लूका 17:21 - जिरेल

²¹ सुङगीङ दुरू दोकस्‍यिक अचम्‍बई काम ओङसुङ, थेपा थोकस्‍यिक अचम्‍बई काम ओङसुङलो, था परमेश्‍वर राज्‍य वाबाक्‍वा सिन सिरा मुथुबो। परमेश्‍वर राज्‍यनी ख्‍योकोन दोन्‍दुराङ ओत्‍कीन ओत,” सिन सिदुक।

लूका 17:21 Iomraidhean Croise

मत्ती 12:28

परमेश्‍वर आत्‍मे शक्तिदुकीराङ ङे ल्‍हन्‍डीक तेन्‍ला तोङच्‍येते ईन। थोगी था शैतान राज्‍यला ग्‍यालाला परमेश्‍वर राज्‍य दुरू वाकीन सिन्‍दाक्‍वा सिन ख्‍योकोनगी छ्या स्‍येबा खि।

मर्कूस 13:21

थोक ओङे बेलाला ख्‍योकोनला सुइँदेकी ख्रीष्‍टनी वादुक, थे दुरू दुक, थेरू दुक सिन सासीन थोक्‍ते बातला नामज्‍योक मासेत।

लूका 17:23

थेजीन ज्‍येनगी ख्‍योकोनला ‘थे ग्‍युरगीन वाकीन उ फिपा देत्‍ला दुक्‍लो, थे देपा वाकीन देत्‍ला दुक,’ सिन सिओ। ख्‍योकोनगी थेबे बातला नामज्‍योक मासेत, ङा वाकाना सिन थेबे तिङ ङ्याला तार मान्‍डो।

लूका 21:8

थोक सिरजीन येशूकी “च्‍याङबो खाला देत। सुङगीङ ख्‍योकोनला छक्‍के खाला ङे छ्य्‌वापेई मेडेल्‍स्‍यीत। परमेश्‍वरगी मिओनला जोए खिताला तोङगो साबाते मि ङाराङ ईन। था दि जुग सिन्‍दे बेला लेप्‍सुङ सिन सिरकान्‍ते मि था काल्‍बेई ओङगो। थेबे बात ङेन्‍ला ख्‍योकोन थेबे तिङ माङ्योक।

यूहन्‍ना 1:26

थोक खाला ठिइनराङ देत्‍जीन थेकी “ङानी मिओनला खालि छ्युलाकामा लुक्‍ला बप्‍तिस्‍मा तेरग्‍यो। तर ख्‍योकोन नाङ ख्‍योकोनगी थे सु ईन्‍दे सिन ङो स्‍येबा मेताते मिज्‍यीक ओत।

यूहन्‍ना 18:36

थोक सिरजीन येशूकी “ङे राज्‍य दि सा लुङबेते मेन। थोक ईन्‍दा ईन्‍सीन ङा यहूदीओन छ्ये छ्ये मि लाःक्‍तु माफाप्‍स्‍यीत सिन ङे काम खित्‍कान्‍ते मिओन थेबाताङ जीङच्‍या ओतान। ङे राज्‍य दि सा लुङबेते ईनराङ मेन,” सिन सिदुक।

रोमी 14:17

दि बातओन ङे च्‍यिला खाबाते ईन्‍दे सासीन परमेश्‍वर राज्‍यदु स्‍यूबाते मिओन नाङ दि सा थुङा ओङगो, थे सा थुङा मेङगो सिरच्‍येते बात छ्याःङ छ्येते बात मेन। छ्येते बातचेन परमेश्‍वर आत्‍मे छ्य्‌वापेई परमेश्‍वरगी खि साबा साबाच्‍योक खित्‍च्‍येते, दाक्‍पोन नाङ डिक्‍ला थुन्‍ला देत्‍च्‍येते थेमे गा खिन देत्‍च्‍येतेराङ ईन।

कलस्‍सी 1:27

ज्‍येन ज्‍येन जातकी मिला चुक अचम्‍ब खाला आशी बिन्‍ला लेमु खिते सिरच्‍येते बात थे खोरोङ सन्‍तानओनगी छ्या स्‍येबा फाप्‍क्‍यो सिन परमेश्‍वरगी थेबाला छ्या स्‍ये च्‍युत्‍कीन बिन्‍सुङ। परमेश्‍वरगी गोमा छ्या स्‍ये च्‍युता मेताते होथे बात च्‍यि ईन्‍दे सासीन ख्रीष्‍टचेन ख्‍योकोन ज्‍येन ज्‍येन जातकी मि सेमगी नाङ देत्‍क्‍यो। थे थोक खाईन ख्‍योकोन सेमगी नाङ देत्‍नामेई परमेश्‍वरगी तिरी ख्‍योकोनला मान बिन्‍ला थे खोरोङगी ज्‍वा चाला च्‍योकराङ लेमु जोइओ सिरच्‍येते बात पक्‍काराङ दुका सिन आश खाला गुला देता थुप्‍क्‍यो।