लूका 18:7 - जिरेल

⁷ थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

लूका 18:7 Iomraidhean Croise

मत्ती 24:22

थे खोरोङ सन्‍तान सिन छाने खाबाते मिओनगी थे दुक्‍पा खपे खिन देता माफाप्‍स्‍यीत सिन परमेश्‍वरगी थोक दुक्‍पा ओङच्‍येते दिन घटे खाबा ओत। थोक माक्‍याबा ईन्‍सीन थेजीन सुङ मि सोन्‍ला देता मुथुबो।

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 7:11

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगीनी झन नाङ सिरकान्‍ते गाङेला च्‍यि लेमु दुका थेराङ तेरग्‍यो।

लूका 11:13

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

लूका 2:37

ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

लूका 21:28

थोगी थोक थोक ज्‍यीबा लाङच्‍या ओङा थोङजीन ख्‍योकोन सेम मासेत। बरू था दुक्‍पादुकी ठाल्‍च्‍ये बेला लेपा खासुङ सिन गा खि,” सिन सिदुक।

रोमी 8:33

थेमे परमेश्‍वरगी छाने खाबाते मिओनला था च्‍यि सुइँदेकी दोषी ईन सिरा ङेत्‍क्‍यो? सुङगीङ थेबाला दोषी ईन सिराराङ मेङेदो। च्‍यिला सासीन परमेश्‍वरगीराङ थेबाला दोषी मेन साबा ओत।

कलस्‍सी 3:12

परमेश्‍वरगी ख्‍योकोनला थे खोरोङ सन्‍तान सिन छाने खाईन ख्‍योकोन सेम खुदुक जोबा ओत, थेकी ख्‍योकोनला आउदी खाला ङिङज्‍ये खिओ। ख्‍योकोन बात दोक ईन्‍देकी ख्‍योकोनगी चुक चुक खिता फाप्‍कीते सासीन पीर फापा ओतातेबाला पीर माकेत सिन सिरा फाप्‍क्‍यो, ज्‍येनगी दुक्‍पाला ता फाप्‍क्‍यो, ङा ङाराङ ईन सिराच्‍योक खिता मेङगो, गाङेताङ खा छ्येत लेमु खिता फाप्‍क्‍यो, होत्ताराङ स्‍येदाङ खिता मेङगो,

१ थिस्‍सलोनिकी 3:10

ख्‍योकोनला याङराङ ठेता ङेत्‍स्‍यीत थेमे प्रभु येशूला विश्‍वास खित्‍जीन ख्‍योकोनगी थोरूमोङ छ्या स्‍येबा फाप्‍च्‍येते बाततेबा लाप्‍ला तेरा ङेत्‍स्‍यीत सिन ङ्योकोन ङीन नुप परमेश्‍वरताङ आउदी खाला प्रार्थना खिन ओत।

२ थिस्‍सलोनिकी 1:6

थेकी सु सुला चुक खिता फाप्‍च्‍या दुका थे ताला थरिङोला ख्‍योकोनला दुक्‍पा तेरकान्‍ते मिओनला सजाय बिन्‍ला दुक्‍पा तेरग्‍यो।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

२ तिमोथी 1:3

थेमे परमेश्‍वरताङ प्रार्थना खित्‍जीन ङा ङीन नुप जहिलेङ खुई लाईदुङ प्रार्थना खिन खुई लाईदु थेला धन्‍यवाद सिओ। ङा ङाराङ ज्‍युज्‍यु पुर्खेकी माने खिन वाबाते परमेश्‍वरला थेबेकी च्‍योकराङ खाला थेला जस्‍तो खाला माने खिता फाप्‍च्‍येते ईन थोकराङ खाला माने खिओ।

२ तिमोथी 2:10

दोक ईन्‍देकी परमेश्‍वरगी थे खोरोङ मि सिन छाने खाबाते मिओनला लेमु ओङस्‍यीत सिनराङ ङा जस्‍तो दुक्‍पाङ भोगे खिओ। येशू ख्रीष्‍टकी थेबालाङ पूरो खाला पापदुकी डेल्‍स्‍यीत थेमे सधैँ परमेश्‍वरताङ स्‍वर्गने देता ङेत्‍स्‍यीत सिनराङ ङा दोक खिओ।

तीतस 1:1

दि चिट्ठी टिक्‍कान्‍ते ङा पावल ईन। ङा परमेश्‍वर काम खित्‍कान्‍ते मि ईन। थेमे ङा येशू ख्रीष्‍टकी खटे खाबाते मिङ ईन। परमेश्‍वरगी थे खोरोङ मि सिन छाने खाबाते मिओनगी झन लेमु खाला थेला विश्‍वास खिता थुप्‍स्‍यीत थेमे सत्‍यते बात लेमु खाला छ्या स्‍येला झन थेला लेमु खाला माने खिता थुप्‍स्‍यीत सिन थेबाला लाप्‍ला कोत्‍ला तेरच्‍येते जिम्‍मा ङाला बिन्‍दा ओत।

१ पत्रुस 1:1

दि चिट्ठी टिक्‍कान्‍ते ङा पत्रुस ईन। ङा येशू ख्रीष्‍टकी खटे खाबाते मि ईन। ङा दि चिट्ठी पोन्‍टस, गलातिया, कापाडोसिया, एशिया थेमे बिथिनिये नाङला मि लुङबे मि च्‍योकराङ ओङगीन लुङबा लुङबाला गाल्‍गीन देता ओताते मिओनला टिगीन ओत। ख्‍योकोन परमेश्‍वरगी छाने खाबाते मि ईन।

२ पत्रुस 3:9

मि कोई कोईकी परमेश्‍वरगी खिओ साबाते बात थेकी खोले खोलेकामा खिओ सिन विचार खिदुक। तर बात दोक मेन। मि सुङ नरककुण्‍डमा स्‍यूक्‍पा माफाप्‍स्‍यीत, बरू थेबा गाङेकी खोपरोङ पापी दुका सिन छ्या स्‍येला थे खोरोङ छ्य्‌वापा लै खित्‍स्‍यीत सिनकामा सजाय मेतेरा खाईन थे गुकीन देताते ईन।

छ्या स्‍ये च्‍युताते बात 18:20

“था स्‍वर्गने ओत्‍कान्‍तेबा गाङेराङ, परमेश्‍वर सन्‍तानओन, येशू ख्रीष्‍टकी खटे खाबाते मिओन थेमे परमेश्‍वर बात खित्‍कान्‍तेबा ख्‍योकोन गाङेराङ थे सार थोक खाईन छिगीन गाला थोङजीन गा खि। च्‍यिला सासीन थेकी ख्‍योकोनला मेलेबा खाबेकीराङ परमेश्‍वरगी थेला थोक छ्येज्‍यीक सजाय बिन्‍सुङ।”

छ्या स्‍ये च्‍युताते बात 6:10

थेबाचेन छेरा खिनकामा “प्रभु परमेश्‍वर, खो सेमला पाप सिराते छ्याःङ मेताते थेमे खिओ साबा च्‍योकराङ खित्‍कान्‍ते ईन। थोरूमोङ खो नामसाक सा लुङबे मिओन न्‍याय मिक्‍किते? ङ्योकोनला सेताते सजाय थेबाला नाम तेरच्‍ये?” सिन ओतान।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।