लूका 18:12 - जिरेल

¹² हप्‍ताला ङा बाजि ङि बर्त देत्‍क्‍यो। थेमे ङाराङ कमाइते बो च्‍युताम्‍बे नाङ बोज्‍यीक खोल्‍लाराङ तेरग्‍यो,’ सिनकामा प्रार्थना खादुक्‍लो।

लूका 18:12 Iomraidhean Croise

मत्ती 5:20

बात दोक ईन्‍देकी ङा च्‍यि सिते सासीन धर्मे गुरूओनताङ फरिसी पाटी मिकी खिताच्‍योक खाला मेन्‍देकी लेमु खाईन परमेश्‍वर नियम ङेन्‍सीनकामा ख्‍योकोन स्‍वर्गे राज्‍यने स्‍यूक्‍पा ङेत्‍क्‍यो।

मत्ती 6:1

थेमे ज्‍येन बात च्‍यि सासीन परमेश्‍वरगी खि साबा साबाच्‍योक खित्‍जीन ख्‍योकोनगी मिओनगी थोङला खेराङला धर्मतीते मि दुका सिरस्‍यीत सिरच्‍येते सेमगी माकेत। थोक खासीन स्‍वर्गने देत्‍कान्‍ते ख्‍योकोन आबा परमेश्‍वरगी ख्‍योकोनला छ्याःङ इनाम मेतेरो।

मत्ती 6:16

थेमे बर्त देत्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगीचेन खोपरोङ बर्त देता ओताक्‍वा सिन ज्‍येनगी छ्या स्‍येस्‍यीत सिन छ्येत सेत्‍ला देत्‍क्‍यो। दि बात ङेन। थोक खित्‍कान्‍ते मिओनला ज्‍येनगीचेन मान खिओ। तर परमेश्‍वरगी तेरच्‍येते इनामचेन थेबेकी छ्याःङ मेङेदो।

मत्ती 6:5

प्रार्थना खित्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगी चुक खिते सासीन परमेश्‍वरला आउदी खाला माने खित्‍कान्‍ते ईन सिन तेन्‍दाला मिटिङ खित्‍च्‍येते खाम्‍बे नाङला थेमे मि छ्वासा रूसाला गाङेकी थोङस्‍यीत सिन आउदी खाला प्रार्थना खिओ। दि बात ङेन। मिओनगी थेबाला मान खिओ। तर परमेश्‍वरगीनी थेबे प्रार्थना ङेनराङ मेङेनो।

मत्ती 9:14

थेमे यूहन्‍ने चेलाओनगीङ येशू ओत्‍सादु वाकीन “गुरू, ङ्योकोनबरी बेला बेलाला बर्त देत्‍क्‍यो। फरिसी पाटी मिओनगीङ थोकराङ खिदुक। खुई चेलाओनचेन च्‍यिला बर्त मेदेत्‍का?” सिन ठिसुङ।

लूका 11:42

था ख्‍योकोनला आउदी मेलेबा ओङगो। ख्‍योकोनचेन परमेश्‍वरगी साबाते आउदी खाला ङेन्‍च्‍या सिन बाबरी, आरूद थेमे ज्‍येनतोक मसालेते समेदोङ बो च्‍युताम्‍बेते बोज्‍यीक टाल्‍ला परमेश्‍वरला चढे खिदुक। तर ज्‍येनला लेमु खिता ठाउँदु ख्‍योकोननी थेबाला ठगेका खिदुक। थेमे परमेश्‍वरला ङिङज्‍येङ मिक्‍किदुक। थोगी ख्‍योकोनगी परमेश्‍वरला ङिङज्‍ये खि, ज्‍येनला लेमु खि। बो च्‍युताम्‍बे नाङ बोज्‍यीक परमेश्‍वर लाईदु डेल्‍च्‍येतेङ मातोङ।

लूका 17:10

थोगी ख्‍योकोनगीङ परमेश्‍वरगी कोताते काम जति खाईन सिन्‍नामेई था ङ्योकोनगी इनाम ङेता फाप्‍क्‍यो सिराच्‍योक माकेत। बरू ङ्योकोनगी खालि ङेराङगी खिता फाप्‍च्‍येते कामकामा खाबाते ईन सिन सि,” सिन सिदुक।

रोमी 3:27

बात दोक ईन्‍देकी परमेश्‍वर नियम ङेन्‍गीनका थेकी ङुरूङला दोषी मेन साबाते ईन सिन ङुरूङ सुङगीङ छ्ये खिता मेङेदो। च्‍यिला छ्ये खिता मेङेत्‍ते सासीन परमेश्‍वर नियम ङेन्‍गीन धर्मती ओङेकी खित्‍सादु मेन, येशूला विश्‍वास खाबेकी खित्‍सादुकामा परमेश्‍वरगी ङुरूङला दोषी मेन साबाते ईन।

१ कोरिन्‍थी 1:29

सुङगीङ थे खोरोङ दोन्‍दु छ्ये खिता मेङेत्‍स्‍यीत सिनराङ थेकी दोक खाबाते ईन।

गलाती 1:14

दाक्‍पोन ज्‍युज्‍यु पुर्खे पालोमेकी चले खिन वाबाते रीतिथिति माने खिताराङ फाप्‍क्‍यो सिन ङे थेबा माने खिताला कम्‍ती दुक्‍पानी माक्‍या। ङेराङ जातकी बाला दौंतरी नाङ ङा छेत थोक लेमु खाला यहूदी धर्म माने खित्‍कान्‍ते मि ज्‍येन सुङ मेतान।

एफिसी 2:9

थेकी ख्‍योकोनला दोक खाबाते ख्‍योकोनगी थेकी खि साबा साबाच्‍योक लेमु काम खाबेकी खित्‍सादुचेन पक्‍काराङ मेन। थोक ईन्‍दा ईन्‍सीन ङ्योकोनगी लेमु काम खाईनका परमेश्‍वरगी ङ्योकोनला पापकी सजायदुकी टालाते ईन सिन ख्‍योकोन छ्ये खिता ङेत्‍च्‍या ओतान। तर परमेश्‍वर दोन्‍दु सु छ्ये खिता थुप्‍कीते?

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।