लूका 2:10 - जिरेल

¹⁰ थेमे प्रभु परमेश्‍वर दूतकी थेबाला “ख्‍योकोन ज्‍यीबा माकेत। ङा दुरू ख्‍योकोनला आउदी गा लाङच्‍येते लोनज्‍यीक लाःपाला वाबाते ईन। ख्‍योकोन लाईदुकामा मेन, दि बात मि गाङे लाईदु गा लाङच्‍येते बात ईन।

लूका 2:10 Iomraidhean Croise

मत्ती 14:27

थेबा ज्‍यीबा खाबाते छ्या स्‍येकीन थेकी “ज्‍यीबा माकेत, ङाका ईन। छ्याःङ ज्‍यीबा खिता माफाबो,” सिन बात खासुङ।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 28:5

तर परमेश्‍वर दूतकी थे फेम्‍मे मिओनलाचेन “ख्‍योकोन छ्याःङ ज्‍यीबा माकेत। स्‍यिङगी थामला टाँए खाईन सेताते येशूला छोलाला ख्‍योकोन दुरू वाबाते ईन सिन ङाला छ्या ओत। थेला दुरू माछोल,

मर्कूस 1:15

थेकी थेबाला “मिवे, थाचेन बेला लेप्‍कीन सिन्‍सुङ। था परमेश्‍वर राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे गा लाङच्‍येते बात ङेन,” सिन लाप्‍सुङ।

मर्कूस 16:15

थेमे थेकी थेबाला “लो थाचेन सा लुङबा खाङ गाङेपा गाल्‍ला गाङेपे मिला गा लाङच्‍येते बात लोप।

लूका 1:13

थेमे थे दूतकी थेला “जकरिया, खो ज्‍यीबा माकेत। खुई सन्‍तान ओङ च्‍युत्‍ला नाङ सिन खाबाते प्रार्थना परमेश्‍वरगी थोबा ओत। था खुई फेम्‍मेकी फुज्‍युङज्‍यीक केइओ। खुई थे फिजे मिन यूहन्‍ना सिन स्‍योक।

लूका 1:19

थे दूतकी “ङे मिन गब्रिएल ईन। ङा परमेश्‍वर दोन्‍दु देत्‍ला थेकी कोताते काम खित्‍कान्‍ते दूतज्‍यीक ईन। ङाला परमेश्‍वरगीराङ दि लेमुते लोन खोल्‍ला लोप सिन ताङाते ईन।

लूका 1:30

थेमे थे दूतकी “मरियम, खो ज्‍यीबा माकेत, ज्‍यीबा खिता माफाबो। परमेश्‍वरगी खोल्‍ला दया खाईन लेमु खाबा ओत।

लूका 2:11

च्‍यि सासीन ख्‍योकोनला पापताङ दुक्‍पादुकी डेल्‍कान्‍तेचेन थाङबो दाऊद गेल्‍बो केबाते बेथलेहेमदु थरिङ ग्‍वाका केबा ओत। परमेश्‍वरगी तोङगो साबाते ख्रीष्‍ट थेराङ ईन, छ्येतेङ थेराङ ईन।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

लूका 8:1

दोक ओङाते टिक्‍पी तिरी येशू युलगी नाङला सारगी नाङला गाङेपा युगीन परमेश्‍वर राज्‍य गा लाङच्‍येते बात मिओनला लोप्‍कीन ख्‍याम्‍सुङ। थे खोरोङ चेला च्‍युन्‍ङीङ थेत्ताङ ङ्योम्‍बुराङ ओतान।

शक्ति काम 13:32

थोगी था ङ्योकोन ख्‍योकोनला दि गा लाङच्‍येते बात सिओ। च्‍यि सासीन परमेश्‍वरगी येशूला स्‍यिसादुकी सोम्‍बो लोगीन ङुरूङ ज्‍युज्‍यु पुर्खाताङ खाबाते जमान ङुरूङ लाईदु पूरो खाबाते ईन। परमेश्‍वरगी येशूला स्‍यिसादुकी सोम्‍बो लोइओ सिरच्‍येते बात थेकी गोमाका ‘खो ङे फुज्‍युङ ईन। थरिङमेई ङा खुई आबा ईन,’ सिन दोस्रो भजनला टिक च्‍युता ओतान।

रोमी 10:15

लोक्‍ला थे बात लोप्‍कान्‍ते मिलाङनी थोक खि सिन सुइँदेकी तोङा फाप्‍सुङ मेनरो? तर थे बात लोप्‍कान्‍ते मिओन परमेश्‍वरगी ताङगीन सिन्‍दा ओत सिन परमेश्‍वर बातला “गा लाङच्‍येते बात लोप्‍कान्‍ते मि ओङजीन थोई लेमु ईन्‍दाका,” सिन साबा ओत।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।