लूका 17:1 - जिरेल

¹ थेमे येशूकी चेलातेबाला “मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

लूका 17:1 Iomraidhean Croise

मत्ती 16:23

थोक खित्‍जीन ख्‍युर ग्‍युरगीन थेकी थेला “शैतान, खो दुरू ङे मिगी दोन्‍दु मादेत। खो ङे काम ङ्ये ज्‍युता छोल्‍गीदुक। परमेश्‍वरगी दोक खाला काम मिक्‍किओ। खुई साबाते दि बातनी परमेश्‍वरगी खित्‍च्‍येते कामताङ डिकराङ मिडिक्‍च्‍येते ईन,” सिन ङारसुङ।

मत्ती 18:7

पापताङ लोभकी खित्‍सादु दि सा लुङबे मिओनला आउदी मेलेबा ओङगो। मिला पापताङ लोभ खिता सेम मालाङच्‍येते मेन। थोक ईन्‍सीनोङ ज्‍येनला पाप खित च्‍युत्‍ला ङे छ्य्‌वापेई ठाल ज्‍युत्‍कान्‍तेकी आउदी छ्येज्‍यीक सजाय ङेत्‍क्‍यो।

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

रोमी 14:13

थोगी ङुरूङ गाङेकी खुई च्‍यिला थोक खाबे, दोक खाबातेनी पाप ईन सिन साला दोक्‍पोईकी ज्‍येनज्‍यीकला दोष लै खित्‍च्‍येते तोङा फाप्‍क्‍यो। ख्‍योकोनगी खेराङ आज्‍यो न्‍वा च्‍योकराङ ओङाते मिओनला थेबेकी सा मेङगो साबाते साप सोसीन ओङगो साला शंका मालोङ। थेबेकी मास्‍साओ साबाते सो सिन कर लै माकेत।

रोमी 16:17

आज्‍यो न्‍वावे, था थोरूम बातज्‍यीक च्‍यि सासीन ओर्च्‍ये ख्‍योकोनगी खेराङ नाङ फाटो ओङ ज्‍युत्‍कान्‍ते थेमे खेराङला गोमाका लाप्‍कीन बिन्‍दाते गा लाङच्‍येते बातताङ मिडिक्‍च्‍येते बात लाप्‍ला अलमल्‍ल लोङकान्‍ते मिओन सु सु ईन्‍दाका सिन छ्या स्‍येला थेबाताङ च्‍याङबो खि। थोक्‍ते मिओनताङचेन ख्‍योकोनगी साङराङ माकेत।

१ कोरिन्‍थी 10:32

ख्‍योकोनगी खाबाते कामगी खित्‍सादु ज्‍येनला पाप खित माज्‍युत। यहूदीओनला ईन्‍सीनोङ, ग्रीकओनला ईन्‍सीनोङ कि परमेश्‍वर मिओनलाराङ ईन्‍सीनोङ सुङलाङ ख्‍योकोनगी खाबाते कामगी खित्‍सादु पाप खित माज्‍युत।

१ कोरिन्‍थी 11:19

ईन्‍दाका परमेश्‍वर दोन्‍दु सु ठीक खित्‍कान्‍ते ईन्‍दे, सु गल्‍ती खित्‍कान्‍ते ईन्‍दे सिन ठालाला ख्‍योकोन नाङ थोक खाला मिडिक्‍च्‍येते ओङा फाप्‍च्‍येतेराङ ईन।

१ कोरिन्‍थी 8:13

थोगी ङा ख्‍योकोनला च्‍यि सिते सासीन ङे खइँदा सोबा थुबा थोङला सुइँदा ङाराङ आज्‍यो न्‍वाकीङ ङे खाबा च्‍योकराङ खिदुक थेमे थेबाला खोपरोङगी थोक खाबाते पाप खाबाते ईन सिराच्‍योक लाङगीदुक सासीन थेबाला थोक मेङस्‍यीत सिन ङा नोमुङ स्‍या मास्‍साओ। च्‍यिला सासीन ङा थेबाला पाप खित ज्‍युता मोछोलो।

१ तिमोथी 4:1

थेमे था तिरी कोई कोई मिकी मिला छक्‍के खिताला ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात ङेन्‍ला खोपरोङगी येशू ख्रीष्‍टला विश्‍वास खित्‍जीन ङेन्‍दाते बात ङेन्‍दा तोङगो। दोक खिओ सिन परमेश्‍वर आत्‍मेकी लेमु खाईन साबा ओत।

छ्या स्‍ये च्‍युताते बात 2:14

थोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक बात ङि ओत। च्‍यि सासीन ख्‍योकोन नाङ लाला लाला बालामगी लापाते बात ङेन्‍कान दुक। बालामगीचेन बालाक गेल्‍बोला ल्‍हाला पूजा खाबाते सोसीन ओङगो, रन्‍डीबाजी थेमे होदि च्‍योक्‍ते खिता मेङच्‍येते काम खासीनोङ ओङगो सिन लाप्‍कीन बिन्‍गीन इस्राएलीओनला थोक खित च्‍युता ओतान।

छ्या स्‍ये च्‍युताते बात 2:20

दोक ईन्‍सीनोङ ङे ख्‍योकोनला सिरा फाप्‍च्‍येते बातज्‍यीक ओत। चुक सासीन ख्‍योकोनगी जिजेबेलगी साबाते बात ङेन्‍गीदुक। थेकी थे मोरोङला परमेश्‍वर बात खित्‍कान्‍ते फेम्‍मे मि ईन साला ङे काम खित्‍कान ख्‍योकोनला मेन्‍दा मेन्‍दा बात लाप्‍ला रन्‍डीबाजी थेमे होदि च्‍योक्‍ते खिता मेङच्‍येते काम खित च्‍युत्‍ला थेमे ल्‍हाला पूजा खाबाते सार च्‍युत्‍ला लुइदुक।