लूका 19:12 - जिरेल

¹² च्‍यि सासीन “बाजिई ठाउँज्‍यीक्‍तु छ्येज्‍यीक मि सन्‍तानज्‍यीक ओताक्‍वालो। थेते गेल्‍बो ओङच्‍येते हक ओतेकी गेल्‍बो ओङला ग्‍युराला थेला आउदी थारीज्‍यीक लुङबाला ड्वा फाप्‍तुक्‍लो।

लूका 19:12 Iomraidhean Croise

मत्ती 21:38

धनीते फुज्‍युङला खोपरोङ ओत्‍सापा ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक, थेलाङ सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मर्कूस 12:1

थेमे येशूकी होथे छ्ये छ्ये पूजारीताङ धर्मे गुरू गाङेला दोक सिन कथा लाःपाला स्‍यूसुङ। च्‍यि सासीन “ठाउँज्‍यीक्‍तु स्‍यीङगी धनीज्‍यीक ओताक्‍वालो। थेकी थे खोरोङ स्‍यीङला अंगूर बिरूवा चुदुक्‍लो। स्‍यीङगी फेरोला ग्‍वारा खादुक्‍लो। अंगूर रस छिराला कोल जोदुक्‍लो। थेमे अंगूर स्‍युङकान्‍ते मि देताला पलीज्‍यीगोङ जोदुक्‍लो। थेमे थे स्‍यीङ फेम्‍माला बिन्‍गीन थे खोरोङचेन ज्‍येन लुङबाला गाल्‍गीन देत्‍तुक्‍लो।

मर्कूस 16:19

थोक खाईन चेलातेबाताङ बात खाईन सिन्‍नामेकी प्रभु येशूला परमेश्‍वरगी स्‍वर्गने खेरसुङ। थेचेन परमेश्‍वर सामे छ्य्‌वापा देता ओत।

लूका 20:9

थेमे येशूकी थेरू ओताते मिओनला दोक सिन कथा लाःपाला स्‍यूसुङ। च्‍यि सासीन “ठाउँज्‍यीक्‍तु स्‍यीङगी धनीज्‍यीक ओताक्‍वालो। थेकी थे खोरोङ स्‍यीङला अंगूर बिरूवा चुदुक्‍लो। थेमे थे स्‍यीङ फेम्‍माला बिन्‍गीन थे खोरोङचेन काल्‍बासाक मुग्‍युरच्‍या खाईन ज्‍येन लुङबाला गाल्‍गीन देत्‍तुक्‍लो।

लूका 24:51

थोक खाला आशी तेरजीनराङ थे थेबाताङ ठाल्‍गीन नामने ड्वाप्‍ला स्‍यूसुङ। थोक खाईन परमेश्‍वरगी थेला स्‍वर्गने खेरसुङ।

यूहन्‍ना 18:37

थेमे थेकी “थोक ईन्‍सीनका खो गेल्‍बोराङ दुका ओना, मेन?” सिन सिरजीन येशूकी “ङा गेल्‍बो दुका सिन खुई साबाते ठीकराङ ईन। सत्‍यते बात च्‍यि ईन्‍दे सिन लोपालाराङ ङा देमा वाकीन क्‍या फापाते ईन। सत्‍यते बात थोला दि पक्‍काराङ ईन्‍दाते बात ईन सिन पत्ते खित्‍कान्‍ते मिकी ङे बात ङेन्‍ग्‍यो,” सिन सिदुक।

शक्ति काम 17:31

च्‍यिला सासीन थेकी ङीमा लेनज्‍यीक सुङलाङ काका पाका मिक्‍किता खाला मि गाङेते न्‍याय खिओ। थे छोमु सु सुला चुक चुक खिता फाप्‍कीका सिरच्‍येते टुङ्गोचेन थेकी छाने खाबाते मिज्‍यीगी खिओ। थे मि थे खोरोङगीराङ छाने खाबाते ईन सिन मिओनगी छ्या स्‍येस्‍यीत सिन थेकी थेला स्‍यिसादुकी सोम्‍बो लोक्‍पा ओत,” सिन बात खासुङ।

१ कोरिन्‍थी 15:25

ख्रीष्‍टकी थोक खाला थे खोरोङ शत्रु गाङेला ग्‍याल्‍गीन थे खोरोङ तिङबे ओक्‍तु माज्‍याकथुप राज्‍य खिनराङ देत्‍क्‍यो।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

१ पत्रुस 3:22

थेचेन थरिङोला स्‍वर्गने गाल्‍गीन परमेश्‍वर सामे छ्य्‌वापा देता ओत। सा नाम खाङ ओताते परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत, छ्ये टेक्‍टे जो ईन्‍सीनोङ जे ईन्‍सीनोङ होदिबा गाङे थे अधीनलाराङ ओत।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।