लूका 18:11 - जिरेल

¹¹ थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

लूका 18:11 Iomraidhean Croise

मत्ती 10:3

फिलिप, बारथोलोमाइ, थोमा, कर लिन्‍कान्‍ते मत्ती, अल्‍फयस फुज्‍युङ याकूब, थेदियस,

मत्ती 5:20

बात दोक ईन्‍देकी ङा च्‍यि सिते सासीन धर्मे गुरूओनताङ फरिसी पाटी मिकी खिताच्‍योक खाला मेन्‍देकी लेमु खाईन परमेश्‍वर नियम ङेन्‍सीनकामा ख्‍योकोन स्‍वर्गे राज्‍यने स्‍यूक्‍पा ङेत्‍क्‍यो।

मत्ती 6:5

प्रार्थना खित्‍जीन ख्‍योकोनगीचेन ज्‍येनगी खोपरोङला धर्मतीते मि दुका साला मान खित्‍स्‍यीत सिराच्‍योक खित्‍कान्‍ते मिओनगी च्‍योक माकेत। होथोक्‍ते मिओनगी चुक खिते सासीन परमेश्‍वरला आउदी खाला माने खित्‍कान्‍ते ईन सिन तेन्‍दाला मिटिङ खित्‍च्‍येते खाम्‍बे नाङला थेमे मि छ्वासा रूसाला गाङेकी थोङस्‍यीत सिन आउदी खाला प्रार्थना खिओ। दि बात ङेन। मिओनगी थेबाला मान खिओ। तर परमेश्‍वरगीनी थेबे प्रार्थना ङेनराङ मेङेनो।

मर्कूस 11:25

तर परमेश्‍वरताङ प्रार्थना खित्‍जीनचेन ख्‍योकोनते सुइँदाताङ खइँदा स्‍येदाङ ओत्‍सीन थे माफ बिन्‍ला थेजीनमेई थे स्‍येदाङ खुरा मेङगो। ख्‍योकोनगी थोक खासीनकामा स्‍वर्गने देत्‍कान्‍ते आबा परमेश्‍वरगी ख्‍योकोनगी खाबाते पाप माफ तेरग्‍यो।

लूका 20:47

परमेश्‍वरला आउदी खाला माने खित्‍कान्‍ते ईन सिन तेन्‍दाला थेबाचेन काल्‍बासाक प्रार्थना खिन देत्‍कीदुक। लेमु खाईन तासीन नाङ नाङलाचेन थेबेकी ख्‍योबो स्‍यिइन सिन्‍दाते फेम्‍मे मिओन सम्‍पत्ति ठगे खाईन सोकीन सिन्‍दा ओङगो। था तिरी थेबेकी आउदी छ्येज्‍यीक सजाय ङेत्‍क्‍यो,” सिन सिदुक।

लूका 22:41

थेमे थेबाला ठाउँज्‍यीक्‍तु ज्‍यागीन थे खोरोङचेन टिक्‍पी फजेकपा गाल्‍सुङ।

गलाती 3:10

परमेश्‍वर नियम ङेन्‍सीन परमेश्‍वरगी खोपरोङला दोषी मेन सिओ सिन विचार खित्‍कान्‍ते मिलाचेन गाङेला थेकी सराप बिन्‍ला सजाय तेरग्‍यो। च्‍यिला सासीन परमेश्‍वर नियमला चुक साबा ओते सासीन “नियमला खि साबाते दोक्‍पोईओङ मोतोङा खाला गाङे साबा साबा च्‍योकराङ खिन मादेत्‍सीन थोक्‍ते मिला परमेश्‍वरगी सराप बिन्‍ला सजाय तेरग्‍यो,” सिन टिबा ओत।

फिलिप्‍पी 3:6

थोकराङ खाईन येशू ख्रीष्‍ट मिओनला मासेताला मेङगो सिन ङे खोक्‍पो खाईन थेबे खेदापानी खाबाप। थेमे परमेश्‍वर नियम ङेन्‍च्‍ये बात तासीन ङाला सुङगीङ दिकी दि दि गल्‍ती खासुङ सिन सिरा थुप्‍च्‍या मेतान।

छ्या स्‍ये च्‍युताते बात 3:17

ख्‍योकोनचेन ङेल्‍ला जेसुकै दाङा ख्‍योपा ओत, ङेल्‍ला मादाङच्‍या मोख्‍योप्‍च्‍या सिराते छ्याःङ मेत। ङेल्‍लानी था छ्याःङ मोगोओ खिदुक। खेराङ दुक्‍पा ङेताते, थोङजीनोङ ङिङज्‍ये लाङच्‍या गालाते, छ्याःङ मेत्‍कान गालाते, अन्‍ध गालाते थेमे ताजीनोङ ङोचा लाङच्‍या पेर्दुङबाराङ गालातेनी ख्‍योकोनला छ्याराङ मिन्‍दुक।