लूका 17:16 - जिरेल

¹⁶ थेमे धन्‍यवाद सिनकामा येशू काम्‍बाला से खासुङ। थे मिचेन सामरी ओतान।

लूका 17:16 Iomraidhean Croise

मत्ती 10:5

थेमे काम खिताला तोङा भन्‍दा गोमा येशूकी थेबेकी चुक चुक खिता फाप्‍कीते सिन थेबा मेन्‍दा च्‍युन्‍ङीला “लो था ख्‍योकोनबरी ग्‍युक। ज्‍येन ज्‍येन जातकी मि देत्‍साला थेमे सामरीओन देत्‍से सार सारलाचेन मान्‍डो।

मत्ती 2:11

थेमे थे खाम्‍बादु लेप्‍ला नाङने स्‍यूला ताजीन थेबेकी थेरू थे फिजाताङ आमाते मरियमला थोङसुङ। थेरूई थेबेकी गुर्बु खाईन मान खिन थे फिजाला से खासुङ। से खाईन च्‍याकीन थे फिजाला सिन खुलाबाते सेर, धूप थेमे आउदी स्‍यीम्‍बुज्‍यीक बास्‍ना चले खित्‍च्‍येते मूर्र सिराते केकातेबा खुर्बुदुई थेन्‍गीन थेला बिन्‍सुङ।

मर्कूस 5:33

येशू खोलाक दोनामेई थे मोरोङ ठाक्‍पाते बात था बोङा मुथुप्‍च्‍याक्‍वा सिन थे फेम्‍मे मिकी छ्या स्‍येसुङ। थेमे ज्‍यीबा खिन दारगीनकामा वाकीन थेकी येशू काम्‍बाला से खाईन थे मोरोङ चुकस्‍यिक बेथेकी नाबा ओताने थेमे चुक खाईन ठाक्‍सुङा सिन थेला गाङे बात लाःप्‍सुङ।

लूका 17:17

थेमे येशूकी थे खोरोङताङ ङ्योम्‍बु ओताते मिओनला “ङे मेरा च्‍युताम्‍बे जे ठाक्‍पा खाबा ओतान। मेरा गु खापा गाल्‍ताका?

लूका 5:8

थेरू थोक ओङा थोङगीन शिमोन पत्रुसकी खोबुकला देत्‍कीन “प्रभु, ओर्च्‍ये खो ङे दोन्‍दु मादेत, दुरूकी ग्‍युक। ङे सेम पापकीकामा खाङा ओत,” सिन सिदुक।

यूहन्‍ना 4:9

थेमे थे फेम्‍मे मिकी “ङानी सामरीका ईन। ख्‍योकोन यहूदीला छ्यु चले मिक्‍किओ। थोगी खो चुक खाला ङे बिन्‍दे छ्यु थुङगीते?” सिन सिदुक। यहूदीओनगी सामरीओनला सानु जाति सिन थेबे नाङ लिनदिन छ्याःङ ओङगीन मेतान।

यूहन्‍ना 5:23

आबेकी थोक खाबातेचेन मिओनगी जस्‍तो खाला थे खोरोङला मान खिदुक, थोकराङ खाला थे फुज्‍युङलाङ मान खित्‍स्‍यीत सिनराङ ईन। थोक ईन्‍देकी थे फुज्‍युङला मान मिक्‍किकान्‍ते मिकीचेन थेला दुरू तोङकान्‍तेलाङ मान माक्‍याबाते ईन।

यूहन्‍ना 8:48

थेमे यहूदीओनगी थेला “ङ्योकोनगी खोल्‍ला खो सामरी ईन थेमे खोल्‍ला ल्‍हन्‍डीक खोला दुक साबाते बात पक्‍काराङ मेन्‍दाक्‍वा ओना?” सिन सिदुक।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

१ कोरिन्‍थी 14:25

थोक खाईन थेकी थे खोरोङ सेमला ओताते गाङे लेमु मेलेबा बात परमेश्‍वर दोन्‍दु छ्याःङ बोङा मुथुप्‍च्‍याक्‍वा सिन छ्या स्‍येनामेई “ख्‍योकोन नाङ साँच्‍चीराङ परमेश्‍वर ओताक्‍वा,” सिन खोबुकला देत्‍ला थेकी परमेश्‍वरते जय जय खिओ।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।

छ्या स्‍ये च्‍युताते बात 4:10

थे ङेपाक ओताते थरी स्‍यीबोकी सधैँभरि सोन्‍ला थे सिंहासन लाक देत्‍कान्‍तेते थोक खाला जय जय खित्‍जीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला थेला से खिन ओतान। थेमे थे खेराङगी खोन्‍दाते श्रीपेज थेन्‍ला च्‍याला थे सिंहासन खादु ज्‍याक्‍ला

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।