लूका 16:9 - जिरेल

⁹ ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 16:9 Iomraidhean Croise

मत्ती 19:21

थेमे थेकी “खोल्‍ला परमेश्‍वरगी खि साबा साबा च्‍योककामा खाला साँच्‍चीराङ नोमुङ मिसिन्‍च्‍येते जुनी ङेता सेम लाङगीदुक सासीन था गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

मत्ती 6:19

लोक्‍ला ज्‍येन बात च्‍यि सासीन ख्‍योकोनगी दुरू सम्‍पत्ति साला माज्‍यो। दोक्‍ते सम्‍पत्तिनी बुईकी सेइओ, चा छ्याक्‍यो, खिये खिओ थेमे चोरगी कुला सिन्‍ला तोरला डुइओ।

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

लूका 11:41

दि बात खोला बरू ख्‍योकोनगी खेराङताङ ओताते साच्‍या थुङच्‍येतेबा छ्याःङ मेताते मिओनलाङ गोला बिन। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 14:14

थोक खासीनराङ खुई आशी ङेत्‍क्‍यो। होथेबेकी खुई लै खाबाते भोज सेइओ। तर खोल्‍ला काताङला भोज तेरा मुथुबो। ईन्‍सीनोङ परमेश्‍वरगी थे खोरोङगी खि साबा साबा च्‍योकराङ खित्‍कान्‍ते मिओनला स्‍यिसादुई सोम्‍बो लोक्‍नामेई खुई थोक लेमु खाबे लाईदु खोल्‍ला मान तेरग्‍यो,” सिन सिदुक।

लूका 16:11

बात दोक ईन्‍देकी ङीमाई सिन्‍ला डोच्‍येते सम्‍पत्तिनी ठीक खाला चले खिता मेस्‍येदुक सासीन परमेश्‍वरगी ख्‍योकोनला चुक खाला स्‍वर्गे सम्‍पत्ति चले खित्‍च्‍येते जिम्‍मा तेरगीते?

लूका 16:13

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो,” सिन सिदुक।

लूका 16:4

था ङा चुक खिता ईन्‍ताका सिन न्‍वासाम ताङगीन ए, लो था ङा दोक खिता फाप्‍सुङ। दोक खासीन ङाला कामदुकी देन्‍दासात्तु मिओनगी दाक तेइओ याङ सिन सादुक्‍लो।

शक्ति काम 10:31

थेकी वाकीन ङाला ‘कर्नेलियस, खुई परमेश्‍वरला प्रार्थना खिन ओताते थेमे दुक्‍पा ङेतातेबाला ताबाते बात गाङे परमेश्‍वरगी छ्या स्‍येबा ओत।

शक्ति काम 10:4

परमेश्‍वर दूतकी कातोङजीन ज्‍यीबेकी थुरथुर गाल्‍गीन थेला ऊरीकामा ताकीन देत्‍कीन थेकी “च्‍यि साबे प्रभु,” सिदुक। थेमे थे दूतकी थेला “खुई प्रार्थना खाबाते थेमे दुक्‍पा ङेताते मिओनला दुक्‍पाला ताबाते परमेश्‍वरगी थोङगीन खोल्‍ला मन परे खाबा ओत।

२ कोरिन्‍थी 4:17

थरिङोला टिक्‍पी दिन दोक्‍ते दुक्‍पा भोगे खिता फाप्‍सीनोङ दोक खाईन सिन्‍नामेईनी परमेश्‍वरगी ङेराङला सधैँभरि लाईदु मान बिन्‍ला थे खोरोङगी ज्‍वा चाला च्‍योकराङ लेमुका जोइओ। होथे बात सम्‍झे खित्‍जीन ङ्योकोनलानी थरिङोला टिक्‍पी दिन ङेराङगी भोगे खिन ओताते होदोक्‍ते पीरताङ दुक्‍पा छ्याःङ मेन सिराच्‍योक लाङगीदुक।

यहूदा 1:21

परमेश्‍वरगी ख्‍योकोनला ङिङज्‍ये खिनराङ देत्‍क्‍यो सिन टोक माज्‍येत। थेमे ङीमाई ङुरूङ प्रभु येशू ख्रीष्‍ट ग्‍युरला वाला थेकी दया खाईन तेरग्‍यो साबाते नोमुङ मिसिन्‍च्‍येते जुनी ङेत्‍क्‍यो सिन थेला गुलाराङ देत।