लूका 16:3 - जिरेल

³ धनीतेकी थोक सानामेकी थेकी सेमगी नाङ गुने खिन था ङाला कामदुकी देन्‍च्‍याराङ ओङसुङ। चुक खाला जीउ पाला खित्‍च्‍या ईन्‍ताका? लाङ मोला तोक्‍ची कोला सेइ सासीनोङ ङेते लाक्‍पा काम्‍बा थोक रोम्‍बो मेत। नाङ खाला साबोङ ङोचा ईन।

लूका 16:3 Iomraidhean Croise

मत्ती 20:8

थेमे नाम स्‍योनामेकी थे स्‍यीङगी धनीकी थे खोरोङ खाम्‍बादु पैसे काम खित्‍कान्‍ते मिला काताङगीन ‘लो था खेतालाओनला काताङला थरिङ कामगीते खोपरोङ खोपरोङ निमेक गोला बिन। थोक खित्‍जीन खुई गोमाचेन गाङे भन्‍दा तिरी काम खित गालातेबाला बिन। थेरूकी थेबा भन्‍दा टिक्‍पी गोमा काम खित गालातेबाला बिन। थेमे गाङे भन्‍दा तिरीचेन ङोमुका काम खित गालातेबाला बिन,’ सिन कोत्‍तुक्‍लो।

मर्कूस 10:46

थेमे ख्‍याम्‍गीन ख्‍याम्‍गीन येशूताङ थे चेलाओन थेमे थेबाताङ ख्‍याम्‍बाते मिओन यरीहो सारदु लेपा ओतान। थेमे थेबा थे सारदुकीङ ख्‍याम्‍सुङ। थेरू लामगी खादुराङ अन्‍धज्‍यीक देता ओतान। थेचेन थे लाम ख्‍याम्‍कान्‍ते मिओनला नाङ खित्‍कान्‍ते ओतान। थे तिमै फुज्‍युङ बारतिमै सिराते ओतान।

लूका 12:17

थेमे थे मिकी था ङा दि अन्‍नतेबा ज्‍य्‌वाबाला च्‍यि खिता ईन्‍ताका। ठाउँ मादाङच्‍या ओङगीन सिन्‍सुङ।

लूका 16:2

थोगी थेला काताङगीन च्‍याकीन ‘खो ङे सम्‍पत्ति आउदी मनपरी खाला चले खित्‍च्‍याक्‍वा। था खो दुरू देता माफाबो। थरिङसाक हर हिसाब गाङे नाङ,’ सिन सादुक्‍लो।

लूका 16:20

थेमे थे ठाउँदुराङ लाजरस सिराई नाङ खित्‍कान्‍ते मिज्‍यीगोङ ओतानलो। थेते जीउ खाङ माराङ मा छोबा ओतानलो। थेमे ज्‍येनगी थेला थे छ्युक्‍पुते मि खाम्‍बे स्‍याङके खादु क्‍याल्‍ला ज्‍य्‌वाकीन ओतानलो।

लूका 16:22

थोक खिन खिन तिरी लाजरस स्‍यिदुक्‍लो। थेमे परमेश्‍वर दूतओनगी स्‍वर्गने खेरगीन थेला अब्राहाम खादु ज्‍याक्‍तुक्‍लो। थे तिरी थे छ्युक्‍पुते मिङ स्‍यिदुक्‍लो। थेमे खोपरोङ मिकी थेला सासगास खादुक्‍लो।

लूका 16:4

था ङा चुक खिता ईन्‍ताका सिन न्‍वासाम ताङगीन ए, लो था ङा दोक खिता फाप्‍सुङ। दोक खासीन ङाला कामदुकी देन्‍दासात्तु मिओनगी दाक तेइओ याङ सिन सादुक्‍लो।

लूका 18:4

थे फेम्‍मे मिकी थोक खासीनोङ काल्‍बेई दिनसाक थेकी नामज्‍योकराङ मासेत्‍तुक्‍लो। ईन्‍सीनोङ थे फेम्‍मे मि थे ओत्‍सादु डुइनराङ देत्‍कीन दिक्‍क वाक्‍क जोनामेई ङीमाई थेकी ङा परमेश्‍वरगी छ्येन विचार खिओ सिन ज्‍यीबा मिक्‍किओ। थेमे मिओनगी च्‍यि सारोङा सिनोङ ङाला छ्याःङ वास्‍ता मेत।

यूहन्‍ना 9:8

थे मिला थोङगीन थे युल्‍बाओन थेमे थेला गोमा नाङ खिता थोङकान्‍ते मिओनगी “च्‍यि दि मि लामदु देत्‍ला नाङ सिरकान्‍ते मेनरो?” सिन ठिरीङ खासुङ।

शक्ति काम 3:2

थे मन्‍दिरने स्‍यूक्‍सादु केजीनमेईराङ कुज्‍ये ओताते मिज्‍यीक देता ओतान। थेला ङीमे ठाङमा ज्‍येनगी खुरला खुलाला च्‍याला थे मन्‍दिरते लेमुते गो सिरसादु ज्‍य्‌वाकीन ओतान। थेमे थेचेन थे मन्‍दिरदु ओङकान्‍ते मिओनला पैसा नाङ खिन ओतान।

शक्ति काम 9:6

लो था खो लाला सारनापा ग्‍युक। खुई च्‍यि च्‍यि खिता फाप्‍कीते सिन था ङा खोल्‍ला थेपाराङ लाप्‍ला तेर ज्‍युत्‍क्‍यो,” सिनोङ सिरा थोसुङ।

२ थिस्‍सलोनिकी 3:11

ख्‍योकोन नाङ कोई कोई अल्‍छीकी दाक्‍पोन काम खिता ताङला ज्‍येन मि काम खित्‍साला गाल्‍ला बरालस्‍यिङ लोङगीदुक्‍लो सिरा थोकीदुक।