबाते ईन सिन लेमु खाला छ्या स्‍येक्‍यो,” सिन सिदुक।

मत्ती 12:46

येशू थोक खाला मिओनताङ बात खिन ओते बेलालाराङ थेते आमातेताङ न्‍वातेबा थेला ठेताला थेरू ख्‍योल्‍सुङ। थेमे फिनामाराङ देत्‍कीन थेबेकी थेला फिनामा स्‍योक सि सिन कातोङ ताङसुङ।

मत्ती 21:44

थेमे याङराङ थे कर्मीओनगी काम लै मिक्‍किओ सिन क्‍युराते दोई बात चुक ईन्‍दे सासीन जो जो थे दोला नार्दोक ग्‍याप्‍ला रिल्‍गीदुक थेबा गाङे रूबा फराक फुरूक छ्याक्‍ला स्‍यिइओ। थोकराङ खाला सुइँदे लाक्‍तु थे दो ल्‍हुम्‍सुङ सासीन थेबाङ छ्येक्‍ला स्‍योबेन डुइओ,” सिन सिदुक।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

लूका 2:35

दोक ओङजीन दाक्‍पोन सेमगी नाङ ओताते बात मि सुङगीङ खाराक्‍पा ब्‍वाला ज्‍य्‌वाबा मुथुबो सिन छ्या स्‍येक्‍यो। दि फिजेकी ङेताते दुक्‍पा थोङजीन खोल्‍लाङ ङिङला ठीउ रोपे खाला स्‍यिइ सिराच्‍योक लाङगो,” सिन सिदुक।

यूहन्‍ना 3:20

मेलेबा काम खित्‍कान्‍ते मि सुङलाङ नाम्‍दाक मनराङ परे मिक्‍किओ। नाम्‍दाकला थेन्‍सीन खोपरोङ मेलेबाते काम ज्‍येनगी छ्या स्‍येकीता सिन ज्‍यीबेकी थोक्‍ते मिलाचेन नाम्‍दाक गाराङ मालाङो।

यूहन्‍ना 5:18

थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

शक्ति काम 13:45

थोक काल्‍बेई मि थेरू वाबा थोङगीन थानी मि गाङे पावलताङ बारनाबास छ्य्‌वापाका लै खिताला स्‍यूसुङ सिन यहूदीओनला खोक्‍पो खाईन स्‍येदाङ लासुङ। थेमे थेबेकी थेरू ओताते मिओनला पावलगी खाबाते बात ईनराङ मेन्‍दे बात ईन सिन आउदी खाईन थे विरोध खिताला स्‍यूसुङ।

शक्ति काम 17:6

थेपा गाल्‍ला ताजीन थेबा ङिबोला माथेप्‍नामेई थेबेकी यासोनताङ थेरू आज्‍यो न्‍वाओनलाराङ कोई कोईला जुम्‍गीन थे सारगी छ्ये छ्ये मि दोन्‍दु खेरसुङ। थेमे गाङेकी थोच्‍या खाला बात खिन थेबेकी “लो तो, सा लुङबा खाङ युला गाङेपा मि नाङ होहल्‍ला खित ज्‍युत्‍कान्‍ते मिओन दुरू ङुरूङ सारदुङ लेप्‍तुक।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

शक्ति काम 28:22

खो थे नासरत पाटी मि ईन्‍देकी थे पाटी चुक्‍ते ईन्‍दे सिन ङ्योकोनला लेमु खाला लाप्‍ला नाङ। च्‍यिला सासीन जुन ठाउँकी मिकीङ थे पाटी मेलेबा ईन सिन खिदुक,” सिन सिदुक।

शक्ति काम 4:26

प्रभु परमेश्‍वर थेमे थेकी खटे खाईन ताङातेला विरोध खिताला दि सा लुङबे गेल्‍बोओनताङ छ्ये छ्ये मि गाङेराङ डिगीन ङ्योम्‍बुराङ जम्‍मा ओङला दुक,’ सिन साबा ओतान।

शक्ति काम 6:7

थोक खाईन गाङे बात मिले खानामेई परमेश्‍वर बात झन गाङेपा फैले खिन गाल्‍गीन येशू चेलाओन यरूशलेमदु झन फेल्‍गीन गाल्‍सुङ। थोक खाला परमेश्‍वर बात ङेन्‍ला येशूला विश्‍वास खित्‍कान्‍तेबे नाङ पूजारीओनोङ काल्‍बेई ओतान।

रोमी 9:32

च्‍यिला सासीन थेबेकी खोपरोङला दोषी मेन सिरच्‍येते परमेश्‍वर काम ईन सिन थेला विश्‍वास माक्‍यासुङ। थोक खिता साटोला बरू थेबेकीचेन परमेश्‍वर नियम ङेन्‍ला धर्म कर्म खालाराङ थे दोन्‍दु थोक्‍ते मि ओङा चाल्‍सुङ। थेबेकी थोक खाबेकी खित्‍सादु येशू ख्रीष्‍टचेन थेबे लाईदु नार्दोक ग्‍याप्‍ला रिल्‍च्‍येते दो च्‍योकराङ ओङसुङ।

१ कोरिन्‍थी 1:23

दोक ईन्‍सीनोङ ङ्योकोनचेन ख्रीष्‍ट मिओनला पापकी सजायदुकी डेलाला स्‍यिङगी थामला टाँए खाईन स्‍याप्‍ते ईन सिन मिओनला लोप्‍क्‍यो। दि बात लोप्‍जीन यहूदीओनचेन दिनी परमेश्‍वर विरोध खाबाते ईन सिन स्‍येदाङ खिदुक। थेमे ग्रीकओनचेन दि लेम्‍बे बात ईन सिन ङेनराङ मेङेन्‍दुक।

हिब्रू 7:1

मल्‍कीसेदेकचेन शालेम सारगी गेल्‍बो थेमे गाङे भन्‍दा छ्येते परमेश्‍वर पूजारी ओतान। बाजिई अब्राहाम गेल्‍बो स्‍यीला ग्‍याल्‍ला लडाइँलेई ग्‍युरला ओङजीन थेला ठेत्‍कीन थेकी अब्राहामला आशी बिन्‍दा ओतान।

हिब्रू 7:7

आशी ङेत्‍कान्‍ते भन्‍दा आशी तेरकान्‍तेराङ छ्ये ईन सिन ङुरूङ गाङेला छ्या ओत मेन?

१ पत्रुस 4:14

ख्रीष्‍टकी मि ईन्‍देकी ज्‍येनगी मनपरी सासीन ख्‍योकोननी भाग्‍यमानीका ईन। थेबेकी थोक खित्‍जीन ख्‍योकोनगी छ्येज्‍यीक शक्ति ओताते परमेश्‍वर आत्‍मा खेराङताङ ओत सिन झन लेमु खाला छ्या स्‍येक्‍यो।