लूका 2:11 - जिरेल

¹¹ च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

लूका 2:11 Iomraidhean Croise

मत्ती 1:16

थेमे याकूब फुज्‍युङ यूसुफ ओतान। यूसुफकी मरियमताङ फाङमा खाबा ओतान। मरियमचेन येशू आमा ईन। येशूचेन परमेश्‍वरगी दुरू तोङगो साबाते ख्रीष्‍ट ईन।

मत्ती 1:21

था थेकी फुज्‍युङज्‍यीक केइओ। खुई थे मिन येशू सिन स्‍योक। च्‍यिला सासीन थेकीराङ थे खोरोङ मिओनला थेबे पापदुकी डेल्‍ग्‍यो,” सिन बात खासुङ।

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 16:20

थोक साकीन च्‍याकीन थेकी चेलातेबाला थे खोरोङ ख्रीष्‍टराङ ईन सिन सुङलाङ मासेर, खाराक्‍पा देदा सिन कोत्‍सुङ।

लूका 1:43

खो परमेश्‍वर फुज्‍युङ आमा ईन। थेराङ ङे प्रभु ईन। खो थे आमा ईन्‍सीनोङ ङा च्‍योक्‍ते मिलाङ दुक्‍पा खाईन ठेता खित वादुक। दिनी आउदी अचम्‍बे बात ओङसुङ।

लूका 1:69

ङुरूङला पापताङ दुक्‍पादुकी डेलाला प्रभु परमेश्‍वरगी छ्येज्‍यीक शक्ति ओतातेला ङुरूङ ओत्‍सामा ताङा ओत। थेला थेकी थे खोरोङला माने खित्‍कान्‍ते गेल्‍बो दाऊद सन्‍तान नाङदुईराङ छाने खाबा ओत।

लूका 2:26

प्रभु परमेश्‍वरगी तोङगो साबाते ख्रीष्‍टला थोङनामेईकामा थे स्‍यिइओ सिन परमेश्‍वर आत्‍मेकी थेला छ्या स्‍ये च्‍युता ओतान।

लूका 2:4

यूसुफोङ गालील अञ्‍चल नासरत सारदुकी मिन टिक्‍पाला यहूदिये अञ्‍चल बेथलेहेम सारनापा गाल्‍सुङ। थाङबो गेल्‍बो दाऊद बेथलेहेमदुराङ केबा ओतान। यूसुफोङ गेल्‍बो दाऊद सन्‍तान ईन्‍देकी थेपा ड्वा फापा ओतान।

यूहन्‍ना 1:41

थेकी होत्ताराङ थे खोरोङ न्‍वाते शिमोनला ठेता खाईन “शिमोन, ङ्योकोनगी परमेश्‍वरगी तोङगो साबाते मसीहला ठेत्‍सुङ,” सिन लाःप्‍सुङ। मसीह साबातेचेन ख्रीष्‍ट साबाते ईन।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 11:27

थेमे थेकी “ईन प्रभु, खो परमेश्‍वरगी दि सा लुङबादु तोङगो साबाते ख्रीष्‍ट ईन, खो परमेश्‍वर फुज्‍युङ ईन सिन ङा विश्‍वास खिओ,” सिन सिदुक।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

यूहन्‍ना 4:25

थेमे थे फेम्‍मे मिकी “ङाला दि बात छ्या ओत। च्‍यि सासीन था ख्रीष्‍ट सिराते मसीह ओङगो। थे वानामेई थेकीराङ ङ्योकोनला दि गाङे बात लोप्‍क्‍यो,” सिन सिदुक।

यूहन्‍ना 4:42

थेमे थेबेकी थे फेम्‍मे मिला “थानी खुई साबाते बात थोबेकी खित्‍सादु मेन, येशूकी साबाते बाततेबा ङेराङगीराङ थोबेकी ङ्योकोन थेला विश्‍वास खिताला स्‍यूबाते ईन। थेमे दि सा लुङबे मिओनला पापदुकी डेल्‍कान्‍तेचेन थेराङ ईन सिन ङ्योकोनगी छ्या स्‍येसुङ,” सिन सासुङ।

यूहन्‍ना 6:69

खुई सेमला पाप सिराते छ्याःङ मेत, खोल्‍ला परमेश्‍वरगीराङ ताङाते ईन सिन ङ्योकोनगी छ्या स्‍येबा ओत। दि बात ङ्योकोन पत्ते खिओ,” सिन सिदुक।

यूहन्‍ना 7:41

कोईकीचेन “दि परमेश्‍वरगी तोङगो साबाते ख्रीष्‍टराङ दुका,” सिन सिराला स्‍यूसुङ। लोक्‍ला ज्‍येन ज्‍येनगीचेन “ख्रीष्‍ट चुक खाला गालीलदुकी ओङगीतेरो?

शक्ति काम 10:36

बात चुक सासीन गाङेपा गाङेला राज्‍य खित्‍कान्‍ते येशू ख्रीष्‍टकी खाबाते कामगी खित्‍सादु परमेश्‍वरगी मिओनला थे खोरोङताङ डिक ज्‍युत्‍क्‍यो सिरच्‍येते बात ङ्योकोन इस्राएलीओनला छ्या स्‍ये च्‍युत्‍कीन बिन्‍दा ओत। दि बात ङ्योकोनगी ख्‍योकोनला सिरा माफाप्‍तासीन।

शक्ति काम 13:23

थेमे गोमाका जमान खाबा च्‍योकराङ खाईन परमेश्‍वरगी गेल्‍बो दाऊद सन्‍तान नाङदुकीराङ इस्राएलीओनला पापदुकी डेल्‍कान्‍ते मिज्‍यीकला ताङसुङ। थेचेन येशूराङ ईन।

शक्ति काम 17:3

परमेश्‍वरगी तोङगो साबाते ख्रीष्‍ट दुरू वानामेई दुक्‍पा भोगे खाला स्‍यिइओ तर स्‍यिसादुकी लोक्‍ला सोम्‍बो लोइओ सिरच्‍येते बात थेरू मिओनला लेमु खाईन लाप्‍कीन बिन्‍सुङ। थोक खाईन थेरू मिओनताङ बात खिन थेकी “येशूराङ ख्रीष्‍ट ईन। थे बात लोपालाराङ ङा दुरू वाबाते ईन,” सिन सासुङ।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 5:31

थेमे थेकी थेला गाङेला राज्‍य खित्‍कान्‍ते गेल्‍बो जोबा ओत। मिओनला पापदुकी डेल्‍कान्‍तेङ थेराङ ईन सिन छ्येज्‍यीक मान बिन्‍गीन थेला थे खोरोङ सामे छ्य्‌वापा ज्‍याक्‍पा ओत। ङुरूङ इस्राएलीओन दाक्‍पोन पापी दुका सिन छ्या स्‍येला परमेश्‍वर छ्य्‌वापा लै खित्‍स्‍यीत थेमे ङुरूङगी खाबाते पाप माफ ओङस्‍यीत सिनराङ परमेश्‍वरगी येशूला थोक थोक खाबाते ईन।

१ कोरिन्‍थी 15:47

परमेश्‍वरगी गाङे भन्‍दा गोमा जोबाते मि आदमचेन से सबीदुकी जोबाते ईन। तर तिरी आदम सिन साबाते ख्रीष्‍टचेन स्‍वर्गनेकी वाबाते ईन।

फिलिप्‍पी 2:11

थेमे थेबा गाङेकी येशू ख्रीष्‍टराङ छ्येते ईन, थेराङ प्रभु ईन सिन सिराराङ फाप्‍क्‍यो। गाङेकी थेला थोक खाला छ्ये जोला आबा परमेश्‍वरते जय जय खिताराङ फाप्‍क्‍यो।

फिलिप्‍पी 3:8

ईन्‍दाबोङ येशू ख्रीष्‍टला ङाराङ मालिक ईन सिन छ्या स्‍येच्‍येते छेत छ्येते बात ज्‍येनतोक छ्याःङ मेन्‍दाक्‍वा। थोगी ङाराङ चुक्‍ते ईन्‍दे, चुक चुक खिन ओताने सिरच्‍येते बात छ्याःङ काम लै मिक्‍किच्‍याक्‍वा सिन छ्या स्‍येकीन ङे था थोक्‍ते बात खिता गाङे ताङाप। ङाराङते होथे गोमे बाततेबा सम्‍झे खित्‍जीन ङालानी किक्‍टो लाङच्‍येते फोर मैलो च्‍योकराङ लाकीन था थेते विचारराङ खिता ताङा ओत। ख्रीष्‍टला पूरो खाला छ्या स्‍येबा थुप्‍स्‍यीत

कलस्‍सी 2:6

येशू ख्रीष्‍टराङ खेराङ मालिक ईन सिन ख्‍योकोनगी थेला विश्‍वास खिताला स्‍यूबा ओत। थोगी थेत्ताङ जीउज्‍यीकराङ ओङाते मिकी काम बात चुक खिता फाप्‍च्‍येते ईन्‍दे ख्‍योकोनगी थोकराङ खिन देत।

१ यूहन्‍ना 4:14

आबा परमेश्‍वरगी दि सा लुङबे मिओनला पापदुकी डेलाला थे खोरोङ फुज्‍युङला देमा ताङा ओतान। थेकी थेला देमा ताङाते ईन सिन ङ्योकोनगी ङेराङ मिगीराङ थोङाते थेमे लेमु खाईन छ्या स्‍येबाते ईन्‍देकी दि बाततेबा ङ्योकोन ज्‍येनलाङ लाःप्‍क्‍यो।

१ यूहन्‍ना 5:1

येशू परमेश्‍वरगी तोङगो साबाते ख्रीष्‍ट ईन सिन पत्ते खित्‍कान्‍ते मि गाङे परमेश्‍वर फुज्‍युङ फुमु ओङाते मि ईन। आबा परमेश्‍वरला ङिङज्‍ये खित्‍कान्‍ते मिकी थे फुज्‍युङ फुमुलाङ ङिङज्‍ये खिओ।