लूका 17:5 - जिरेल

⁵ थेमे येशू ख्रीष्‍टकी खटे खाबाते चेलाओनगी “प्रभु, ङ्योकोनला खुई शक्ति छ्य्‌वापेई जस्‍तो कामोङ ओङा थुप्‍क्‍यो सिन झन लेमु खाला परमेश्‍वरला विश्‍वास खित्‍कान्‍ते मि जो,” सिन सासुङ।

लूका 17:5 Iomraidhean Croise

मर्कूस 6:30

येशू ख्रीष्‍टकी खटे खाबाते चेलाओन युल युललेकी ग्‍युरगीन वाकीन खोपरोङगी खाबाते कामताङ बात गाङे थेला लाःप्‍सुङ।

मर्कूस 9:24

थेकी थोक सानामेई थे मिकी “गुरू, ङा परमेश्‍वरला विश्‍वास मिक्‍किच्‍येते मेन। ईन्‍सीनोङ परमेश्‍वरगी जस्‍तो कामोङ खिता थुप्‍क्‍यो सिरच्‍येते बात ङाला ईन्‍दा मेन्‍दा सिराच्‍योक लाङगीदुक। खुई ङाला छ्याःङ शंका मिक्‍किता खाला परमेश्‍वरला विश्‍वास खित्‍कान्‍ते मि जो,” सिन सिदुक।

लूका 7:13

थे फेम्‍मे मिला थोङगीन प्रभु येशूला आउदी ङिङज्‍ये लासुङ। थेमे थेकी थेला “ए आज्‍यी, दोक खाला माङु, ङ्वा माफाबो,” साकीन

लूका 7:19

थेमे थेकी थे खोरोङ चेलातेबा मेन्‍दा ङिला काताङगीन “लो ख्‍योकोन येशू ओत्‍सादु ग्‍युक। थेमे थेला परमेश्‍वरगी तोङगो साबाते ख्रीष्‍ट हजूर खोराङ ईन्‍दाना था ज्‍येनज्‍यीक ओङगीते सिन ठिला स्‍योक,” सिन प्रभु येशू ओत्‍सादु ताङसुङ।

फिलिप्‍पी 4:13

जस्‍तो ओङसीनोङ येशू ख्रीष्‍टकी ङाला शक्ति तेरच्‍येते ईन्‍देकी ङे जेङ खिता थुप्‍क्‍यो।

२ थिस्‍सलोनिकी 1:3

आज्‍यो न्‍वावे, ख्‍योकोनगी प्रभु येशूला झन झन लेमु खाईन विश्‍वास खाबाते थेमे दाक्‍पोन नाङ दोक्‍पोईकी ज्‍येनज्‍यीकला झन ङिङज्‍ये खिन वाबा थोङजीन ङ्योकोन जहिलेङ ख्‍योकोन लाईदु परमेश्‍वरला धन्‍यवाद सिओ। ख्‍योकोनगी थोक लेमु खिन ओतेकी ङ्योकोनगी परमेश्‍वरला धन्‍यवाद सिरा फाप्‍च्‍येतेराङ ईन।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।