लूका 19:13 - जिरेल

¹³ थोक खाला ड्वा भन्‍दा गोमा थेकी दरवारदु काम खित्‍कान्‍तेबा मेरा च्‍युताम्‍बाला काताङगीन च्‍याकीन ‘ङा दुरू ग्‍युरला ओङकेसाकला ख्‍योकोनगी दि पैसा बेपारला खेलो खि,’ सिन साकीन गाङेला सेरगी डबल रेरे बिन्‍गीन ज्‍यागीन थे थेरूकी ख्‍याम्‍दुक्‍लो।

लूका 19:13 Iomraidhean Croise

मत्ती 25:16

थोक खाईन मालिकते गाल्‍नामेई थे चाँदी डबल धार्नी खाल सुमजो ङेत्‍कान्‍तेकी होत्ताराङ थे पैसा बेपारला लै खाईन थे लाक्‍तु ज्‍येन चाँदी डबल धार्नी खाल सुमजो जोदुक्‍लो।

मत्ती 25:20

थोक खित्‍जीन चाँदी डबल धार्नी खाल सुमजो जिम्‍मा लाकीन ज्‍याक्‍पाते मिकी थे खोरोङगी जोबाते चाँदी डबल धार्नी खाल सुमोङ खुलाकीन थेला ‘हजूर, खुई ङाला चाँदी डबल धार्नी खाल सुमजो सोम्‍पे खाईन ज्‍याक्‍पा ओतान। थे खेलो खाईन ङे ज्‍येन चाँदी डबल धार्नी खाल सुम जोबाप, तोना ई,’ सिन तेन्‍दुक्‍लो।

मत्ती 25:22

थोकराङ खाईन चाँदी डबल धार्नी खालज्‍यीकताङ स्‍यीजो जिम्‍मा लाकीन ज्‍याक्‍पाते मिकीङ मालिकते दोन्‍दु वाकीन ‘हजूर, खुई ङाला चाँदी डबल धार्नी खालज्‍यीकताङ स्‍यीजो बिन्‍गीन ज्‍याक्‍पा ओतान। लो तो, थे खेलो खाईन ङे ज्‍येन चाँदी डबल धार्नी खालज्‍यीकताङ स्‍यी जोबाप,’ सिन सिरजीन

मत्ती 25:24

तर थे चाँदी डबल धार्नी च्‍युन्‍ङीजो बिन्‍गीन ज्‍याक्‍पा ओताते मिकीचेन मालिकते दोन्‍दु वाकीन च्‍यि सादुक्‍लो सासीन ‘हजूर, खो आउदी खोक्‍पोते मि ईन। खुई खोरोङगी लै माक्‍याबाते बालीनाली रूइओ। दोक खाला ज्‍येनगी लै खाबाते बालीनाली खोरोङते ईन सिन सिओ सिन ङाला छ्या ओतान।

लूका 19:12

च्‍यि सासीन “बाजिई ठाउँज्‍यीक्‍तु छ्येज्‍यीक मि सन्‍तानज्‍यीक ओताक्‍वालो। थेते गेल्‍बो ओङच्‍येते हक ओतेकी गेल्‍बो ओङला ग्‍युराला थेला आउदी थारीज्‍यीक लुङबाला ड्वा फाप्‍तुक्‍लो।

लूका 19:14

तर थे लुङबे मिओनगी थे मिला मन परे खिन मेतानलो। थोगी थे मि खोपरोङ गेल्‍बो मेङस्‍यीत सिन थेबेकी ‘ङ्योकोन खोल्‍ला ङेराङ गेल्‍बो सिन मिसिरो सि,’ सिराला थे तिरी तिरी मि ताङदुक्‍लो।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

गलाती 1:10

ङे दोक सिन सिनोङ थोरूमोङ च्‍यि परमेश्‍वरला मेन्‍देकी मिओनला खुशी ज्‍वाप्‍लाका ङे दि बातओन साबाते ईन्‍दासीन सिराच्‍योक लाङगीदुक? ना मिओनगी ङाराङला लेमु मि सिरस्‍यीत सिन ङे दोक साबाते ईन सिराच्‍योक लाङगीका? ङा थोक खाला मि मान छोल्‍कान्‍ते ईन्‍सीन ङा ख्रीष्‍टकी काम खित्‍कान्‍ते ईन सिन ङे चुक खाला सिरा थुप्‍च्‍या ओतानेरो?

याकूब 1:1

दि चिट्ठी टिक्‍कान्‍ते ङा याकूब ईन। ङा परमेश्‍वरताङ प्रभु येशू ख्रीष्‍ट काम खित्‍कान्‍ते मि ईन। ङा दि चिट्ठी लुङबा लुङबाला देता ओताते थर च्‍युन्‍ङी इस्राएलीओनला टिगीन ओत। ख्‍योकोनला ङेते नमस्‍ते ओत।

२ पत्रुस 1:1

दि चिट्ठी टिक्‍कान्‍ते ङा शिमोन पत्रुस ईन। ङा येशू ख्रीष्‍ट काम खित्‍कान्‍ते थेकी खटे खाबाते मि ईन। ङा दि चिट्ठी जे खित्‍जीनोङ ठीक खाला खित्‍कान्‍ते ङुरूङला पापदुकी डेल्‍कान्‍ते येशू ख्रीष्‍टकी खित्‍सादु ङेराङ च्‍योकराङ पक्‍का खाला थेला विश्‍वास खिता ङेताते मिओनला टिगीन ओत। येशू ख्रीष्‍टराङ ङुरूङ परमेश्‍वर ईन।