लूका 18:9 - जिरेल

⁹ थेरू कोई कोई ङ्योकोननी परमेश्‍वर नियम ङेन्‍कान्‍ते ईन्‍देकी धर्मतीते मि ईन सिरकानोङ ओतान। थेबेकी ज्‍येनलाचेन खोपरोङ च्‍योक्‍ते ईनराङ मेन सिराच्‍योक खिन ओतान। होथोक्‍ते मिओनला येशूकी दि बात सिराला स्‍यूसुङ।

लूका 18:9 Iomraidhean Croise

लूका 10:29

तर थेकी थे खोरोङ लेमु खिता छोल्‍कान ईन सिराच्‍योक खिन “ङे ङिङज्‍ये खिता फाप्‍च्‍येते ज्‍येन मि सु ईन्‍दे ओना?” सिन सासुङ।

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

लूका 19:7

येशू थोक खाईन थेत्ताङ गाला थोङनामेई “दि चुकस्‍यिक ईन्‍दाका। दिनी थोक पापीताङका साङ खाईन देताला गाल्‍सुङ,” सिन मि गाङेराङ येशूला मोताला स्‍यूसुङ।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

यूहन्‍ना 8:48

थेमे यहूदीओनगी थेला “ङ्योकोनगी खोल्‍ला खो सामरी ईन थेमे खोल्‍ला ल्‍हन्‍डीक खोला दुक साबाते बात पक्‍काराङ मेन्‍दाक्‍वा ओना?” सिन सिदुक।

यूहन्‍ना 9:28

थेकी थोक सिरजीन आउदी खाला स्‍येदाङ खिन थेबेकी “खोका थे चेला ईन। ङ्योकोननी मोशे चेला ईन।

यूहन्‍ना 9:34

थोक सिरजीन थेबेकी “खोनी केजीनमेईराङ पापदु नुपा ओतान। खोङ ङ्योकोनला च्‍यि लोपा छोल्‍गीते?” सिन सिदुक। थेमे थेबेकी थेला मिटिङ खित्‍च्‍येते खाम्‍बे नाङ स्‍यूक्‍पा मेङेत्‍च्‍या खाईन तेन्‍गीन ताङसुङ।

शक्ति काम 22:21

थोक सिरजीनोङ प्रभु येशूकी ङाला ‘खो दुरू देता मेङगो। ङा खोल्‍ला थारी थारीला ज्‍येन ज्‍येन जातकी मिला परमेश्‍वर बात लोपाला तोङगो,’ सिन सिदुक,” सिन थे खोरोङला गोमा ओङाते बाततेबा लाःप्‍सुङ।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 14:10

बात दोक ईन्‍देकी था ख्‍योकोन स्‍या मास्‍साकान्‍तेबेकी स्‍या साकान्‍ते खेराङ आज्‍यो न्‍वाला खुई दि सोबाते, दोक दोक पाप खाबाते ईन सिन सिरा थोङ। थोकराङ खाला स्‍या साकान्‍तेबेकीङ स्‍या मास्‍साकान्‍ते खेराङ आज्‍यो न्‍वाला थेकी दि मास्‍सादुक, दोक दोक मिक्‍किदुक, थे चुक लेम्‍बा ईन्‍दाका सिराच्‍योक खाला छ्ये खिता थोङ। च्‍यिला सासीन परमेश्‍वरगी न्‍याय खिते छोमु ङुरूङ गाङेराङ थे दोन्‍दु ड्वा फाप्‍क्‍यो सिरच्‍येते बात टोक माज्‍येत।

रोमी 14:3

जे सोसीनोङ ओङगो सिन स्‍या साकान्‍ते मिकी स्‍या मास्‍साकान्‍तेला थेनी स्‍या साप्‍ला ज्‍यीबा खिदुक, थे चुक लेम्‍बा ईन्‍दाका सिराच्‍योक खाला छ्ये माकेत। थोकराङ खाला स्‍या मास्‍साकान्‍तेकीङ खो च्‍यिला स्‍या सेइते? खुई दोक खाबातेनी पाप खाबाते ईन सिन मासेर। च्‍यिला सासीन स्‍या साकान्‍तेलाङ परमेश्‍वरगी थे खोरोङ मिराङ ईन सिन साबा ओत।

रोमी 7:9

थे नियम छ्या मेत्‍जीन गोमा ङा ङाराङगी छ्याःङ पाप खाबा मेत सिन ढुक्‍क खाईन देता ओतान। तिरी परमेश्‍वर नियम छ्या स्‍येनामेई थेरू दोक माकेत, थोक माकेत साबा साबाराङ खिता सेम लाकीन थेरू माकेत साबातेराङ खाईन ङे दाक पाप खाबाप। थोक खानामेई ङा सजाय ङेत्‍कीन स्‍या फाप्‍च्‍या ओङा ओतान।