लूका 19:9 - जिरेल

⁹ थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

लूका 19:9 Iomraidhean Croise

लूका 13:16

लाङताङ गधालानी ख्‍योकोन थोजो वास्‍ता खिदुक सासीन च्‍यि ङुरूङ ज्‍युज्‍यु अब्राहाम सन्‍तान दि फेम्‍मे मिला लो च्‍याप्‍केतसाक ल्‍हन्‍डीक गेल्‍बो शैतानगी दुक्‍पा बिन्‍सादुई थरिङराङ डेला लेमु मेनरो?” सिन सिदुक।

लूका 13:30

थेमे थरिङोला ज्‍येनगी दिङ सु ईन्‍देरो सिराच्‍योक ठाने खाबाते मिओन तिरी छ्ये ओङगो। थरिङोला छ्ये ओतातेबाचेन थेजीन छ्ये मेङगो,” सिन सिदुक।

लूका 16:24

थेमे थेकी मिताराङ खाच्‍या खाईन ‘गोप्‍पो अब्राहामोउ,’ सिन काताङदुक्‍लो। थेमे ‘ङे दुक्‍पा थोङला नाङ। ङे दि मे ज्‍वाला खपे खिता माथुप्‍सुङ। ङाला टिक्‍पीई शीतल ओङस्‍यीत सिन लाक्‍पे जुकी ङे खानामा छ्यु तिक्‍ला तेराला लाजरसला देमा ताङला नाङ,’ सिन अब्राहामला बिन्‍ती खादुक्‍लो।

लूका 16:30

थोक सिरजीनोङ थेकी ‘मेनना गोप्‍पो, थेबाला थे बात छ्या ओत्‍सीनोङ थेबेकी थे बात मेङेनो। बरू सुइँदा स्‍याप्‍ते मि सोम्‍बो लोगीन गाल्‍गीन बात खासीन थे बात ङेन्‍ला खोपरोङ पापी दुका सिन छ्या स्‍येला परमेश्‍वर छ्य्‌वापा लै खिओ,’ सिन सादुक्‍लो।

लूका 2:30

च्‍यिला सासीन पापताङ दुक्‍पादुकी डेल्‍कान्‍तेला थरिङ ङे ङाराङ मिगीराङ थोङा ङेत्‍सुङ।

लूका 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

रोमी 4:16

थोगी बात चुक ईन्‍दे सासीन अब्राहामगी परमेश्‍वरला विश्‍वास खाबेकीकामा थेकी थेत्ताङ जमान खाबाते ईन। परमेश्‍वरगीनी थे खोरोङ दयेकीकामा दोक खाला जमान खित्‍च्‍येते ईन। थोगी थेकी थोक खाईन अब्राहामताङ खाबाते जमान थे लाईदुकामा मेन्‍देकी थे सन्‍तानओन लाईदुङ ईन। अब्राहाम सन्‍तान साबातेचेन परमेश्‍वर नियम ङेताते यहूदीओनकामा मेन, अब्राहामगी च्‍योकराङ खाला परमेश्‍वरला विश्‍वास खित्‍कान्‍ते मि गाङेराङ ईन। परमेश्‍वरला विश्‍वास खित्‍कान्‍ते ङुरूङ गाङेते ज्‍युज्‍युचेन अब्राहामराङ ईन।

गलाती 3:14

ज्‍येन ज्‍येन जातकी मिकीङ परमेश्‍वरगी अब्राहामला तेरग्‍यो साबाते आशी ङेत्‍स्‍यीत थेमे थेला विश्‍वास खित्‍कान्‍ते मि ङुरूङ गाङेकी परमेश्‍वरगी तेरग्‍यो साबाते थे खोरोङ आत्‍मा ङेत्‍स्‍यीत सिन येशू ख्रीष्‍ट थोक खाईन परमेश्‍वरगी ङुरूङला सराप बिन्‍ला तेरच्‍येते सजाय छ्य्‌वापेई डेलाला स्‍याप्‍ते ईन।

गलाती 3:29

दोस्‍यिककामा मेन, ख्‍योकोन ख्रीष्‍टताङ जीउज्‍यीकराङ ओङा ओतेकी ख्‍योकोनोङ अब्राहाम सन्‍तानराङ ओङगीन परमेश्‍वरगी थेत्ताङ थे सन्‍तानला तेरग्‍यो साबाते आशी ख्‍योकोनगीङ ङेत्‍क्‍यो।

गलाती 3:7

बात दोक ईन्‍देकी चुक्‍ते मिला अब्राहाम सन्‍तान सिरच्‍या ईन्‍दाका सिन ख्‍योकोनगी लेमु खाला छ्या स्‍येबा खि। अब्राहामगी च्‍योक खाला जो जसकी परमेश्‍वरगी खिओ साबा च्‍योकराङ खिओ सिन थेला विश्‍वास खिदुक होथोक्‍ते मिचेन अब्राहाम सन्‍तान ईन।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।