लूका 18:5 - जिरेल

⁵ तर दि फेम्‍मे मिकीनी ङाला छोउ छोउराङ जोकीन सिन्‍सुङ। दिकी ङेता फाप्‍च्‍ये न्‍याय खाईन माबिन्‍सीन ङे स्‍या रूबाराङ सोओङ सिराच्‍योक दुक सिन थे न्‍याय खाईन बिन्‍दुक्‍लो,” सिन सिदुक।

लूका 18:5 Iomraidhean Croise

मत्ती 15:23

थोक सिरजीन थेकी थेला छ्याःङ मासासुङ। थेमे चेलातेबेकी “गुरू, ओर्च्‍ये, दि फेम्‍मे मिला दोक खाला ङुरूङ खादु वाला छेरा खित माज्‍युत,” सिन सिदुक।

लूका 11:8

तर ङा ख्‍योकोनला दि बात सिओ। च्‍यि सासीन र्‍वा ईन्‍सीनोङ थेकी ख्‍योकोनला लाला छ्याःङ मेतेरो। ईन्‍सीनोङ ख्‍योकोनगी ङोचाराङ मिक्‍किता खाईन नाङ सिनराङ देत्‍सीन थेकी लाला च्‍याला गोबा जति तेरग्‍यो।

लूका 18:3

थे सारदुराङ ख्‍योबो स्‍याप्‍ते फेम्‍मे मिज्‍यीक ओताक्‍वालो। थेला सुइँदा मिकी अन्‍याय खाबा ओताक्‍वालो। थेमे होथे न्‍यायाधीश ओत्‍सादु याङ याङ गाल्‍ला थे फेम्‍मे मिकी थे मोरोङ न्‍याय खाला नाङ सिरच्‍याक्‍वालो।

लूका 18:39

थोक खित्‍जीन येशूताङराङ गोमा गोमा ख्‍याम्‍बा ओताते मिओनगी थेला “खो दोक खाला छेरा माकेत, खाराक्‍पा देत,” सिन ङारसुङ। थेबेकी ङारसीनोङ थेकी “ए दाऊद सन्‍तान येशू, ङे दुक्‍पा थोङला नाङ,” सिन झन कस्‍स्‍ये खाईन छेरा खासुङ।

१ कोरिन्‍थी 9:27

ङाराङला जति दुक्‍पा ओङसीनोङ ङा ङाराङला खिता सेम लाबा लाबा मिक्‍किओ। ङे थोक खासीन ङाराङगी ज्‍येनला दोक खिता फाप्‍क्‍यो, थोक खिता फाप्‍क्‍यो सिन लाप्‍सीनोङ ङा ङाराङराङ होथोक खिता मुथुप्‍कान्‍ते च्‍योक ओङला ङे छ्याःङ इनाम मेङेदो।