लूका 16:8 - जिरेल

⁸ थेकी चुक चुक खाका सिरच्‍येते दि बात गाङे थाहा छ्येत्‍नामेकी धनीतेकी थेला ‘बिई, खुई चुक च्‍याङबो खाका। ङा ओत्‍सादुई थेन्‍नामेई खोल्‍ला था थे मिओनगीराङ सोइओ,’ सिन सादुक्‍लो। दि जुनी विचारकामा खित्‍कान्‍ते मिओनगी खोपरोङ काम आउदी च्‍याङबो खाला खिओ। बरू परमेश्‍वर बात ङेन्‍कान्‍ते मिओनगीङ दोक च्‍याङबो खाला काम खिता मेस्‍येओ।

लूका 16:8 Iomraidhean Croise

मत्ती 12:32

थोकराङ खाला परमेश्‍वर ओत्‍सादुई वाबाते मि ङे विरोध खाला मेलेबा बात खिदुक सासीन थेकी माफ ङेता थुप्‍क्‍यो। ईन्‍दा मेन्‍दा साकीन परमेश्‍वर आत्‍मे विरोध खासीन थोक्‍ते मिकीचेन दि जुनीलाङ तिरी जुनीलाङ नोमुङ माफ मेङेदो।

मत्ती 17:26

थेकी “ज्‍येन मिओनताङ,” सिन सिदुक। थेमे येशूकी “थोक ईन्‍सीन खोपरोङ फुज्‍युङओनगीनी छ्याःङ ज्‍येला माफाबो, मेन? थेबेकी करताङ तिरो ज्‍येनला माफापा च्‍योकराङ ईन्‍दानी ङुरूङगीङ परमेश्‍वर मन्‍दिर तिरो ज्‍येला फाप्‍च्‍येते मेन।

लूका 16:10

बात चुक सासीन दाक्‍पोन जिम्‍माला बिन्‍दाते सम्‍पत्ति टिक्‍पीस्‍यिकराङ ईन्‍सीनोङ जसकी लेमु खाला तेइदुक थेकीचेन काल्‍बेई सम्‍पत्ति जिम्‍मा बिन्‍सीनोङ लेमुराङ खाला तेइओ। तर जिम्‍मा लै खाबाते टिक्‍पीस्‍यिक सम्‍पत्ति लेमु खाला माताबा खाला मनपरी खित्‍कानला सम्‍पत्ति काल्‍बेई जिम्‍मा बिन्‍सीन झन मनपरी खिओ।

लूका 16:4

था ङा चुक खिता ईन्‍ताका सिन न्‍वासाम ताङगीन ए, लो था ङा दोक खिता फाप्‍सुङ। दोक खासीन ङाला कामदुकी देन्‍दासात्तु मिओनगी दाक तेइओ याङ सिन सादुक्‍लो।

लूका 16:7

थेमे थे तिरी मिला ठिजीन थेकीचेन ‘ङे क्‍विन्‍टल सय सुमताङ खाल ङिताङ च्‍युताम्‍बा ठा ज्‍येला फाप्‍च्‍या ओत,’ सिन सादुक्‍लो। थेमे थेलाङ ‘लो खुई खोरोङ स्‍यिउ लाला खालि क्‍विन्‍टल सय सुमकामा ज्‍येला फाप्‍च्‍येते ईन सिन टि,’ सिन थोस्‍यिकराङ टिक च्‍युत्‍तुक्‍लो।

लूका 18:6

दोक साकीन प्रभु येशूकी चेलातेबाला “थे खोरोङला छोउ छोउ जोनामेईकामा थे घूस साकान्‍ते न्‍यायाधीशकी दि फेम्‍मे मि न्‍याय खाला तेराराङ फाप्‍सुङ सिन न्‍याय खाईन बिन्‍सुङ।

लूका 20:34

थेबेकी थोक सिरजीन येशूकी “मिओनगी फाङमा खित्‍च्‍येते खालि दि जुनीलाकामा ईन।

लूका 20:35

तिरी जुनी बातचेन खुदुक ईन। थेजीन सोम्‍बो लोक्‍ला परमेश्‍वरताङ देता ङेत्‍कान्‍ते मिओनगी फाङमा मिक्‍किओ। थेजीन फाङमा खित्‍च्‍येते बात छ्याःङ मेङगो।

यूहन्‍ना 12:36

स्‍वर्गे नाम्‍दाक खेराङताङ ङ्योम्‍बु ओत्‍केलाराङ ख्‍योकोन थे नाम्‍दाक छ्य्‌वापा लै खि। दोक खासीन ख्‍योकोनचेन नाम्‍दाकला ख्‍याम्‍कान्‍ते मि ओङगो,” सिन सिदुक। दि बाततेबा खाईन सिन्‍नामेकी येशू थेरूई गाल्‍सुङ। थेमे मिओनगी मोथोङस्‍यीत सिन थेङला खापाङ माथेन्‍सुङ।

१ कोरिन्‍थी 3:18

ख्‍योकोन सुङगीङ दाक्‍पोनगी ठुबाते डालुम नाङ दाक्‍पोनराङ स्‍यूक्‍च्‍येते काम माकेत। च्‍यि सासीन दि सा लुङबे मिकी कोईला आउदी बुद्धि ओताते मि ईन सिओ। ख्‍योकोन नाङ सुइँदाला खेराङ होथेबेकी साबा च्‍योक्‍ते मि ईन सिराच्‍योक लाङगीदुक सासीन बरू ख्‍योकोनगी ङानी छ्याःङ मेस्‍येकान्‍ते मि ईन सिराच्‍योक खि। दोक खाला छ्ये मिक्‍किकान्‍ते मिराङ बुद्धि ओताते मि ईन।

एफिसी 5:8

मुन्‍दाकला देत्‍कीन ख्‍योकोन गोमा मेलेबा कामताङ बात खिन ओतान। प्रभु ख्रीष्‍टताङ जीउज्‍यीकराङ ओङेकी थाचेन ख्‍योकोन नाम्‍दाकला देत्‍कान्‍ते मि ईन। थोगी नाम्‍दाकला देत्‍कान्‍ते मिकी चुक चुक खिता फाप्‍च्‍येते ईन्‍दे ख्‍योकोनगी थोकराङ खि।

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

१ थिस्‍सलोनिकी 5:5

ख्‍योकोननी गाङेराङ परमेश्‍वर नाम्‍दाकला देत्‍कान्‍ते मि ईन। ख्‍योकोन मुन्‍दाकला खित्‍च्‍येते मेलेबा मेलेबा काम खित्‍कान्‍ते मि मेन्‍देकी नाम्‍दाकला लेमु काम खित्‍कान्‍ते मि ईन। ङुरूङचेन मेलेबा मेलेबा काम खिन मुन्‍दाकला देत्‍कान्‍ते मि मेन।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

१ यूहन्‍ना 3:10

सु सु परमेश्‍वर फुज्‍युङ फुमु ईन्‍दाका सु सु शैतान सन्‍तान ईन्‍दाका सिन ङुरूङगी लेमु खाला डेला थुप्‍क्‍यो। चुक खाला सासीन लेमु काम मिक्‍किकान्‍ते मिङ दाक्‍पोन आज्‍यो न्‍वाला ङिङज्‍ये मिक्‍किकान्‍ते मिङ परमेश्‍वर फुज्‍युङ फुमु ईनराङ मेन।