लूका 2:14 - जिरेल

¹⁴ थेमे थे दूतओनगी “स्‍वर्गने देत्‍कान्‍ते परमेश्‍वरते जय जय ओङस्‍यीत। दि सा लुङबे मिओन नाङ थे खोरोङगी दया खाबाते मिओनला था थेकी लेमु खिओ,” सिन परमेश्‍वरते जय जय खासुङ।

लूका 2:14 Iomraidhean Croise

मत्ती 21:9

थेमे थे गोमाङ तिरीङ ख्‍याम्‍गीन ओताते मिओनगी छेरा खिनकामा “दाऊद सन्‍तानते जय जय ओङस्‍यीत। प्रभु परमेश्‍वरगी देमा ताङाते गेल्‍बो काल्‍बासाक सोन्‍स्‍यीत। थेते जय जय ओङस्‍यीत। स्‍वर्गने देत्‍कान्‍ते प्रभु परमेश्‍वरते जय जय ओङस्‍यीत,” सिन सिराला स्‍यूसुङ।

लूका 1:79

थेकी वाला परमेश्‍वरताङ ठाल्‍गीन थे लाईदु स्‍याप छेतराङ गाला ओताते मिओनला दि पापताङ लोभकी खाङाते मुन्‍दाकते ठाउँदुकी डेल्‍ग्‍यो। दोक खाला थेकी ङुरूङला छ्याःङ ज्‍यीबा मिक्‍किता खाला जुनीकाल्‍बा क्‍योङ ज्‍युत्‍क्‍यो,” सिन सिदुक।

लूका 19:38

थेबा गाङेराङ “प्रभु परमेश्‍वरगी देमा ताङाते गेल्‍बो काल्‍बेईसाक सोन्‍स्‍यीत। थेते जय जय ओङस्‍यीत। स्‍वर्गदु देत्‍ला लेमु खित्‍कान्‍ते परमेश्‍वरते जय जय ओङस्‍यीत,” सिन छेरा खिताला स्‍यूसुङ।

लूका 2:13

थे दूतकी थोक साला सिन्‍दाईताङराङ थे गोठालाओनगी थेत्ताङ ज्‍येनोङ ङोला ङ्वा मुथुप्‍च्‍या परमेश्‍वर दूत थोङसुङ।

लूका 2:15

परमेश्‍वर दूतओन थेरूई स्‍वर्गने ग्‍युरगीन गाल्‍नामेई थे लुई गोठालाओनगी “लो था ङुरूङ बेथलेहेमपा डुइ। थेपा गाल्‍ला च्‍याला प्रभु परमेश्‍वरगी दूतला सिर च्‍युताते दि बात च्‍यि ईन्‍दाका तेइ,” सिन बात खाईन

लूका 3:22

बप्‍तिस्‍मा लानामेई येशूकी परमेश्‍वरला प्रार्थना खिते बेलाला स्‍वर्गे गो फेत्‍सुङ। थेमे थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन वाकीन येशू लाक्‍तु फाप्‍सुङ। थेमे स्‍वर्गनेकी “फुज्‍यो, ङा खोल्‍ला आउदी ङिङज्‍ये खिओ। ङा खोत्ताङ आउदी खुशी ओत,” सिन परमेश्‍वरगी साबाते बात थोसुङ।

यूहन्‍ना 14:27

ङा ख्‍योकोन सेमला ढुक्‍क लोङगो। ङे खित्‍सादु ख्‍योकोन सेम ढुक्‍क खाला देता ङेत्‍क्‍यो। दि सा लुङबे मि सुङगीङ ख्‍योकोनला सेमला ढुक्‍क लोङा मुथुबो। ख्‍योकोन पीर माकेत, ज्‍यीबाङ माकेत।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

यूहन्‍ना 3:16

चुक सासीन परमेश्‍वरगी दि सा लुङबे मिओनला आउदी ङिङज्‍ये खाईन थे खोरोङते दोक्‍पोईकामा ओताते फुज्‍युङोङ देमा ताङसुङ। थोगी परमेश्‍वर फुज्‍युङला विश्‍वास खित्‍कान्‍ते मिचेन सुङ नरककुण्‍डमा स्‍यूक्‍पा माफाबो, थेबा गाङेकी नोमुङ मिसिन्‍च्‍येते जुनी ङेत्‍क्‍यो।

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

रोमी 5:1

थोक खाईन थे खोरोङला विश्‍वास खित्‍कान ङुरूङला परमेश्‍वरगी दोषी मेन साबा ओतेकी ङुरूङ थेत्ताङ डिक्‍पा ओत। ङुरूङ प्रभु येशू ख्रीष्‍टकी ङुरूङला थेत्ताङ डिक्‍पा खाईन बिन्‍दाते ईन।

एफिसी 1:6

थे खोरोङ ङिङज्‍येते फुज्‍युङ येशू ख्रीष्‍टकी खित्‍सादु थेकी ङुरूङला खितासम्‍म दया खाबा ओत। थे खोरोङ चुक अचम्‍ब खाला दया खित्‍कान्‍ते ईन्‍दे सिन थेते जय जय खिता थुप्‍स्‍यीत सिन थेकी ङुरूङला गोमाका होथोक थोक खाबा ओतान।

एफिसी 1:9

थेकी गोमा सुङलाङ छ्या स्‍ये च्‍युता मेताते थे खोरोङगी गोमामेईराङ खिता चालाते येशू ख्रीष्‍ट छ्य्‌वापेकी खिओ साबाते बात च्‍यि ईन्‍दे सिन था ङुरूङला छ्या स्‍ये च्‍युत्‍सुङ।

एफिसी 2:4

तर परमेश्‍वर आउदी लेमु खित्‍कान्‍ते ईन्‍देकी थेकी ङुरूङला आउदी ङिङज्‍ये खाईन

एफिसी 2:7

ङुरूङला ङिङज्‍ये खाईन थे खोरोङगी येशू ख्रीष्‍ट छ्य्‌वापेई खाबाते होदि गाङे काम चुक दया खाईन खाबाते ईन्‍दे सिन परमेश्‍वरगी जुग जुगसाकराङ गाङेला छ्या स्‍ये ज्‍युत्‍क्‍यो।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

फिलिप्‍पी 2:13

परमेश्‍वरगीराङ खेराङ नाङ काम खित्‍च्‍येते ईन्‍देकी ख्‍योकोनला थेला मन परे खित्‍च्‍येते काम खिता सेम लाङगो। थेमे थेकीराङ ख्‍योकोनला थोक्‍ते काम खिताला शक्तिङ तेरग्‍यो। ख्‍योकोन थे खोरोङगी ज्‍वा चालाच्‍योक लेमु मि ओङस्‍यीत सिन थेकी होदोक खाला ख्‍योकोन नाङ काम खिओ।

कलस्‍सी 1:20

थेमे थे खोरोङगी खिता चाला च्‍योकराङ खाईन थेकी दि पृथ्‍वीदु ओताते ईन्‍स्‍यीत, स्‍वर्गने ओताते ईन्‍स्‍यीत, जो ईन्‍सीनोङ जे ईन्‍सीनोङ गाङेला थे खोरोङ फुज्‍युङ छ्य्‌वापेकीराङ थे खोरोङताङ डिक्‍पा खाबा ओत। थे खोरोङ फुज्‍युङ स्‍यिङगी थामला टाँए खाला स्‍यिजीन थे जीउदुकी थेन्‍दाते ठागी खित्‍सादु थेकी ओताते जति गाङेला होथोक खाईन थे खोरोङताङ डिक्‍पा खाबा ओत।

२ थिस्‍सलोनिकी 2:16

ङुरूङ आबा परमेश्‍वरगी ङुरूङला ङिङज्‍ये खाईन थे खोरोङ दयेकी जहिलेङ आँट तेरगीन देत्‍ला तिरी तेरग्‍यो सिन साबातेबा गाङे पक्‍काराङ ङेत्‍क्‍यो सिन आश खाला देत ज्‍युत्‍क्‍यो। दोक खित्‍कान्‍ते परमेश्‍वरताङ ङुरूङ प्रभु येशू ख्रीष्‍ट थे खोरोङगीराङ ख्‍योकोनला आँट बिन्‍ला ख्‍योकोनगी खिन ओताते लेमुते कामताङ बात गाङे खिनराङ देत ज्‍युत्‍स्‍यीत सिन ङ्योकोन प्रार्थना खिओ।

छ्या स्‍ये च्‍युताते बात 5:13

लोईन ङे स्‍वर्गने ओतातेबरी, सा लुङबादु ओतातेबरी, स्‍यिइन सिन्‍दाते मिओन थेमे समुन्‍द्रे नाङ गाङेपा ओताते ङेपाक ओताते जति गाङेकी दोक सिन लु लाबाते थोसुङ। थेबाचेन “सिंहासन लाक्‍तु देत्‍कान्‍ते थेमे लुई रीउला ङ्योकोन छ्ये जोला मान खिन देत्‍क्‍यो। थेबेते सधैँभरि जय जय ओङस्‍यीत। थेबा ङिबोकी गाङेपा गाङेला राज्‍य खिनराङ देत्‍स्‍यीत,” सिन लु लिन्‍गीन ओतान।